౧౦. మిచ్ఛావాయామసుత్తం

౧౨౦. ‘‘పఞ్చహి, భిక్ఖవే, ధమ్మేహి సమన్నాగతా భిక్ఖునీ యథాభతం నిక్ఖిత్తా ఏవం నిరయే. కతమేహి పఞ్చహి? అననువిచ్చ అపరియోగాహేత్వా అవణ్ణారహస్స వణ్ణం భాసతి, అననువిచ్చ అపరియోగాహేత్వా వణ్ణారహస్స అవణ్ణం భాసతి, మిచ్ఛావాయామా చ హోతి, మిచ్ఛాసతినీ చ [మిచ్ఛాసతి చ (స్యా.)], సద్ధాదేయ్యం వినిపాతేతి. ఇమేహి ఖో, భిక్ఖవే, పఞ్చహి ధమ్మేహి సమన్నాగతా భిక్ఖునీ యథాభతం నిక్ఖిత్తా ఏవం నిరయే.

‘‘పఞ్చహి, భిక్ఖవే, ధమ్మేహి సమన్నాగతా భిక్ఖునీ యథాభతం నిక్ఖిత్తా ఏవం సగ్గే. కతమేహి పఞ్చహి? అనువిచ్చ పరియోగాహేత్వా అవణ్ణారహస్స అవణ్ణం భాసతి, అనువిచ్చ పరియోగాహేత్వా వణ్ణారహస్స వణ్ణం భాసతి, సమ్మావాయామా చ హోతి, సమ్మాసతినీ చ, సద్ధాదేయ్యం న వినిపాతేతి. ఇమేహి ఖో, భిక్ఖవే, పఞ్చహి ధమ్మేహి సమన్నాగతా భిక్ఖునీ యథాభతం నిక్ఖిత్తా ఏవం సగ్గే’’తి. దసమం.

అన్ధకవిన్దవగ్గో దుతియో.