౩. సోణకాయనసుత్తవణ్ణనా

౨౩౪. తతియే సిఖామోగ్గల్లానోతి సీసమజ్ఝే ఠితాయ మహతియా సిఖాయ సమన్నాగతో మోగ్గల్లానగోత్తో బ్రాహ్మణో. పురిమానీతి అతీతానన్తరదివసతో పట్ఠాయ పురిమాని, దుతియాదితో పట్ఠాయ పురిమతరాని వేదితబ్బాని. సోణకాయనోతి తస్సేవ అన్తేవాసికో. కమ్మసచ్చాయం భో లోకోతి భో అయం లోకో కమ్మసభావో. కమ్మసమారమ్భట్ఠాయీతి కమ్మసమారమ్భేన తిట్ఠతి. కమ్మం ఆయూహన్తోవ తిట్ఠతి, అనాయూహన్తో ఉచ్ఛిజ్జతీతి దీపేతి. సేసం హేట్ఠా వుత్తనయమేవ.