(౧౪) ఛ దిట్ఠియో

౯౪౮. తత్థ కతమా ఛ దిట్ఠియో? ‘‘అత్థి మే అత్తా’’తి వా అస్స సచ్చతో థేతతో దిట్ఠి ఉప్పజ్జతి, ‘‘నత్థి మే అత్తా’’తి వా అస్స సచ్చతో థేతతో దిట్ఠి ఉప్పజ్జతి, ‘‘అత్తనా వా అత్తానం సఞ్జానామీ’’తి వా అస్స సచ్చతో థేతతో దిట్ఠి ఉప్పజ్జతి, ‘‘అత్తనా వా అనత్తానం సఞ్జానామీ’’తి వా అస్స సచ్చతో థేతతో దిట్ఠి ఉప్పజ్జతి, ‘‘అనత్తనా వా అత్తానం సఞ్జానామీ’’తి వా అస్స సచ్చతో థేతతో దిట్ఠి ఉప్పజ్జతి; అథ వా పనస్స ఏవందిట్ఠి హోతి – ‘‘సో మే అయం అత్తా వదో వేదేయ్యో తత్ర తత్ర దీఘరత్తం కల్యాణపాపకానం కమ్మానం విపాకం పచ్చనుభోతి. న సో జాతో నాహోసి, న సో జాతో న భవిస్సతి, నిచ్చో ధువో సస్సతో అవిపరిణామధమ్మో’’తి వా పనస్స సచ్చతో థేతతో దిట్ఠి ఉప్పజ్జతి. ఇమా ఛ దిట్ఠియో.

ఛక్కం.