౧. అకుసలసుత్తం

౧౪౭. ‘‘తీహి, భిక్ఖవే, ధమ్మేహి సమన్నాగతో యథాభతం నిక్ఖిత్తో ఏవం నిరయే. కతమేహి తీహి? అకుసలేన కాయకమ్మేన, అకుసలేన వచీకమ్మేన, అకుసలేన మనోకమ్మేన – ఇమేహి ఖో, భిక్ఖవే, తీహి ధమ్మేహి సమన్నాగతో యథాభతం నిక్ఖిత్తో ఏవం నిరయే.

‘‘తీహి, భిక్ఖవే, ధమ్మేహి సమన్నాగతో యథాభతం నిక్ఖిత్తో ఏవం సగ్గే. కతమేహి తీహి? కుసలేన కాయకమ్మేన, కుసలేన వచీకమ్మేన, కుసలేన మనోకమ్మేన – ఇమేహి ఖో, భిక్ఖవే, తీహి ధమ్మేహి సమన్నాగతో యథాభతం నిక్ఖిత్తో ఏవం సగ్గే’’తి. పఠమం.