౩౭. ఏఓ

నను ‘‘వితిస్సేవే వా’’తి (౧-౩౬) వోత్యనువత్తియ అవణ్ణే ఏఓనం వో హోతీతి చ సక్కా విఞ్ఞాతుం, తథా సతి ‘అవణ్ణే క్వచి వో హోతీ’’తి వత్తబ్బం ‘అహోతి వా’తి కస్మా వుత్తన్తి చోదనమాసఙ్కియాహ-‘ఓకారస్సపి’చ్చాది, ఠానిభావేన నిద్దిట్ఠత్తాతి ‘‘ఏఓన’’న్తి (౧-౩౧) వకారాదేసస్స విజ్జమానత్తా వకారాదేసమ్పతి పున ఓకారో ఠానిభావేన నిద్దిసితబ్బో న సియాతి అధిప్పాయేనాహ, న నిమిత్తన్తి ఏఓనం వకారాదేసత్థం అవణ్ణో కారణం న హోతీతి అత్థో, అఞ్ఞథాతి అవణ్ణస్స నిమిత్తత్తే, ఓకారం న పఠేయ్యాతి సమ్బన్ధో, మకారాగమే’యాచ కమాగతే అగ్గమక్ఖాయతీ’తి, స్వే భవన్తి విగ్గయ్హ తనప్పచ్చయే తద్ధితవుత్తియం విభత్తియా ‘‘ఏకత్థతాయం’’తి (౨-౧౧౯) లోపే అకారాదేసే దీఘేచ స్యాదిమ్హి స్వాతనం ద్విత్తే హియ్యత్తనం. స్వాతనన్తిఆదీసు నిచ్చం, ఇధ నహోతి పరేచ న విజానన్తీతి.