సారిపుత్తసంయుత్త

సుచిముఖీసుత్త

పుచ్ఛా – సారిపుత్తసంయుత్తే పనావుసో దసమం సుచిముఖీసుత్తం కత్థ కం ఆరబ్భ కిస్మిం వత్థుస్మిం కేన కథఞ్చ భాసితం.

విస్సజ్జనా – రాజగహే భన్తే సుచిముఖిం పరిబ్బాజికం ఆరబ్భ ఆయస్మతా సారిపుత్తత్థేరేన ధమ్మసేనాపతినా భాసితం. సుచిముఖీ భన్తే పరిబ్బాజికా ఆయస్మన్తం సారిపుత్తం ఏతదవోచ ‘‘కిం ను ఖో సమణ అధోముఖో భుఞ్జసీ’’తి. తస్మిం భన్తే వత్థుస్మిం ‘‘న ఖ్వాహం భగిని అధోముఖో భుఞ్జామీ’’తి ఏవమాదినా పటిక్ఖిపిత్వా ‘‘యే హి కేచి భగిని సమణబ్రాహ్మణా వత్థువిజ్జా తిరచ్ఛానవిజ్జాయ మిచ్ఛాజీవేన జీవికం కప్పేన్తి, ఇమే వుచ్చన్తి భగిని సమణబ్రాహ్మణా అధోముఖా భుఞ్జన్తీ’’తి ఏవమాదినా ఆయస్మతా సారిపుత్తత్థేరేన ధమ్మసేనాపతినా భాసితం.

కిం ను ఖో సమణ అధో ముఖో భుఞ్జసి.

న ఖ్వాహం భగిని అధోముఖో భుఞ్జామి.

తేన హి సమణ ఉబ్భముఖో భుఞ్జసి.

న ఖ్వాహం భగిని ఉబ్భముఖో భుఞ్జామి.