౯౦. పఞ్చాదీనం చుద్దసన్న+మ

పఞ్చాదీనం చుద్దసన్నం సునంహిస్వ హోతి. ఏత్త+దీఘాపవాదో+యం. అపవాదతి బాధేతీతి అపవాదో. తస్మా ‘‘పకప్యాపవాదవిసయముస్సగ్గా అభినివిసన్తే’’తి ఞాయా ‘‘సుహిస్వ+స్సే’’ ‘‘సునంహిసు’’తి చ ఉస్సగ్గా ‘‘పఞ్చాదీనం చుద్దసన్న+మ’’ ఇతి అపవాదవిసయం న పవిసన్తి, సామఞ్ఞత్తా. ఏవ+ముపరిపి ‘‘పఞ్చమియం పరస్స’’ ‘‘ఆదిస్సా’’తి. పఞ్చహి పఞ్చభి పఞ్చన్నం. పఞ్చన్నం. పఞ్చసు. ఏవం ఛాదయో అట్ఠారసన్తా.

‘‘చత్థే’’తి ఏకో చ దస చాతి చత్తసమాసే ‘‘అమాదీ’’తి ఏకేన అధికా దసాతి తతియాసమాసే వా కతే ‘‘ఏకత్థతాయ’’న్తి విభత్తిలోపో. ఏవ+ముపరి చ.