౧. పఠమసమ్మత్తనియామసుత్తవణ్ణనా

౧౫౧. చతుత్థస్స పఠమే అభబ్బో నియామం ఓక్కమితుం కుసలేసు ధమ్మేసు సమ్మత్తన్తి కుసలేసు ధమ్మేసు సమ్మత్తభూతం మగ్గనియామం ఓక్కమితుం అభబ్బో అభాజనం. కథం పరిభోతీతిఆదీసు ‘‘కిం కథా నామ ఏసా’’తి వదన్తో కథం పరిభోతి నామ. ‘‘కిం నామేస కథేతి, కిం అయం జానాతీ’’తి వదన్తో కథికం పరిభోతి నామ. ‘‘మయం కిం జానామ, కుతో అమ్హాకం ఏతం సోతుం బల’’న్తి వదన్తో అత్తానం పరిభోతి నామ. విపరియాయేన సుక్కపక్ఖో వేదితబ్బో.