భిక్ఖుసంయుత్త

నవసుత్త

పుచ్ఛా – భిక్ఖుసంయుత్తే ఆవుసో భగవతా నవసుత్తం కత్థ కం ఆరబ్భ కథఞ్చ భాసితం.

విస్సజ్జనా – సావత్థియం భన్తే అఞ్ఞతరం నవం భిక్ఖుం ఆరబ్భ భాసితం. అఞ్ఞతరో భన్తే నవో భిక్ఖు పచ్ఛాభత్తం పిణ్డపాతపటిక్కన్తో విహారం పవిసిత్వా అప్పోసుక్కో తుణ్హీభూతో సఙ్కసాయభి, న భిక్ఖూనం వేయ్యావచ్చం కరోతి చీవరకారసమయే తస్మిం భన్తే వత్థుస్మిం ‘‘మా ఖో తుమ్హే భిక్ఖవే ఏతస్స భిక్ఖునో ఉజ్ఝాయిత్థా ఏసో ఖో భిక్ఖవే భిక్ఖు చతున్నం ఝానానం ఆభిచేతసికానం దిట్ఠధమ్మ సుఖవిహారానం నికామలాభీ అకిచ్ఛలాభీ అకసిరలాభీ’’తి ఏవమాదినా భగవతా భాసితం.

అహమ్పి ఖో భన్తే సకం కిచ్చం కరోమి,

ఏసో ఖో భిక్ఖవే భిక్ఖు చతున్నం ఝానానం ఆభిచేతసికానం దిట్ఠధమ్మసుఖవిహారానం నికామలాభీ అకిచ్ఛలాభీ అకసిరలాభీ –

నయిదం సిథిలమారబ్భ, నయిదం అప్పేన థామసా;

నిబ్బానం అధిగన్తబ్బం, సబ్బదుక్ఖప్పమోచనం;

అయఞ్చ దహరో భిక్ఖు, అయముత్తమపురిసో;

ధారేతి అన్తిమం దేహం, జేత్వా మారం సవాహినిం–