౭. వస్ససుత్తవణ్ణనా

౧౯౭. సత్తమే నేమిత్తాతి నిమిత్తపాఠకా. తేజోధాతు పకుప్పతీతి మహాఅగ్గిక్ఖన్ధో ఉప్పజ్జతి. పాణినా ఉదకం సమ్పటిచ్ఛిత్వాతి ఉప్పన్నం ఉతుసముట్ఠానం ఉదకం తియోజనసతేన హత్థేన పటిగ్గహేత్వా. పమత్తా హోన్తీతి అత్తనో కీళాయ పమత్తా హోన్తి విప్పవుట్ఠసతినో. తేసఞ్హి సకాయ రతియా ‘‘రమామా’’తి చిత్తే ఉప్పన్నే అకాలేపి దేవో వస్సతి, తదభావే న వస్సతి. తం సన్ధాయేతం వుత్తం – ‘‘న కాలవస్స’’న్తి. అట్ఠమనవమాని ఉత్తానత్థానేవ.