౭. ఖలుపచ్ఛాభత్తికఙ్గకథావణ్ణనా

౩౦. భుఞ్జన్తస్స యం ఉపనీతం, తస్స పటిక్ఖేపేన తం అతిరిత్తం భోజనన్తి అతిరిత్తభోజనం. పున భోజనం కప్పియం కారేత్వా న భుఞ్జితబ్బం, తబ్బిసయత్తా ఇమస్స ధుతఙ్గస్స. తేనాహ ‘‘ఇదమస్స విధాన’’న్తి. యస్మిం భోజనేతి యస్మిం భుఞ్జియమానే భోజనే. తదేవ భుఞ్జతి, న అఞ్ఞం. అనతిరిత్తభోజనపచ్చయా ఆపత్తి అనతిరిత్తభోజనాపత్తి, తతో దూరీభావో అనాపజ్జనం. ఓదరికత్తం ఘస్మరభావో కుచ్ఛిపూరకతా, తస్స అభావో ఏకపిణ్డేనాపి యాపనతో. నిరామిససన్నిధితా నిహితస్స అభుఞ్జనతో. పున పరియేసనవసేన పరియేసనాయ ఖేదం న యాతి. అభిసల్లేఖకానం సన్తోసగుణాదీనం వుద్ధియా సఞ్జననం సన్తోసగుణాదివుడ్ఢిసఞ్జననం. ఇదన్తి ఖలుపచ్ఛాభత్తికఙ్గం.

ఇతి ఖలుపచ్ఛాభత్తికఙ్గకథావణ్ణనా.