౪౦. సమా

పరాధికారతో పచ్చయస్స పరవిధినావ సామీప్యస్స సిద్ధత్తా సాధీప్యవచనస్సన్తసద్దస్స గహణమనత్థకం సియాతి మన్త్వావయవవచనో యమన్తసద్దో గయ్హతీతి దస్సేన్తో ఆహ- ‘తస్స అన్తో’ఇచ్చాది. అవసానవతి+అవయవోతి పదచ్ఛేదో, సమాసగ్గహణేన గహణే కారణమాహ-‘అవయవత్తా’తి. యథావుత్తచోదనాయ నిద్దోసత్తముపమావసేన దస్సేతుమాహ-‘నాయం దోసో’చ్చాది. పల్లవితస్స రుక్ఖస్స పల్లవానమవయవత్తం వియ సమాసతో ఉత్తరకాలం విధీయ మానస్స అకారస్స సమాసావయవత్తం న విరుజ్ఝతీతి అత్థో.