౪. ఉట్ఠానఫలసుత్తవణ్ణనా

౧౩౪. చతుత్థే ఉట్ఠానవీరియేనేవ దివసం వీతినామేత్వా తస్స నిస్సన్దఫలమత్తం కిఞ్చిదేవ లభిత్వా జీవికం కప్పేతి, తం పన ఉట్ఠానం ఆగమ్మ కిఞ్చి పుఞ్ఞఫలం నప్పటిలభతి, అయం ఉట్ఠానఫలూపజీవీ న కమ్మఫలూపజీవీ నామ. చాతుమహారాజికే పన దేవే ఆదిం కత్వా సబ్బేపి దేవా ఉట్ఠానవీరియేన వినా పుఞ్ఞఫలస్సేవ ఉపజీవనతో కమ్మఫలూపజీవినో న ఉట్ఠానఫలూపజీవినో నామ. రాజరాజమహామత్తాదయో ఉట్ఠానఫలూపజీవినో చ కమ్మఫలూపజీవినో చ. నేరయికసత్తా నేవ ఉట్ఠానఫలూపజీవినో న కమ్మఫలూపజీవినో. ఇమస్మిం సుత్తే పుఞ్ఞఫలమేవ కమ్మఫలన్తి అధిప్పేతం, తఞ్చ తేసం నత్థి.