౮౫. నతే

పుచ్ఛీయిత్థాతి విగ్గయ్హ త్తో, తస్స ‘‘పుచ్ఛాదితో’’తి (౫-౧౪౩) ఠో. సేసం వుత్తనయమేవ. ఏ ఓనమ్పటిసేధముఖేనాతి ఏఓనమ్పటిసేధస్స పకతత్తా వుత్తం. చినితబ్బన్తిఆదీసు చీయిత్థ చీయతి వాతిఆదినా విగ్గహో. చినితున్తిఆదీసు చిననా యాతి(ఆదినా). నను చ (ఞిఆగ)మో, న పచ్చయోతి కథమ్పచ్చయే ‘‘లహుస్సుపన్తస్సా’’తి (౫-౮౩) ఏఓ పప్పోన్తి కథఞ్చే సమ్పటిసేధోచ్చాసఙ్కియాహ- ‘ఞిస్సే’చ్చాది. ననుచాదిమ్హి న యువణ్ణాభి కథమేత్థప్పసఙ్గోతి ఆహ- ‘సకాపానం కుక్కూణేతి’చ్చాది.

పత్తోకారస్సాతి ధుసద్దే ఉకారస్స పత్తోకారస్స. యువణ్ణేచ్చాదినాపత్తస్సాతి (తబ్బ) తుం పచ్చయేసు చ ణినో పత్తస్స. వా విధానా న ఞి. ధునాపేతబ్బన్తిఆదిపాఠే ఞిమ్హి అకతే ‘‘అఞ్ఞత్రాపీ’’తి (౫-౮౭) పటిసేధాభావో. ధునాపేతీతి పాఠేతిమ్హి లే చ ‘‘క్వచి వికరణాన’’న్తి (౫-౧౬౧) వికరణలోపే చ ఏకారో. అసతి నాగమే ‘‘యువణ్ణే’’చ్చాదినా ఏత్తం సియా తమ్పినాగమే ఉపన్తత్తా నేత్యధిప్పాయేనాహ- ‘తథాపి’చ్చాది. పక్ఖన్తరమాహ- ‘నాగమే’చ్చాది.