142. து²ல்லச்சயவத்து²காதி³

238. இத⁴ பன, பி⁴க்க²வே, பி⁴க்கு² தத³ஹு பவாரணாய து²ல்லச்சயம் அஜ்ஜா²பன்னோ ஹோதி. ஏகச்சே பி⁴க்கூ² து²ல்லச்சயதி³ட்டி²னோ ஹோந்தி, ஏகச்சே பி⁴க்கூ² ஸங்கா⁴தி³ஸேஸதி³ட்டி²னோ ஹோந்தி. யே தே, பி⁴க்க²வே, பி⁴க்கூ² து²ல்லச்சயதி³ட்டி²னோ, தேஹி ஸோ, பி⁴க்க²வே, பி⁴க்கு² ஏகமந்தம் அபனேத்வா யதா²த⁴ம்மம் காராபேத்வா ஸங்க⁴ம் உபஸங்கமித்வா ஏவமஸ்ஸ வசனீயோ – ‘‘யம் கோ² ஸோ, ஆவுஸோ, பி⁴க்கு² ஆபத்திம் ஆபன்னோ, ஸாஸ்ஸ யதா²த⁴ம்மம் படிகதா. யதி³ ஸங்க⁴ஸ்ஸ பத்தகல்லம், ஸங்கோ⁴ பவாரேய்யா’’தி.

இத⁴ பன, பி⁴க்க²வே, பி⁴க்கு² தத³ஹு பவாரணாய து²ல்லச்சயம் அஜ்ஜா²பன்னோ ஹோதி. ஏகச்சே பி⁴க்கூ² து²ல்லச்சயதி³ட்டி²னோ ஹோந்தி, ஏகச்சே பி⁴க்கூ² பாசித்தியதி³ட்டி²னோ ஹோந்தி…பே… ஏகச்சே பி⁴க்கூ² து²ல்லச்சயதி³ட்டி²னோ ஹோந்தி, ஏகச்சே பி⁴க்கூ² பாடிதே³ஸனீயதி³ட்டி²னோ ஹோந்தி… ஏகச்சே பி⁴க்கூ² து²ல்லச்சயதி³ட்டி²னோ ஹோந்தி, ஏகச்சே பி⁴க்கூ² து³க்கடதி³ட்டி²னோ ஹோந்தி… ஏகச்சே பி⁴க்கூ² து²ல்லச்சயதி³ட்டி²னோ ஹோந்தி, ஏகச்சே பி⁴க்கூ² து³ப்³பா⁴ஸிததி³ட்டி²னோ ஹோந்தி. யே தே, பி⁴க்க²வே, பி⁴க்கூ² து²ல்லச்சயதி³ட்டி²னோ, தேஹி ஸோ, பி⁴க்க²வே, பி⁴க்கு² ஏகமந்தம் அபனேத்வா யதா²த⁴ம்மம் காராபேத்வா ஸங்க⁴ம் உபஸங்கமித்வா ஏவமஸ்ஸ வசனீயோ – ‘‘யம் கோ² ஸோ, ஆவுஸோ, பி⁴க்கு² ஆபத்திம் ஆபன்னோ, ஸாஸ்ஸ யதா²த⁴ம்மம் படிகதா. யதி³ ஸங்க⁴ஸ்ஸ பத்தகல்லம், ஸங்கோ⁴ பவாரேய்யா’’தி.

இத⁴ பன, பி⁴க்க²வே, பி⁴க்கு² தத³ஹு பவாரணாய பாசித்தியம் அஜ்ஜா²பன்னோ ஹோதி…பே… பாடிதே³ஸனீயம் அஜ்ஜா²பன்னோ ஹோதி… து³க்கடம் அஜ்ஜா²பன்னோ ஹோதி… து³ப்³பா⁴ஸிதம் அஜ்ஜா²பன்னோ ஹோதி. ஏகச்சே பி⁴க்கூ² து³ப்³பா⁴ஸிததி³ட்டி²னோ ஹோந்தி, ஏகச்சே பி⁴க்கூ² ஸங்கா⁴தி³ஸேஸதி³ட்டி²னோ ஹோந்தி. யே தே, பி⁴க்க²வே, பி⁴க்கூ² து³ப்³பா⁴ஸிததி³ட்டி²னோ, தேஹி ஸோ, பி⁴க்க²வே, பி⁴க்கு² ஏகமந்தம் அபனேத்வா யதா²த⁴ம்மம் காராபேத்வா ஸங்க⁴ம் உபஸங்கமித்வா ஏவமஸ்ஸ வசனீயோ – ‘‘யம் கோ² ஸோ, ஆவுஸோ, பி⁴க்கு² ஆபத்திம் ஆபன்னோ, ஸாஸ்ஸ யதா²த⁴ம்மம் படிகதா. யதி³ ஸங்க⁴ஸ்ஸ பத்தகல்லம், ஸங்கோ⁴ பவாரேய்யா’’தி.

இத⁴ பன, பி⁴க்க²வே, பி⁴க்கு² தத³ஹு பவாரணாய து³ப்³பா⁴ஸிதம் அஜ்ஜா²பன்னோ ஹோதி. ஏகச்சே பி⁴க்கூ² து³ப்³பா⁴ஸிததி³ட்டி²னோ ஹோந்தி, ஏகச்சே பி⁴க்கூ² து²ல்லச்சயதி³ட்டி²னோ ஹோந்தி…பே… ஏகச்சே பி⁴க்கூ² து³ப்³பா⁴ஸிததி³ட்டி²னோ ஹோந்தி, ஏகச்சே பி⁴க்கூ² பாசித்தியதி³ட்டி²னோ ஹோந்தி… ஏகச்சே பி⁴க்கூ² து³ப்³பா⁴ஸிததி³ட்டி²னோ ஹோந்தி, ஏகச்சே பி⁴க்கூ² பாடிதே³ஸனீயதி³ட்டி²னோ ஹோந்தி… ஏகச்சே பி⁴க்கூ² து³ப்³பா⁴ஸிததி³ட்டி²னோ ஹோந்தி, ஏகச்சே பி⁴க்கூ² து³க்கடதி³ட்டி²னோ ஹோந்தி. யே தே, பி⁴க்க²வே, பி⁴க்கூ² து³ப்³பா⁴ஸிததி³ட்டி²னோ, தேஹி ஸோ, பி⁴க்க²வே, பி⁴க்கு² ஏகமந்தம் அபனேத்வா யதா²த⁴ம்மம் காராபேத்வா ஸங்க⁴ம் உபஸங்கமித்வா ஏவமஸ்ஸ வசனீயோ – ‘‘யம் கோ² ஸோ, ஆவுஸோ, பி⁴க்கு² ஆபத்திம் ஆபன்னோ, ஸாஸ்ஸ யதா²த⁴ம்மம் படிகதா. யதி³ ஸங்க⁴ஸ்ஸ பத்தகல்லம், ஸங்கோ⁴ பவாரேய்யா’’தி.

து²ல்லச்சயவத்து²காதி³ நிட்டி²தா.