౧౦. భవసుత్తం

౧౦౫. ‘‘తయోమే, భిక్ఖవే, భవా పహాతబ్బా, తీసు సిక్ఖాసు సిక్ఖితబ్బం. కతమే తయో భవా పహాతబ్బా? కామభవో, రూపభవో, అరూపభవో – ఇమే తయో భవా పహాతబ్బా. కతమాసు తీసు సిక్ఖాసు సిక్ఖితబ్బం? అధిసీలసిక్ఖాయ, అధిచిత్తసిక్ఖాయ, అధిపఞ్ఞాసిక్ఖాయ – ఇమాసు తీసు సిక్ఖాసు సిక్ఖితబ్బం. యతో ఖో, భిక్ఖవే, భిక్ఖునో ఇమే తయో భవా పహీనా హోన్తి, ఇమాసు చ తీసు సిక్ఖాసు సిక్ఖితసిక్ఖో హోతి – అయం వుచ్చతి, భిక్ఖవే, భిక్ఖు అచ్ఛేచ్ఛి తణ్హం, వివత్తయి సంయోజనం, సమ్మా మానాభిసమయా అన్తమకాసి దుక్ఖస్సా’’తి. దసమం.