౧. సంయోజనసుత్తవణ్ణనా

౧౩౧. చతుత్థస్స పఠమే ఉపపత్తిపటిలాభియానీతి యేహి అనన్తరా ఉపపత్తిం పటిలభతి. భవపటిలాభియానీతి ఉపపత్తిభవస్స పటిలాభాయ పచ్చయాని. సకదాగామిస్సాతి ఇదం అప్పహీనసంయోజనేసు అరియేసు ఉత్తమకోటియా గహితం. యస్మా పన అన్తరాపరినిబ్బాయిస్స అన్తరా ఉపపత్తి నత్థి, యం పన సో తత్థ ఝానం సమాపజ్జతి, తం కుసలత్తా ‘‘ఉపపత్తిభవస్స పచ్చయో’’ తేవ సఙ్ఖ్యం గచ్ఛతి. తస్మాస్స ‘‘ఉపపత్తిపటిలాభియాని సంయోజనాని పహీనాని, భవపటిలాభియాని సంయోజనాని అప్పహీనానీ’’తి వుత్తం. ఓరమ్భాగియేసు చ అప్పహీనం ఉపాదాయ సకదాగామిస్స అవిసేసేన ‘‘ఓరమ్భాగియాని సంయోజనాని అప్పహీనానీ’’తి వుత్తం. సేసమేత్థ ఉత్తానమేవ.