4. பவாரணாக்க²ந்த⁴கோ

120. அபா²ஸுகவிஹாரோ

209. தேன ஸமயேன பு³த்³தோ⁴ ப⁴க³வா ஸாவத்தி²யம் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன ஸம்ப³ஹுலா ஸந்தி³ட்டா² ஸம்ப⁴த்தா பி⁴க்கூ² கோஸலேஸு ஜனபதே³ அஞ்ஞதரஸ்மிம் ஆவாஸே வஸ்ஸம் உபக³ச்சி²ம்ஸு. அத² கோ² தேஸம் பி⁴க்கூ²னம் ஏதத³ஹோஸி – ‘‘கேன நு கோ² மயம் உபாயேன ஸமக்³கா³ ஸம்மோத³மானா அவிவத³மானா பா²ஸுகம் வஸ்ஸம் வஸேய்யாம, ந ச பிண்ட³கேன கிலமேய்யாமா’’தி. அத² கோ² தேஸம் பி⁴க்கூ²னம் ஏதத³ஹோஸி – ‘‘ஸசே கோ² மயம் அஞ்ஞமஞ்ஞம் நேவ ஆலபேய்யாம ந ஸல்லபேய்யாம – யோ பட²மம் கா³மதோ பிண்டா³ய படிக்கமேய்ய ஸோ ஆஸனம் பஞ்ஞபேய்ய, பாதோ³த³கம் பாத³பீட²ம் பாத³கத²லிகம் உபனிக்கி²பேய்ய, அவக்காரபாதிம் தோ⁴வித்வா உபட்டா²பேய்ய, பானீயம் பரிபோ⁴ஜனீயம் உபட்டா²பேய்ய; யோ பச்சா² கா³மதோ பிண்டா³ய படிக்கமேய்ய, ஸசஸ்ஸ பு⁴த்தாவஸேஸோ, ஸசே ஆகங்கே²ய்ய பு⁴ஞ்ஜேய்ய, நோ சே ஆகங்கே²ய்ய அப்பஹரிதே வா ச²ட்³டே³ய்ய, அப்பாணகே வா உத³கே ஓபிலாபேய்ய; ஸோ ஆஸனம் உத்³த⁴ரேய்ய, பாதோ³த³கம் பாத³பீட²ம் பாத³கத²லிகம் படிஸாமேய்ய, அவக்காரபாதிம் தோ⁴வித்வா படிஸாமேய்ய, பானீயம் பரிபோ⁴ஜனீயம் படிஸாமேய்ய, ப⁴த்தக்³க³ம் ஸம்மஜ்ஜேய்ய; யோ பஸ்ஸேய்ய பானீயக⁴டம் வா பரிபோ⁴ஜனீயக⁴டம் வா வச்சக⁴டம் வா ரித்தம் துச்ச²ம் ஸோ உபட்டா²பேய்ய; ஸசஸ்ஸ ஹோதி அவிஸய்ஹம், ஹத்த²விகாரேன து³தியம் ஆமந்தேத்வா ஹத்த²விலங்க⁴கேன உபட்டா²பேய்ய; ந த்வேவ தப்பச்சயா வாசம் பி⁴ந்தே³ய்ய – ஏவம் கோ² மயம் ஸமக்³கா³ ஸம்மோத³மானா அவிவத³மானா பா²ஸுகம் வஸ்ஸம் வஸேய்யாம, ந ச பிண்ட³கேன கிலமேய்யாமா’’தி. அத² கோ² தே பி⁴க்கூ² அஞ்ஞமஞ்ஞம் நேவ ஆலபிம்ஸு, ந ஸல்லபிம்ஸு. யோ பட²மம் கா³மதோ பிண்டா³ய படிக்கமதி, ஸோ ஆஸனம் பஞ்ஞபேதி, பாதோ³த³கம் பாத³பீட²ம் பாத³கத²லிகம் உபனிக்கி²பதி, அவக்காரபாதிம் தோ⁴வித்வா உபட்டா²பேதி, பானீயம் பரிபோ⁴ஜனீயம் உபட்டா²பேதி. யோ பச்சா² கா³மதோ பிண்டா³ய படிக்கமதி, ஸசே ஹோதி பு⁴த்தாவஸேஸோ, ஸசே ஆகங்க²தி பு⁴ஞ்ஜதி, நோ சே ஆகங்க²தி அப்பஹரிதே வா ச²ட்³டே³தி, அப்பாணகே வா உத³கே ஓபிலாபேதி; ஸோ ஆஸனம் உத்³த⁴ரதி, பாதோ³த³கம் பாத³பீட²ம் பாத³கத²லிகம் படிஸாமேதி, அவக்காரபாதிம் தோ⁴வித்வா படிஸாமேதி, பானீயம் பரிபோ⁴ஜனீயம் படிஸாமேதி, ப⁴த்தக்³க³ம் ஸம்மஜ்ஜதி. யோ பஸ்ஸதி பானீயக⁴டம் வா பரிபோ⁴ஜனீயக⁴டம் வா வச்சக⁴டம் வா ரித்தம் துச்ச²ம் ஸோ உபட்டா²பேதி. ஸசஸ்ஸ ஹோதி அவிஸய்ஹம், ஹத்த²விகாரேன து³தியம் ஆமந்தேத்வா ஹத்த²விலங்க⁴கேன உபட்டா²பேதி, ந த்வேவ தப்பச்சயா வாசம் பி⁴ந்த³தி.

ஆசிண்ணம் கோ² பனேதம் வஸ்ஸம்வுட்டா²னம் பி⁴க்கூ²னம் ப⁴க³வந்தம் த³ஸ்ஸனாய உபஸங்கமிதும். அத² கோ² தே பி⁴க்கூ² வஸ்ஸம்வுட்டா² தேமாஸச்சயேன ஸேனாஸனம் ஸம்ஸாமேத்வா பத்தசீவரமாதா³ய யேன ஸாவத்தி² தேன பக்கமிம்ஸு. அனுபுப்³பே³ன யேன ஸாவத்தி² ஜேதவனம் அனாத²பிண்டி³கஸ்ஸ ஆராமோ யேன ப⁴க³வா தேனுபஸங்கமிம்ஸு, உபஸங்கமித்வா ப⁴க³வந்தம் அபி⁴வாதே³த்வா ஏகமந்தம் நிஸீதி³ம்ஸு. ஆசிண்ணம் கோ² பனேதம் பு³த்³தா⁴னம் ப⁴க³வந்தானம் ஆக³ந்துகேஹி பி⁴க்கூ²ஹி ஸத்³தி⁴ம் படிஸம்மோதி³தும். அத² கோ² ப⁴க³வா தே பி⁴க்கூ² ஏதத³வோச – ‘‘கச்சி, பி⁴க்க²வே, க²மனீயம், கச்சி யாபனீயம், கச்சி ஸமக்³கா³ ஸம்மோத³மானா அவிவத³மானா பா²ஸுகம் வஸ்ஸம் வஸித்த², ந ச பிண்ட³கேன கிலமித்தா²’’தி? ‘‘க²மனீயம் ப⁴க³வா, யாபனீயம் ப⁴க³வா. ஸமக்³கா³ ச மயம், ப⁴ந்தே, ஸம்மோத³மானா அவிவத³மானா பா²ஸுகம் வஸ்ஸம் வஸிம்ஹா, ந ச பிண்ட³கேன கிலமிம்ஹா’’தி. ஜானந்தாபி ததா²க³தா புச்ச²ந்தி, ஜானந்தாபி ந புச்ச²ந்தி. காலம் விதி³த்வா புச்ச²ந்தி, காலம் விதி³த்வா ந புச்ச²ந்தி. அத்த²ஸம்ஹிதம் ததா²க³தா புச்ச²ந்தி, நோ அனத்த²ஸம்ஹிதம். அனத்த²ஸம்ஹிதே ஸேதுகா⁴தோ ததா²க³தானம். த்³வீஹாகாரேஹி பு³த்³தா⁴ ப⁴க³வந்தோ பி⁴க்கூ² படிபுச்ச²ந்தி – த⁴ம்மம் வா தே³ஸேஸ்ஸாம, ஸாவகானம் வா ஸிக்கா²பத³ம் பஞ்ஞபேஸ்ஸாமாதி. அத² கோ² ப⁴க³வா தே பி⁴க்கூ² ஏதத³வோச – ‘‘யதா²கத²ம் பன தும்ஹே, பி⁴க்க²வே, ஸமக்³கா³ ஸம்மோத³மானா அவிவத³மானா பா²ஸுகம் வஸ்ஸம் வஸித்த², ந ச பிண்ட³கேன கிலமித்தா²’’தி.

இத⁴ மயம், ப⁴ந்தே, ஸம்ப³ஹுலா ஸந்தி³ட்டா² ஸம்ப⁴த்தா பி⁴க்கூ² கோஸலேஸு ஜனபதே³ அஞ்ஞதரஸ்மிம் ஆவாஸே வஸ்ஸம் உபக³ச்சி²ம்ஹா. தேஸம் நோ, ப⁴ந்தே, அம்ஹாகம் ஏதத³ஹோஸி – ‘‘கேன நு கோ² மயம் உபாயேன ஸமக்³கா³ ஸம்மோத³மானா அவிவத³மானா பா²ஸுகம் வஸ்ஸம் வஸேய்யாம, ந ச பிண்ட³கேன கிலமேய்யாமா’’தி. தேஸம் நோ, ப⁴ந்தே, அம்ஹாகம் ஏதத³ஹோஸி – ‘‘ஸசே கோ² மயம் அஞ்ஞமஞ்ஞம் நேவ ஆலபேய்யாம ந ஸல்லபேய்யாம – யோ பட²மம் கா³மதோ பிண்டா³ய படிக்கமேய்ய ஸோ ஆஸனம் பஞ்ஞபேய்ய, பாதோ³த³கம் பாத³பீட²ம் பாத³கத²லிகம் உபனிக்கி²பேய்ய, அவக்காரபாதிம் தோ⁴வித்வா உபட்டா²பேய்ய, பானீயம் பரிபோ⁴ஜனீயம் உபட்டா²பேய்ய; யோ பச்சா² கா³மதோ பிண்டா³ய படிக்கமேய்ய, ஸசஸ்ஸ பு⁴த்தாவஸேஸோ, ஸசே ஆகங்கே²ய்ய பு⁴ஞ்ஜேய்ய, நோ சே ஆகங்கே²ய்ய அப்பஹரிதே வா ச²ட்³டே³ய்ய, அப்பாணகே வா உத³கே ஓபிலாபேய்ய; ஸோ ஆஸனம் உத்³த⁴ரேய்ய, பாதோ³த³கம் பாத³பீட²ம் பாத³கத²லிகம் படிஸாமேய்ய, அவக்காரபாதிம் தோ⁴வித்வா படிஸாமேய்ய, பானீயம் பரிபோ⁴ஜனீயம் படிஸாமேய்ய, ப⁴த்தக்³க³ம் ஸம்மஜ்ஜேய்ய; யோ பஸ்ஸேய்ய பானீயக⁴டம் வா பரிபோ⁴ஜனீயக⁴டம் வா வச்சக⁴டம் வா ரித்தம் துச்ச²ம் ஸோ உபட்டா²பேய்ய; ஸசஸ்ஸ ஹோதி அவிஸய்ஹம், ஹத்த²விகாரேன து³தியம் ஆமந்தேத்வா ஹத்த²விலங்க⁴கேன உபட்டா²பேய்ய; ந த்வேவ தப்பச்சயா வாசம் பி⁴ந்தே³ய்ய – ஏவம் கோ² மயம் ஸமக்³கா³ ஸம்மோத³மானா அவிவத³மானா பா²ஸுகம் வஸ்ஸம் வஸேய்யாம, ந ச பிண்ட³கேன கிலமேய்யாமா’’தி. அத² கோ² மயம், ப⁴ந்தே, அஞ்ஞமஞ்ஞம் நேவ ஆலபிம்ஹா ந ஸல்லவிம்ஹா. யோ பட²மம் கா³மதோ பிண்டா³ய படிக்கமதி ஸோ ஆஸனம் பஞ்ஞபேதி, பாதோ³த³கம் பாத³பீட²ம் பாத³கத²லிகம் உபனிக்கி²பதி, அவக்காரபாதிம் தோ⁴வித்வா உபட்டா²பேதி, பானீயம் பரிபோ⁴ஜனீயம் உபட்டா²பேதி. யோ பச்சா² கா³மதோ பிண்டா³ய படிக்கமதி, ஸசே ஹோதி பு⁴த்தாவஸேஸோ, ஸசே ஆகங்க²தி பு⁴ஞ்ஜதி, நோ சே ஆகங்க²தி அப்பஹரிதே வா ச²ட்³டே³தி, அப்பாணகே வா உத³கே ஓபிலாபேதி, ஸோ ஆஸனம் உத்³த⁴ரதி, பாதோ³த³கம் பாத³பீட²ம் பாத³கத²லிகம் படிஸாமேதி, அவக்காரபாதிம் தோ⁴வித்வா படிஸாமேதி, பானீயம் பரிபோ⁴ஜனீயம் படிஸாமேதி, ப⁴த்தக்³க³ம் ஸம்மஜ்ஜதி. யோ பஸ்ஸதி பானீயக⁴டம் வா பரிபோ⁴ஜனீயக⁴டம் வா வச்சக⁴டம் வா ரித்தம் துச்ச²ம் ஸோ உபட்டா²பேதி. ஸசஸ்ஸ ஹோதி அவிஸய்ஹம், ஹத்த²விகாரேன து³தியம் ஆமந்தேத்வா ஹத்த²விலங்க⁴கேன உபட்டா²பேதி, ந த்வேவ தப்பச்சயா வாசம் பி⁴ந்த³தி. ஏவம் கோ² மயம், ப⁴ந்தே, ஸமக்³கா³ ஸம்மோத³மானா அவிவத³மானா பா²ஸுகம் வஸ்ஸம் வஸிம்ஹா, ந ச பிண்ட³கேன கிலமிம்ஹாதி.

அத² கோ² ப⁴க³வா பி⁴க்கூ² ஆமந்தேஸி – ‘‘அபா²ஸுஞ்ஞேவ [அபா²ஸுகஞ்ஞேவ (ஸீ.)] கிரமே [கிரிமே (க.)], பி⁴க்க²வே, மோக⁴புரிஸா வுட்டா² [வுத்தா² (க.)] ஸமானா பா²ஸும்ஹா [பா²ஸுகம்ஹா (ஸீ.)] வுட்டா²தி படிஜானந்தி. பஸுஸம்வாஸஞ்ஞேவ கிரமே, பி⁴க்க²வே, மோக⁴புரிஸா வுட்டா² ஸமானா பா²ஸும்ஹா வுட்டா²தி படிஜானந்தி. ஏளகஸம்வாஸஞ்ஞேவ கிரமே, பி⁴க்க²வே, மோக⁴புரிஸா வுட்டா² ஸமானா பா²ஸும்ஹா வுட்டா²தி படிஜானந்தி. ஸபத்தஸம்வாஸஞ்ஞேவ கிரமே, பி⁴க்க²வே, மோக⁴புரிஸா வுட்டா² ஸமானா பா²ஸும்ஹா வுட்டா²தி படிஜானந்தி. கத²ஞ்ஹி நாமிமே, பி⁴க்க²வே, மோக⁴புரிஸா மூக³ப்³ப³தம் தித்தி²யஸமாதா³னம் ஸமாதி³யிஸ்ஸ’’ந்தி. நேதம், பி⁴க்க²வே, அப்பஸன்னானம் வா பஸாதா³ய…பே… விக³ரஹித்வா த⁴ம்மிம் கத²ம் கத்வா பி⁴க்கூ² ஆமந்தேஸி – ந, பி⁴க்க²வே, மூக³ப்³ப³தம் தித்தி²யஸமாதா³னம் ஸமாதி³யிதப்³ப³ம். யோ ஸமாதி³யேய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, வஸ்ஸம்வுட்டா²னம் பி⁴க்கூ²னம் தீஹி டா²னேஹி பவாரேதும் – தி³ட்டே²ன வா ஸுதேன வா பரிஸங்காய வா. ஸா வோ ப⁴விஸ்ஸதி அஞ்ஞமஞ்ஞானுலோமதா ஆபத்திவுட்டா²னதா வினயபுரேக்கா²ரதா. ஏவஞ்ச பன, பி⁴க்க²வே, பவாரேதப்³ப³ம். ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

210. ‘‘ஸுணாது மே, ப⁴ந்தே, ஸங்கோ⁴. அஜ்ஜ பவாரணா. யதி³ ஸங்க⁴ஸ்ஸ பத்தகல்லம், ஸங்கோ⁴ பவாரேய்யா’’தி.

தே²ரேன பி⁴க்கு²னா ஏகம்ஸம் உத்தராஸங்க³ம் கரித்வா உக்குடிகம் நிஸீதி³த்வா அஞ்ஜலிம் பக்³க³ஹேத்வா ஏவமஸ்ஸ வசனீயோ – ‘‘ஸங்க⁴ம், ஆவுஸோ, பவாரேமி தி³ட்டே²ன வா ஸுதேன வா பரிஸங்காய வா. வத³ந்து மம் ஆயஸ்மந்தோ அனுகம்பம் உபாதா³ய. பஸ்ஸந்தோ படிகரிஸ்ஸாமி. து³தியம்பி, ஆவுஸோ, ஸங்க⁴ம் பவாரேமி தி³ட்டே²ன வா ஸுதேன வா பரிஸங்காய வா. வத³ந்து மம் ஆயஸ்மந்தோ அனுகம்பம் உபாதா³ய. பஸ்ஸந்தோ படிகரிஸ்ஸாமி. ததியம்பி, ஆவுஸோ, ஸங்க⁴ம் பவாரேமி தி³ட்டே²ன வா ஸுதேன வா பரிஸங்காய வா. வத³ந்து மம் ஆயஸ்மந்தோ அனுகம்பம் உபாதா³ய. பஸ்ஸந்தோ படிகரிஸ்ஸாமீ’’தி.

நவகேன பி⁴க்கு²னா ஏகம்ஸம் உத்தராஸங்க³ம் கரித்வா உக்குடிகம் நிஸீதி³த்வா அஞ்ஜலிம் பக்³க³ஹேத்வா ஏவமஸ்ஸ வசனீயோ – ‘‘ஸங்க⁴ம், ப⁴ந்தே, பவாரேமி தி³ட்டே²ன வா ஸுதேன வா பரிஸங்காய வா. வத³ந்து மம் ஆயஸ்மந்தோ அனுகம்பம் உபாதா³ய. பஸ்ஸந்தோ படிகரிஸ்ஸாமி. து³தியம்பி, ப⁴ந்தே, ஸங்க⁴ம்…பே… ததியம்பி, ப⁴ந்தே, ஸங்க⁴ம் பவாரேமி தி³ட்டே²ன வா ஸுதேன வா பரிஸங்காய வா. வத³ந்து மம் ஆயஸ்மந்தோ அனுகம்பம் உபாதா³ய. பஸ்ஸந்தோ படிகரிஸ்ஸாமீ’’தி.

211. தேன கோ² பன ஸமயேன ச²ப்³ப³க்³கி³யா பி⁴க்கூ² தே²ரேஸு பி⁴க்கூ²ஸு உக்குடிகம் நிஸின்னேஸு பவாரயமானேஸு ஆஸனேஸு அச்ச²ந்தி. யே தே பி⁴க்கூ² அப்பிச்சா²…பே… தே உஜ்ஜா²யந்தி கி²ய்யந்தி விபாசேந்தி – ‘‘கத²ஞ்ஹி நாம ச²ப்³ப³க்³கி³யா பி⁴க்கூ² தே²ரேஸு பி⁴க்கூ²ஸு உக்குடிகம் நிஸின்னேஸு பவாரயமானேஸு ஆஸனேஸு அச்சி²ஸ்ஸந்தீ’’தி. அத² கோ² தே பி⁴க்கூ² ப⁴க³வதோ ஏதமத்த²ம் ஆரோசேஸும்…பே… ‘‘ஸச்சம் கிர, பி⁴க்க²வே, ச²ப்³ப³க்³கி³யா பி⁴க்கூ² தே²ரேஸு பி⁴க்கூ²ஸு உக்குடிகம் நிஸின்னேஸு பவாரயமானேஸு ஆஸனேஸு அச்ச²ந்தீ’’தி? ‘‘ஸச்சம், ப⁴க³வா’’தி. விக³ரஹி பு³த்³தோ⁴ ப⁴க³வா…பே… ‘‘கத²ஞ்ஹி நாம தே, பி⁴க்க²வே, மோக⁴புரிஸா தே²ரேஸு பி⁴க்கூ²ஸு உக்குடிகம் நிஸின்னேஸு பவாரயமானேஸு ஆஸனேஸு அச்சி²ஸ்ஸ’’ந்தி. நேதம், பி⁴க்க²வே, அப்பஸன்னானம் வா பஸாதா³ய, பஸன்னானம் வா பி⁴ய்யோபா⁴வாய…பே… விக³ரஹித்வா த⁴ம்மிம் கத²ம் கத்வா பி⁴க்கூ² ஆமந்தேஸி – ‘‘ந, பி⁴க்க²வே, தே²ரேஸு பி⁴க்கூ²ஸு உக்குடிகம் நிஸின்னேஸு பவாரயமானேஸு ஆஸனேஸு அச்சி²தப்³ப³ம். யோ அச்சே²ய்ய, ஆபத்தி து³க்கடஸ்ஸ. அனுஜானாமி, பி⁴க்க²வே, ஸப்³பே³ஹேவ உக்குடிகம் நிஸின்னேஹி பவாரேது’’ந்தி.

தேன கோ² பன ஸமயேன அஞ்ஞதரோ தே²ரோ ஜராது³ப்³ப³லோ யாவ ஸப்³பே³ பவாரேந்தீதி [யாவ ஸப்³பே³ பவாரேந்தி (ஸ்யா.)] உக்குடிகம் நிஸின்னோ ஆக³மயமானோ முச்சி²தோ பபதி. ப⁴க³வதோ ஏதமத்த²ம் ஆரோசேஸும். அனுஜானாமி, பி⁴க்க²வே, தத³மந்தரா உக்குடிகம் நிஸீதி³தும் யாவ பவாரேதி, பவாரேத்வா ஆஸனே நிஸீதி³துந்தி.

அபா²ஸுகவிஹாரோ நிட்டி²தோ.

121. பவாரணாபே⁴தா³

212. அத² கோ² பி⁴க்கூ²னம் ஏதத³ஹோஸி – ‘‘கதி நு கோ² பவாரணா’’தி? ப⁴க³வதோ ஏதமத்த²ம் ஆரோசேஸும். த்³வேமா, பி⁴க்க²வே, பவாரணா – சாதுத்³த³ஸிகா ச பன்னரஸிகா ச. இமா கோ², பி⁴க்க²வே, த்³வே பவாரணாதி.

அத² கோ² பி⁴க்கூ²னம் ஏதத³ஹோஸி – ‘‘கதி நு கோ² பவாரணகம்மானீ’’தி? [பவாரணாகம்மானீதி (ஸ்யா.)] ப⁴க³வதோ ஏதமத்த²ம் ஆரோசேஸும். சத்தாரிமானி, பி⁴க்க²வே, பவாரணகம்மானி – அத⁴ம்மேன வக்³க³ம் பவாரணகம்மம், அத⁴ம்மேன ஸமக்³க³ம் பவாரணகம்மம், த⁴ம்மேன வக்³க³ம் பவாரணகம்மம், த⁴ம்மேன ஸமக்³க³ம் பவாரணகம்மம். தத்ர, பி⁴க்க²வே, யதி³த³ம் அத⁴ம்மேன வக்³க³ம் பவாரணகம்மம், ந, பி⁴க்க²வே, ஏவரூபம் பவாரணகம்மம் காதப்³ப³ம்; ந ச மயா ஏவரூபம் பவாரணகம்மம் அனுஞ்ஞாதம். தத்ர, பி⁴க்க²வே, யதி³த³ம் அத⁴ம்மேன ஸமக்³க³ம் பவாரணகம்மம், ந, பி⁴க்க²வே, ஏவரூபம் பவாரணகம்மம் காதப்³ப³ம்; ந ச மயா ஏவரூபம் பவாரணகம்மம் அனுஞ்ஞாதம். தத்ர, பி⁴க்க²வே, யதி³த³ம் த⁴ம்மேன வக்³க³ம் பவாரணகம்மம், ந, பி⁴க்க²வே, ஏவரூபம் பவாரணகம்மம் காதப்³ப³ம்; ந ச மயா ஏவரூபம் பவாரணகம்மம் அனுஞ்ஞாதம். தத்ர, பி⁴க்க²வே, யதி³த³ம் த⁴ம்மேன ஸமக்³க³ம் பவாரணகம்மம், ஏவரூபம், பி⁴க்க²வே, பவாரணகம்மம் காதப்³ப³ம்; ஏவரூபஞ்ச மயா பவாரணகம்மம் அனுஞ்ஞாதம். தஸ்மாதிஹ, பி⁴க்க²வே, ஏவரூபம் பவாரணகம்மம் கரிஸ்ஸாம யதி³த³ம் த⁴ம்மேன ஸமக்³க³ந்தி, ஏவஞ்ஹி வோ, பி⁴க்க²வே, ஸிக்கி²தப்³ப³ந்தி.

பவாரணாபே⁴தா³ நிட்டி²தா.

122. பவாரணாதா³னானுஜானனா

213. அத² கோ² ப⁴க³வா பி⁴க்கூ² ஆமந்தேஸி – ‘‘ஸன்னிபதத², பி⁴க்க²வே. ஸங்கோ⁴ பவாரேஸ்ஸதீ’’தி. ஏவம் வுத்தே அஞ்ஞதரோ பி⁴க்கு² ப⁴க³வந்தம் ஏதத³வோச – ‘‘அத்தி², ப⁴ந்தே, பி⁴க்கு² கி³லானோ, ஸோ அனாக³தோ’’தி. அனுஜானாமி, பி⁴க்க²வே, கி³லானேன பி⁴க்கு²னா பவாரணம் தா³தும். ஏவஞ்ச பன, பி⁴க்க²வே, தா³தப்³பா³ – தேன கி³லானேன பி⁴க்கு²னா ஏகம் பி⁴க்கு²ம் உபஸங்கமித்வா ஏகம்ஸம் உத்தராஸங்க³ம் கரித்வா உக்குடிகம் நிஸீதி³த்வா அஞ்ஜலிம் பக்³க³ஹேத்வா ஏவமஸ்ஸ வசனீயோ – ‘‘பவாரணம் த³ம்மி, பவாரணம் மே ஹர, பவாரணம் மே ஆரோசேஹி, மமத்தா²ய பவாரேஹீ’’தி காயேன விஞ்ஞாபேதி, வாசாய விஞ்ஞாபேதி, காயேன வாசாய விஞ்ஞாபேதி, தி³ன்னா ஹோதி பவாரணா; ந காயேன விஞ்ஞாபேதி, ந வாசாய விஞ்ஞாபேதி, ந காயேன வாசாய விஞ்ஞாபேதி, ந தி³ன்னா ஹோதி பவாரணா. ஏவஞ்சேதம் லபே⁴த², இச்சேதம் குஸலம். நோ சே லபே⁴த², ஸோ, பி⁴க்க²வே, கி³லானோ பி⁴க்கு² மஞ்சேன வா பீடே²ன வா ஸங்க⁴மஜ்ஜே² ஆனேத்வா பவாரேதப்³ப³ம். ஸசே, பி⁴க்க²வே, கி³லானுபட்டா²கானம் பி⁴க்கூ²னம் ஏதத³ஹோஸி – ‘‘ஸசே கோ² மயம் கி³லானம் டா²னா சாவேஸ்ஸாம, ஆபா³தோ⁴ வா அபி⁴வட்³டி⁴ஸ்ஸதி, காலம்கிரியா வா ப⁴விஸ்ஸதீ’’தி ந, பி⁴க்க²வே, கி³லானோ பி⁴க்கு² டா²னா சாவேதப்³போ³. ஸங்கே⁴ன தத்த² க³ந்த்வா பவாரேதப்³ப³ம்; ந த்வேவ வக்³கே³ன ஸங்கே⁴ன பவாரேதப்³ப³ம். பவாரேய்ய சே, ஆபத்தி து³க்கடஸ்ஸ.

பவாரணஹாரகோ [பவாரணாஹாரகோ (ஸ்யா.)] சே, பி⁴க்க²வே, தி³ன்னாய பவாரணாய தத்தே²வ பக்கமதி, அஞ்ஞஸ்ஸ தா³தப்³பா³ பவாரணா. பவாரணஹாரகோ சே, பி⁴க்க²வே, தி³ன்னாய பவாரணாய தத்தே²வ விப்³ப⁴மதி…பே… காலம்கரோதி… ஸாமணேரோ படிஜானாதி… ஸிக்க²ம் பச்சக்கா²தகோ படிஜானாதி… அந்திமவத்து²ம் அஜ்ஜா²பன்னகோ படிஜானாதி… உம்மத்தகோ படிஜானாதி… கி²த்தசித்தோ படிஜானாதி… வேத³னாட்டோ படிஜானாதி… ஆபத்தியா அத³ஸ்ஸனே உக்கி²த்தகோ படிஜானாதி… ஆபத்தியா அப்படிகம்மே உக்கி²த்தகோ படிஜானாதி… பாபிகாய தி³ட்டி²யா அப்படினிஸ்ஸக்³கே³ உக்கி²த்தகோ படிஜானாதி… பண்ட³கோ படிஜானாதி… தே²ய்யஸம்வாஸகோ படிஜானாதி… தித்தி²யபக்கந்தகோ படிஜானாதி… திரச்சா²னக³தோ படிஜானாதி… மாதுகா⁴தகோ படிஜானாதி… பிதுகா⁴தகோ படிஜானாதி… அரஹந்தகா⁴தகோ படிஜானாதி… பி⁴க்கு²னிதூ³ஸகோ படிஜானாதி… ஸங்க⁴பே⁴த³கோ படிஜானாதி … லோஹிதுப்பாத³கோ படிஜானாதி… உப⁴தோப்³யஞ்ஜனகோ படிஜானாதி, அஞ்ஞஸ்ஸ தா³தப்³பா³ பவாரணா.

பவாரணஹாரகோ சே, பி⁴க்க²வே, தி³ன்னாய பவாரணாய அந்தராமக்³கே³ பக்கமதி, அனாஹடா ஹோதி பவாரணா. பவாரணஹாரகோ சே, பி⁴க்க²வே, தி³ன்னாய பவாரணாய அந்தராமக்³கே³ விப்³ப⁴மதி…பே… காலம்கரோதி… ஸாமணேரோ படிஜானாதி… ஸிக்க²ம் பச்சக்கா²தகோ படிஜானாதி… அந்திமவத்து²ம் அஜ்ஜா²பன்னகோ படிஜானாதி… உம்மத்தகோ படிஜானாதி… கி²த்தசித்தோ படிஜானாதி… வேத³னாட்டோ படிஜானாதி… ஆபத்தியா அத³ஸ்ஸனே உக்கி²த்தகோ படிஜானாதி… ஆபத்தியா அப்படிகம்மே உக்கி²த்தகோ படிஜானாதி… பாபிகாய தி³ட்டி²யா அப்படினிஸ்ஸக்³கே³ உக்கி²த்தகோ படிஜானாதி… பண்ட³கோ படிஜானாதி… தே²ய்யஸம்வாஸகோ படிஜானாதி… தித்தி²யபக்கந்தகோ படிஜானாதி… திரச்சா²னக³தோ படிஜானாதி… மாதுகா⁴தகோ படிஜானாதி… பிதுகா⁴தகோ படிஜானாதி… அரஹந்தகா⁴தகோ படிஜானாதி… பி⁴க்கு²னிதூ³ஸகோ படிஜானாதி… ஸங்க⁴பே⁴த³கோ படிஜானாதி… லோஹிதுப்பாத³கோ படிஜானாதி… உப⁴தோப்³யஞ்ஜனகோ படிஜானாதி, அனாஹடா ஹோதி பவாரணா.

பவாரணஹாரகோ சே, பி⁴க்க²வே, தி³ன்னாய பவாரணாய ஸங்க⁴ப்பத்தோ பக்கமதி, ஆஹடா ஹோதி பவாரணா. பவாரணஹாரகோ சே, பி⁴க்க²வே, தி³ன்னாய பவாரணாய ஸங்க⁴ப்பத்தோ விப்³ப⁴மதி…பே… காலம்கரோதி… ஸாமணேரோ படிஜானாதி… ஸிக்க²ம் பச்சக்கா²தகோ படிஜானாதி… அந்திமவத்து²ம் அஜ்ஜா²பன்னகோ படிஜானாதி… உம்மத்தகோ படிஜானாதி… கி²த்தசித்தோ படிஜானாதி… வேத³னாட்டோ படிஜானாதி… ஆபத்தியா அத³ஸ்ஸனே உக்கி²த்தகோ படிஜானாதி… ஆபத்தியா அப்படிகம்மே உக்கி²த்தகோ படிஜானாதி… பாபிகாய தி³ட்டி²யா அப்படினிஸ்ஸக்³கே³ உக்கி²த்தகோ படிஜானாதி… பண்ட³கோ படிஜானாதி… தே²ய்யஸம்வாஸகோ படிஜானாதி… தித்தி²யபக்கந்தகோ படிஜானாதி… திரச்சா²னக³தோ படிஜானாதி… மாதுகா⁴தகோ படிஜானாதி… பிதுகா⁴தகோ படிஜானாதி… அரஹந்தகா⁴தகோ படிஜானாதி… பி⁴க்கு²னிதூ³ஸகோ படிஜானாதி… ஸங்க⁴பே⁴த³கோ படிஜானாதி… லோஹிதுப்பாத³கோ படிஜானாதி… உப⁴தோப்³யஞ்ஜனகோ படிஜானாதி, ஆஹடா ஹோதி பவாரணா.

பவாரணஹாரகோ சே, பி⁴க்க²வே, தி³ன்னாய பவாரணாய ஸங்க⁴ப்பத்தோ ஸுத்தோ நாரோசேதி, ஆஹடா ஹோதி பவாரணா. பவாரணஹாரகஸ்ஸ அனாபத்தி. பவாரணஹாரகோ சே, பி⁴க்க²வே, தி³ன்னாய பவாரணாய ஸங்க⁴ப்பத்தோ பமத்தோ நாரோசேதி…பே… ஸமாபன்னோ நாரோசேதி, ஆஹடா ஹோதி பவாரணா. பவாரணஹாரகஸ்ஸ அனாபத்தி.

பவாரணஹாரகோ சே, பி⁴க்க²வே, தி³ன்னாய பவாரணாய ஸங்க⁴ப்பத்தோ ஸஞ்சிச்ச நாரோசேதி, ஆஹடா ஹோதி பவாரணா. பவாரணஹாரகஸ்ஸ ஆபத்தி து³க்கடஸ்ஸ. அனுஜானாமி, பி⁴க்க²வே, தத³ஹு பவாரணாய பவாரணம் தே³ந்தேன ச²ந்த³ம்பி தா³தும், ஸந்தி ஸங்க⁴ஸ்ஸ கரணீயந்தி.

பவாரணாதா³னானுஜானனா நிட்டி²தா.

123. ஞாதகாதி³க்³க³ஹணகதா²

214. தேன கோ² பன ஸமயேன அஞ்ஞதரம் பி⁴க்கு²ம் தத³ஹு பவாரணாய ஞாதகா க³ண்ஹிம்ஸு. ப⁴க³வதோ ஏதமத்த²ம் ஆரோசேஸும். இத⁴ பன, பி⁴க்க²வே, பி⁴க்கு²ம் தத³ஹு பவாரணாய ஞாதகா க³ண்ஹந்தி. தே ஞாதகா பி⁴க்கூ²ஹி ஏவமஸ்ஸு வசனீயா – ‘‘இங்க⁴, தும்ஹே ஆயஸ்மந்தோ இமம் பி⁴க்கு²ம் முஹுத்தம் முஞ்சத², யாவாயம் பி⁴க்கு² பவாரேதீ’’தி. ஏவஞ்சேதம் லபே⁴த², இச்சேதம் குஸலம். நோ சே லபே⁴த², தே ஞாதகா பி⁴க்கூ²ஹி ஏவமஸ்ஸு வசனீயா – ‘‘இங்க⁴, தும்ஹே ஆயஸ்மந்தோ முஹுத்தம் ஏகமந்தம் ஹோத², யாவாயம் பி⁴க்கு² பவாரணம் தே³தீ’’தி. ஏவஞ்சேதம் லபே⁴த², இச்சேதம் குஸலம். நோ சே லபே⁴த², தே ஞாதகா பி⁴க்கூ²ஹி ஏவமஸ்ஸு வசனீயா – ‘‘இங்க⁴, தும்ஹே ஆயஸ்மந்தோ இமம் பி⁴க்கு²ம் முஹுத்தம் நிஸ்ஸீமம் நேத², யாவ ஸங்கோ⁴ பவாரேதீ’’தி. ஏவஞ்சேதம் லபே⁴த², இச்சேதம் குஸலம். நோ சே லபே⁴த², ந த்வேவ வக்³கே³ன ஸங்கே⁴ன பவாரேதப்³ப³ம். பவாரேய்ய சே, ஆபத்தி து³க்கடஸ்ஸ.

இத⁴ பன, பி⁴க்க²வே, பி⁴க்கு²ம் தத³ஹு பவாரணாய ராஜானோ க³ண்ஹந்தி…பே… சோரா க³ண்ஹந்தி … து⁴த்தா க³ண்ஹந்தி… பி⁴க்கு²பச்சத்தி²கா க³ண்ஹந்தி. தே பி⁴க்கு²பச்சத்தி²கா பி⁴க்கூ²ஹி ஏவமஸ்ஸு வசனீயா – ‘‘இங்க⁴, தும்ஹே ஆயஸ்மந்தோ இமம் பி⁴க்கு²ம் முஹுத்தம் முஞ்சத², யாவாயம் பி⁴க்கு² பவாரேதீ’’தி. ஏவஞ்சேதம் லபே⁴த², இச்சேதம் குஸலம். நோ சே லபே⁴த², தே பி⁴க்கு²பச்சத்தி²கா பி⁴க்கூ²ஹி ஏவமஸ்ஸு வசனீயா – ‘‘இங்க⁴, தும்ஹே ஆயஸ்மந்தோ முஹுத்தம் ஏகமந்தம் ஹோத², யாவாயம் பி⁴க்கு² பவாரணம் தே³தீ’’தி. ஏவஞ்சேதம் லபே⁴த², இச்சேதம் குஸலம். நோ சே லபே⁴த², தே பி⁴க்கு²பச்சத்தி²கா பி⁴க்கூ²ஹி ஏவமஸ்ஸு வசனீயா – ‘‘இங்க⁴, தும்ஹே ஆயஸ்மந்தோ இமம் பி⁴க்கு²ம் முஹுத்தம் நிஸ்ஸீமம் நேத², யாவ ஸங்கோ⁴ பவாரேதீ’’தி. ஏவஞ்சேதம் லபே⁴த², இச்சேதம் குஸலம். நோ சே லபே⁴த², ந த்வேவ வக்³கே³ன ஸங்கே⁴ன பவாரேதப்³ப³ம். பவாரேய்ய சே, ஆபத்தி து³க்கடஸ்ஸாதி.

ஞாதகாதி³க்³க³ஹணகதா² நிட்டி²தா.

124. ஸங்க⁴பவாரணாதி³ப்பபே⁴தா³

215. தேன கோ² பன ஸமயேன அஞ்ஞதரஸ்மிம் ஆவாஸே தத³ஹு பவாரணாய பஞ்ச பி⁴க்கூ² விஹரந்தி. அத² கோ² தேஸம் பி⁴க்கூ²னம் ஏதத³ஹோஸி – ‘‘ப⁴க³வதா பஞ்ஞத்தம் ‘ஸங்கே⁴ன பவாரேதப்³ப³’ந்தி. மயஞ்சம்ஹா பஞ்ச ஜனா. கத²ம் நு கோ² அம்ஹேஹி பவாரேதப்³ப³’’ந்தி? ப⁴க³வதோ ஏதமத்த²ம் ஆரோசேஸும். அனுஜானாமி, பி⁴க்க²வே, பஞ்சன்னம் ஸங்கே⁴ பவாரேதுந்தி.

216. தேன கோ² பன ஸமயேன அஞ்ஞதரஸ்மிம் ஆவாஸே தத³ஹு பவாரணாய சத்தாரோ பி⁴க்கூ² விஹரந்தி. அத² கோ² தேஸம் பி⁴க்கூ²னம் ஏதத³ஹோஸி – ‘‘ப⁴க³வதா அனுஞ்ஞாதம் பஞ்சன்னம் ஸங்கே⁴ பவாரேதுந்தி. மயஞ்சம்ஹா சத்தாரோ ஜனா. கத²ம் நு கோ² அம்ஹேஹி பவாரேதப்³ப³’’ந்தி? ப⁴க³வதோ ஏதமத்த²ம் ஆரோசேஸும். அனுஜானாமி, பி⁴க்க²வே, சதுன்னம் அஞ்ஞமஞ்ஞம் பவாரேதும். ஏவஞ்ச பன, பி⁴க்க²வே, பவாரேதப்³ப³ம். ப்³யத்தேன பி⁴க்கு²னா படிப³லேன தே பி⁴க்கூ² ஞாபேதப்³பா³ –

‘‘ஸுணந்து மே ஆயஸ்மந்தோ. அஜ்ஜ பவாரணா. யதா³யஸ்மந்தானம் பத்தகல்லம், மயம் அஞ்ஞமஞ்ஞம் பவாரேய்யாமா’’தி.

தே²ரேன பி⁴க்கு²னா ஏகம்ஸம் உத்தராஸங்க³ம் கரித்வா உக்குடிகம் நிஸீதி³த்வா அஞ்ஜலிம் பக்³க³ஹேத்வா தே பி⁴க்கூ² ஏவமஸ்ஸு வசனீயா – ‘‘அஹம், ஆவுஸோ, ஆயஸ்மந்தே பவாரேமி தி³ட்டே²ன வா ஸுதேன வா பரிஸங்காய வா. வத³ந்து மம் ஆயஸ்மந்தோ அனுகம்பம் உபாதா³ய. பஸ்ஸந்தோ படிகரிஸ்ஸாமி. து³தியம்பி…பே… ததியம்பி அஹம், ஆவுஸோ, ஆயஸ்மந்தே பவாரேமி தி³ட்டே²ன வா ஸுதேன வா பரிஸங்காய வா. வத³ந்து மம் ஆயஸ்மந்தோ அனுகம்பம் உபாதா³ய. பஸ்ஸந்தோ படிகரிஸ்ஸாமீ’’தி.

நவகேன பி⁴க்கு²னா ஏகம்ஸம் உத்தராஸங்க³ம் கரித்வா உக்குடிகம் நிஸீதி³த்வா அஞ்ஜலிம் பக்³க³ஹேத்வா தே பி⁴க்கூ² ஏவமஸ்ஸு வசனீயா – ‘‘அஹம், ப⁴ந்தே, ஆயஸ்மந்தே பவாரேமி தி³ட்டே²ன வா ஸுதேன வா பரிஸங்காய வா. வத³ந்து மம் ஆயஸ்மந்தோ அனுகம்பம் உபாதா³ய. பஸ்ஸந்தோ படிகரிஸ்ஸாமி. து³தியம்பி…பே… ததியம்பி அஹம், ப⁴ந்தே, ஆயஸ்மந்தே பவாரேமி தி³ட்டே²ன வா ஸுதேன வா பரிஸங்காய வா. வத³ந்து மம் ஆயஸ்மந்தோ அனுகம்பம் உபாதா³ய. பஸ்ஸந்தோ படிகரிஸ்ஸாமீ’’தி.

தேன கோ² பன ஸமயேன அஞ்ஞதரஸ்மிம் ஆவாஸே தத³ஹு பவாரணாய தயோ பி⁴க்கூ² விஹரந்தி. அத² கோ² தேஸம் பி⁴க்கூ²னம் ஏதத³ஹோஸி – ‘‘ப⁴க³வதா அனுஞ்ஞாதம் பஞ்சன்னம் ஸங்கே⁴ பவாரேதும், சதுன்னம் அஞ்ஞமஞ்ஞம் பவாரேதும். மயஞ்சம்ஹா தயோ ஜனா. கத²ம் நு கோ² அம்ஹேஹி பவாரேதப்³ப³’’ந்தி? ப⁴க³வதோ ஏதமத்த²ம் ஆரோசேஸும். அனுஜானாமி, பி⁴க்க²வே, திண்ணம் அஞ்ஞமஞ்ஞம் பவாரேதும். ஏவஞ்ச பன, பி⁴க்க²வே, பவாரேதப்³ப³ம். ப்³யத்தேன பி⁴க்கு²னா படிப³லேன தே பி⁴க்கூ² ஞாபேதப்³பா³ –

‘‘ஸுணந்து மே ஆயஸ்மந்தா. அஜ்ஜ பவாரணா. யதா³யஸ்மந்தானம் பத்தகல்லம், மயம் அஞ்ஞமஞ்ஞம் பவாரேய்யாமா’’தி.

தே²ரேன பி⁴க்கு²னா ஏகம்ஸம் உத்தராஸங்க³ம் கரித்வா உக்குடிகம் நிஸீதி³த்வா அஞ்ஜலிம் பக்³க³ஹேத்வா தே பி⁴க்கூ² ஏவமஸ்ஸு வசனீயா – ‘‘அஹம், ஆவுஸோ, ஆயஸ்மந்தே பவாரேமி தி³ட்டே²ன வா ஸுதேன வா பரிஸங்காய வா. வத³ந்து மம் ஆயஸ்மந்தா அனுகம்பம் உபாதா³ய. பஸ்ஸந்தோ படிகரிஸ்ஸாமி. து³தியம்பி…பே… ததியம்பி அஹம், ஆவுஸோ, ஆயஸ்மந்தே பவாரேமி தி³ட்டே²ன வா ஸுதேன வா பரிஸங்காய வா. வத³ந்து மம் ஆயஸ்மந்தா அனுகம்பம் உபாதா³ய. பஸ்ஸந்தோ படிகரிஸ்ஸாமீ’’தி.

நவகேன பி⁴க்கு²னா ஏகம்ஸம் உத்தராஸங்க³ம் கரித்வா உக்குடிகம் நிஸீதி³த்வா அஞ்ஜலிம் பக்³க³ஹேத்வா தே பி⁴க்கூ² ஏவமஸ்ஸு வசனீயா – ‘‘அஹம், ப⁴ந்தே, ஆயஸ்மந்தே பவாரேமி தி³ட்டே²ன வா ஸுதேன வா பரிஸங்காய வா. வத³ந்து மம் ஆயஸ்மந்தா அனுகம்பம் உபாதா³ய. பஸ்ஸந்தோ படிகரிஸ்ஸாமி. து³தியம்பி…பே… ததியம்பி அஹம், ப⁴ந்தே, ஆயஸ்மந்தே பவாரேமி தி³ட்டே²ன வா ஸுதேன வா பரிஸங்காய வா. வத³ந்து மம் ஆயஸ்மந்தா அனுகம்பம் உபாதா³ய. பஸ்ஸந்தோ படிகரிஸ்ஸாமீ’’தி.

217. தேன கோ² பன ஸமயேன அஞ்ஞதரஸ்மிம் ஆவாஸே தத³ஹு பவாரணாய த்³வே பி⁴க்கூ² விஹரந்தி. அத² கோ² தேஸம் பி⁴க்கூ²னம் ஏதத³ஹோஸி – ‘‘ப⁴க³வதா அனுஞ்ஞாதம் பஞ்சன்னம் ஸங்கே⁴ பவாரேதும், சதுன்னம் அஞ்ஞமஞ்ஞம் பவாரேதும், திண்ணம் அஞ்ஞமஞ்ஞம் பவாரேதும். மயஞ்சம்ஹா த்³வே ஜனா. கத²ம் நு கோ² அம்ஹேஹி பவாரேதப்³ப³’’ந்தி. ப⁴க³வதோ ஏதமத்த²ம் ஆரோசேஸும். அனுஜானாமி, பி⁴க்க²வே, த்³வின்னம் அஞ்ஞமஞ்ஞம் பவாரேதும். ஏவஞ்ச பன, பி⁴க்க²வே, பவாரேதப்³ப³ம். தே²ரேன பி⁴க்கு²னா ஏகம்ஸம் உத்தராஸங்க³ம் கரித்வா உக்குடிகம் நிஸீதி³த்வா அஞ்ஜலிம் பக்³க³ஹேத்வா நவோ பி⁴க்கு² ஏவமஸ்ஸ வசனீயோ – ‘‘அஹம், ஆவுஸோ, ஆயஸ்மந்தம் பவாரேமி தி³ட்டே²ன வா ஸுதேன வா பரிஸங்காய வா. வத³து மம் ஆயஸ்மா அனுகம்பம் உபாதா³ய. பஸ்ஸந்தோ படிகரிஸ்ஸாமி. து³தியம்பி…பே… ததியம்பி அஹம், ஆவுஸோ, ஆயஸ்மந்தம் பவாரேமி தி³ட்டே²ன வா ஸுதேன வா பரிஸங்காய வா. வத³து மம் ஆயஸ்மா அனுகம்பம் உபாதா³ய. பஸ்ஸந்தோ படிகரிஸ்ஸாமீ’’தி.

நவகேன பி⁴க்கு²னா ஏகம்ஸம் உத்தராஸங்க³ம் கரித்வா உக்குடிகம் நிஸீதி³த்வா அஞ்ஜலிம் பக்³க³ஹேத்வா தே²ரோ பி⁴க்கு² ஏவமஸ்ஸ வசனீயோ – ‘‘அஹம், ப⁴ந்தே, ஆயஸ்மந்தம் பவாரேமி தி³ட்டே²ன வா ஸுதேன வா பரிஸங்காய வா. வத³து மம் ஆயஸ்மா அனுகம்பம் உபாதா³ய. பஸ்ஸந்தோ படிகரிஸ்ஸாமி. து³தியம்பி…பே… ததியம்பி அஹம், ப⁴ந்தே, ஆயஸ்மந்தம் பவாரேமி தி³ட்டே²ன வா ஸுதேன வா பரிஸங்காய வா. வத³து மம் ஆயஸ்மா அனுகம்பம் உபாதா³ய. பஸ்ஸந்தோ படிகரிஸ்ஸாமீ’’தி.

218. தேன கோ² பன ஸமயேன அஞ்ஞதரஸ்மிம் ஆவாஸே தத³ஹு பவாரணாய ஏகோ பி⁴க்கு² விஹரதி. அத² கோ² தஸ்ஸ பி⁴க்கு²னோ ஏதத³ஹோஸி – ‘‘ப⁴க³வதா அனுஞ்ஞாதம் பஞ்சன்னம் ஸங்கே⁴ பவாரேதும், சதுன்னம் அஞ்ஞமஞ்ஞம் பவாரேதும், திண்ணம் அஞ்ஞமஞ்ஞம் பவாரேதும், த்³வின்னம் அஞ்ஞமஞ்ஞம் பவாரேதும். அஹஞ்சம்ஹி ஏககோ. கத²ம் நு கோ² மயா பவாரேதப்³ப³’’ந்தி? ப⁴க³வதோ ஏதமத்த²ம் ஆரோசேஸும்.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஏகோ பி⁴க்கு² விஹரதி. தேன, பி⁴க்க²வே, பி⁴க்கு²னா யத்த² பி⁴க்கூ² படிக்கமந்தி உபட்டா²னஸாலாய வா மண்ட³பே வா ருக்க²மூலே வா, ஸோ தே³ஸோ ஸம்மஜ்ஜித்வா பானீயம் பரிபோ⁴ஜனீயம் உபட்டா²பேத்வா ஆஸனம் பஞ்ஞபேத்வா பதீ³பம் கத்வா நிஸீதி³தப்³ப³ம். ஸசே அஞ்ஞே பி⁴க்கூ² ஆக³ச்ச²ந்தி, தேஹி ஸத்³தி⁴ம் பவாரேதப்³ப³ம்; நோ சே ஆக³ச்ச²ந்தி, ‘அஜ்ஜ மே பவாரணா’தி அதி⁴ட்டா²தப்³ப³ம். நோ சே அதி⁴ட்டே²ய்ய, ஆபத்தி து³க்கடஸ்ஸ.

தத்ர, பி⁴க்க²வே, யத்த² பஞ்ச பி⁴க்கூ² விஹரந்தி, ந ஏகஸ்ஸ பவாரணம் ஆஹரித்வா

சதூஹி ஸங்கே⁴ பவாரேதப்³ப³ம். பவாரேய்யும் சே, ஆபத்தி து³க்கடஸ்ஸ. தத்ர, பி⁴க்க²வே, யத்த² சத்தாரோ பி⁴க்கூ² விஹரந்தி, ந ஏகஸ்ஸ பவாரணம் ஆஹரித்வா தீஹி அஞ்ஞமஞ்ஞம் பவாரேதப்³ப³ம். பவாரேய்யும் சே, ஆபத்தி து³க்கடஸ்ஸ. தத்ர, பி⁴க்க²வே, யத்த² தயோ பி⁴க்கூ² விஹரந்தி, ந ஏகஸ்ஸ பவாரணம் ஆஹரித்வா த்³வீஹி அஞ்ஞமஞ்ஞம் பவாரேதப்³ப³ம். பவாரேய்யும் சே, ஆபத்தி து³க்கடஸ்ஸ. தத்ர, பி⁴க்க²வே, யத்த² த்³வே பி⁴க்கூ² விஹரந்தி, ந ஏகஸ்ஸ பவாரணம் ஆஹரித்வா ஏகேன அதி⁴ட்டா²தப்³ப³ம். அதி⁴ட்டே²ய்ய சே, ஆபத்தி து³க்கடஸ்ஸாதி.

ஸங்க⁴பவாரணாதி³ப்பபே⁴தா³ நிட்டி²தா.

125. ஆபத்திபடிகம்மவிதி⁴

219. தேன கோ² பன ஸமயேன அஞ்ஞதரோ பி⁴க்கு² தத³ஹு பவாரணாய ஆபத்திம் ஆபன்னோ ஹோதி. அத² கோ² தஸ்ஸ பி⁴க்கு²னோ ஏதத³ஹோஸி – ‘‘ப⁴க³வதா பஞ்ஞத்தம் ‘ந ஸாபத்திகேன பவாரேதப்³ப³’ந்தி. அஹஞ்சம்ஹி ஆபத்திம் ஆபன்னோ. கத²ம் நு கோ² மயா படிபஜ்ஜிதப்³ப³’’ந்தி? ப⁴க³வதோ ஏதமத்த²ம் ஆரோசேஸும் [ஆரோசேஸி (க.)].

இத⁴ பன, பி⁴க்க²வே, பி⁴க்கு² தத³ஹு பவாரணாய ஆபத்திம் ஆபன்னோ ஹோதி. தேன, பி⁴க்க²வே, பி⁴க்கு²னா ஏகம் பி⁴க்கு²ம் உபஸங்கமித்வா ஏகம்ஸம் உத்தராஸங்க³ம் கரித்வா உக்குடிகம் நிஸீதி³த்வா அஞ்ஜலிம் பக்³க³ஹேத்வா ஏவமஸ்ஸ வசனீயோ – ‘‘அஹம், ஆவுஸோ, இத்த²ன்னாமம் ஆபத்திம் ஆபன்னோ, தம் படிதே³ஸேமீ’’தி. தேன வத்தப்³போ³ – ‘‘பஸ்ஸஸீ’’தி. ஆம பஸ்ஸாமீதி. ஆயதிம் ஸம்வரேய்யாஸீதி.

இத⁴ பன, பி⁴க்க²வே, பி⁴க்கு² தத³ஹு பவாரணாய ஆபத்தியா வேமதிகோ ஹோதி. தேன, பி⁴க்க²வே, பி⁴க்கு²னா ஏகம் பி⁴க்கு²ம் உபஸங்கமித்வா ஏகம்ஸம் உத்தராஸங்க³ம் கரித்வா உக்குடிகம் நிஸீதி³த்வா அஞ்ஜலிம் பக்³க³ஹேத்வா ஏவமஸ்ஸ வசனீயோ – ‘‘அஹம், ஆவுஸோ, இத்த²ன்னாமாய ஆபத்தியா வேமதிகோ; யதா³ நிப்³பே³மதிகோ ப⁴விஸ்ஸாமி ததா³ தம் ஆபத்திம் படிகரிஸ்ஸாமீ’’தி வத்வா பவாரேதப்³ப³ம்; ந த்வேவ தப்பச்சயா பவாரணாய அந்தராயோ காதப்³போ³தி.

ஆபத்திபடிகம்மவிதி⁴ நிட்டி²தா.

126. ஆபத்திஆவிகரணவிதி⁴

220. தேன கோ² பன ஸமயேன அஞ்ஞதரோ பி⁴க்கு² பவாரயமானோ ஆபத்திம் ஸரதி. அத² கோ² தஸ்ஸ பி⁴க்கு²னோ ஏதத³ஹோஸி – ‘‘ப⁴க³வதா பஞ்ஞத்தம் ‘ந ஸாபத்திகேன பவாரேதப்³ப³’ந்தி. அஹஞ்சம்ஹி ஆபத்திம் ஆபன்னோ. கத²ம் நு கோ² மயா படிபஜ்ஜிதப்³ப³’’ந்தி? ப⁴க³வதோ ஏதமத்த²ம் ஆரோசேஸும்.

இத⁴ பன, பி⁴க்க²வே, பி⁴க்கு² பவாரயமானோ ஆபத்திம் ஸரதி. தேன, பி⁴க்க²வே, பி⁴க்கு²னா ஸாமந்தோ பி⁴க்கு² ஏவமஸ்ஸ வசனீயோ – ‘‘அஹம், ஆவுஸோ, இத்த²ன்னாமம் ஆபத்திம் ஆபன்னோ. இதோ வுட்ட²ஹித்வா தம் ஆபத்திம் படிகரிஸ்ஸாமீ’’தி வத்வா பவாரேதப்³ப³ம்; ந த்வேவ தப்பச்சயா பவாரணாய அந்தராயோ காதப்³போ³.

இத⁴ பன, பி⁴க்க²வே, பி⁴க்கு² பவாரயமானோ ஆபத்தியா வேமதிகோ ஹோதி. தேன, பி⁴க்க²வே,

பி⁴க்கு²னா ஸாமந்தோ பி⁴க்கு² ஏவமஸ்ஸ வசனீயோ – ‘‘அஹம், ஆவுஸோ, இத்த²ன்னாமாய ஆபத்தியா வேமதிகோ; யதா³ நிப்³பே³மதிகோ ப⁴விஸ்ஸாமி ததா³ தம் ஆபத்திம் படிகரிஸ்ஸாமீ’’தி வத்வா பவாரேதப்³ப³ம்; ந த்வேவ தப்பச்சயா பவாரணாய அந்தராயோ காதப்³போ³தி.

ஆபத்தி ஆவிகரணவிதி⁴ நிட்டி²தா.

127. ஸபா⁴கா³பத்திபடிகம்மவிதி⁴

221. தேன கோ² பன ஸமயேன அஞ்ஞதரஸ்மிம் ஆவாஸே தத³ஹு பவாரணாய ஸப்³போ³ ஸங்கோ⁴ ஸபா⁴க³ம் ஆபத்திம் ஆபன்னோ ஹோதி. அத² கோ² தேஸம் பி⁴க்கூ²னம் ஏதத³ஹோஸி – ‘‘ப⁴க³வதா பஞ்ஞத்தம் ‘ந ஸபா⁴கா³ ஆபத்தி தே³ஸேதப்³பா³, ந ஸபா⁴கா³ ஆபத்தி படிக்³க³ஹேதப்³பா³’தி. அயஞ்ச ஸப்³போ³ ஸங்கோ⁴ ஸபா⁴க³ம் ஆபத்திம் ஆபன்னோ. கத²ம் நு கோ² அம்ஹேஹி படிபஜ்ஜிதப்³ப³’’ந்தி? ப⁴க³வதோ ஏதமத்த²ம் ஆரோசேஸும்.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸப்³போ³ ஸங்கோ⁴ ஸபா⁴க³ம் ஆபத்திம் ஆபன்னோ ஹோதி. தேஹி, பி⁴க்க²வே, பி⁴க்கூ²ஹி ஏகோ பி⁴க்கு² ஸாமந்தா ஆவாஸா ஸஜ்ஜுகம் பாஹேதப்³போ³ – க³ச்சா²வுஸோ, தம் ஆபத்திம் படிகரித்வா ஆக³ச்ச², மயம் தே ஸந்திகே தம் ஆபத்திம் படிகரிஸ்ஸாமாதி. ஏவஞ்சேதம் லபே⁴த², இச்சேதம் குஸலம். நோ சே லபே⁴த², ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

‘‘ஸுணாது மே, ப⁴ந்தே, ஸங்கோ⁴. அயம் ஸப்³போ³ ஸங்கோ⁴ ஸபா⁴க³ம் ஆபத்திம் ஆபன்னோ. யதா³ அஞ்ஞம் பி⁴க்கு²ம் ஸுத்³த⁴ம் அனாபத்திகம் பஸ்ஸிஸ்ஸதி ததா³ தஸ்ஸ ஸந்திகே தம் ஆபத்திம் படிகரிஸ்ஸதீ’’தி வத்வா பவாரேதப்³ப³ம்; ந த்வேவ தப்பச்சயா பவாரணாய அந்தராயோ காதப்³போ³.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸப்³போ³ ஸங்கோ⁴ ஸபா⁴கா³ய ஆபத்தியா வேமதிகோ ஹோதி. ப்³யத்தேன பி⁴க்கு²னா படிப³லேன ஸங்கோ⁴ ஞாபேதப்³போ³ –

‘‘ஸுணாது மே, ப⁴ந்தே, ஸங்கோ⁴. அயம் ஸப்³போ³ ஸங்கோ⁴ ஸபா⁴கா³ய ஆபத்தியா வேமதிகோ. யதா³ நிப்³பே³மதிகோ ப⁴விஸ்ஸதி ததா³ தம் ஆபத்திம் படிகரிஸ்ஸதீ’’தி வத்வா, பவாரேதப்³ப³ம், ந த்வேவ தப்பச்சயா பவாரணாய அந்தராயோ காதப்³போ³தி.

ஸபா⁴கா³பத்திபடிகம்மவிதி⁴ நிட்டி²தா.

பட²மபா⁴ணவாரோ நிட்டி²தோ.

128. அனாபத்திபன்னரஸகம்

222. தேன கோ² பன ஸமயேன அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதிம்ஸு, பஞ்ச வா அதிரேகா வா. தே ந ஜானிம்ஸு ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ பவாரேஸும். தேஹி பவாரியமானே அத²ஞ்ஞே ஆவாஸிகா பி⁴க்கூ² ஆக³ச்சி²ம்ஸு ப³ஹுதரா. ப⁴க³வதோ ஏதமத்த²ம் ஆரோசேஸும்.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ பவாரேந்தி. தேஹி பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன பவாரேதப்³ப³ம். பவாரிதானம் அனாபத்தி.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ பவாரேந்தி. தேஹி பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா, அவஸேஸேஹி பவாரேதப்³ப³ம். பவாரிதானம் அனாபத்தி.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ பவாரேந்தி. தேஹி பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா, அவஸேஸேஹி பவாரேதப்³ப³ம். பவாரிதானம் அனாபத்தி.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ பவாரேந்தி. தேஹி பவாரிதமத்தே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன பவாரேதப்³ப³ம். பவாரிதானம் அனாபத்தி.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ பவாரேந்தி. தேஹி பவாரிதமத்தே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா, தேஸம் ஸந்திகே பவாரேதப்³ப³ம். பவாரிதானம் அனாபத்தி.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ பவாரேந்தி. தேஹி பவாரிதமத்தே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா, தேஸம் ஸந்திகே பவாரேதப்³ப³ம். பவாரிதானம் அனாபத்தி.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ பவாரேந்தி. தேஹி பவாரிதமத்தே, அவுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன பவாரேதப்³ப³ம். பவாரிதானம் அனாபத்தி.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ பவாரேந்தி. தேஹி பவாரிதமத்தே, அவுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா, தேஸம் ஸந்திகே பவாரேதப்³ப³ம். பவாரிதானம் அனாபத்தி.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ பவாரேந்தி. தேஹி பவாரிதமத்தே, அவுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா, தேஸம் ஸந்திகே பவாரேதப்³ப³ம். பவாரிதானம் அனாபத்தி.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ பவாரேந்தி. தேஹி பவாரிதமத்தே, ஏகச்சாய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன பவாரேதப்³ப³ம். பவாரிதானம் அனாபத்தி.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ பவாரேந்தி. தேஹி பவாரிதமத்தே, ஏகச்சாய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா, தேஸம் ஸந்திகே பவாரேதப்³ப³ம். பவாரிதானம் அனாபத்தி.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ பவாரேந்தி. தேஹி பவாரிதமத்தே, ஏகச்சாய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா, தேஸம் ஸந்திகே பவாரேதப்³ப³ம். பவாரிதானம் அனாபத்தி.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ பவாரேந்தி. தேஹி பவாரிதமத்தே, ஸப்³பா³ய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன பவாரேதப்³ப³ம். பவாரிதானம் அனாபத்தி.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ பவாரேந்தி. தேஹி பவாரிதமத்தே, ஸப்³பா³ய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா, தேஸம் ஸந்திகே பவாரேதப்³ப³ம். பவாரிதானம் அனாபத்தி.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ ஸமக்³க³ஸஞ்ஞினோ பவாரேந்தி. தேஹி பவாரிதமத்தே, ஸப்³பா³ய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா, தேஸம் ஸந்திகே பவாரேதப்³ப³ம். பவாரிதானம் அனாபத்தி.

அனாபத்திபன்னரஸகம் நிட்டி²தம்.

129. வக்³கா³வக்³க³ஸஞ்ஞீபன்னரஸகம்

223. இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ வக்³க³ஸஞ்ஞினோ பவாரேந்தி. தேஹி பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன பவாரேதப்³ப³ம். பவாரிதானம் ஆபத்தி து³க்கடஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ வக்³க³ஸஞ்ஞினோ பவாரேந்தி. தேஹி பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா, அவஸேஸேஹி பவாரேதப்³ப³ம். பவாரிதானம் ஆபத்தி து³க்கடஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ வக்³க³ஸஞ்ஞினோ பவாரேந்தி. தேஹி பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா, அவஸேஸேஹி பவாரேதப்³ப³ம். பவாரிதானம் ஆபத்தி து³க்கடஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே த⁴ம்மஸஞ்ஞினோ வினயஸஞ்ஞினோ வக்³கா³ வக்³க³ஸஞ்ஞினோ பவாரேந்தி. தேஹி பவாரிதமத்தே,…பே… அவுட்டி²தாய பரிஸாய…பே… ஏகச்சாய வுட்டி²தாய பரிஸாய…பே… ஸப்³பா³ய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா…பே… ஸமஸமா…பே… தோ²கதரா. பவாரிதா ஸுப்பவாரிதா, தேஸம் ஸந்திகே பவாரேதப்³ப³ம். பவாரிதானம் ஆபத்தி து³க்கடஸ்ஸ.

வக்³கா³வக்³க³ஸஞ்ஞீபன்னரஸகம் நிட்டி²தம்.

130. வேமதிகபன்னரஸகம்

224. இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘கப்பதி நு கோ² அம்ஹாகம் பவாரேதும், ந நு கோ² கப்பதீ’’தி வேமதிகா பவாரேந்தி. தேஹி பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன பவாரேதப்³ப³ம். பவாரிதானம் ஆபத்தி து³க்கடஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘கப்பதி நு கோ² அம்ஹாகம் பவாரேதும், ந நு கோ² கப்பதீ’’தி வேமதிகா பவாரேந்தி. தேஹி பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா, அவஸேஸேஹி பவாரேதப்³ப³ம். பவாரிதானம் ஆபத்தி து³க்கடஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘கப்பதி நு கோ² அம்ஹாகம் பவாரேதும், ந நு கோ² கப்பதீ’’தி வேமதிகா பவாரேந்தி. தேஹி பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா, அவஸேஸேஹி பவாரேதப்³ப³ம். பவாரிதானம் ஆபத்தி து³க்கடஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘கப்பதி நு கோ² அம்ஹாகம் பவாரேதும், ந நு கோ² கப்பதீ’’தி வேமதிகா பவாரேந்தி. தேஹி பவாரிதமத்தே…பே… அவுட்டி²தாய பரிஸாய…பே… ஏகச்சாய வுட்டி²தாய பரிஸாய…பே… ஸப்³பா³ய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா…பே… ஸமஸமா…பே… தோ²கதரா. பவாரிதா ஸுப்பவாரிதா, தேஸம் ஸந்திகே பவாரேதப்³ப³ம். பவாரிதானம் ஆபத்தி து³க்கடஸ்ஸ.

வேமதிகபன்னரஸகம் நிட்டி²தம்.

131. குக்குச்சபகதபன்னரஸகம்

225. இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘கப்பதேவ அம்ஹாகம் பவாரேதும், நாம்ஹாகம் ந கப்பதீ’’தி குக்குச்சபகதா பவாரேந்தி. தேஹி பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன பவாரேதப்³ப³ம். பவாரிதானம் ஆபத்தி து³க்கடஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘கப்பதேவ அம்ஹாகம் பவாரேதும், நாம்ஹாகம் ந கப்பதீ’’தி குக்குச்சபகதா பவாரேந்தி. தேஹி பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா, அவஸேஸேஹி பவாரேதப்³ப³ம். பவாரிதானம் ஆபத்தி து³க்கடஸ்ஸ.

இத⁴ பன, பி⁴க்க²வே, அஞ்ஞரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘கப்பதேவ அம்ஹாகம் பவாரேதும், நாம்ஹாகம் ந கப்பதீ’’தி குக்குச்சபகதா பவாரேந்தி. தேஹி பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா, அவஸேஸேஹி [அவஸேஸேஹி தேஸம் ஸந்திகே (க.)] பவாரேதப்³ப³ம். பவாரிதானம் ஆபத்தி து³க்கடஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘கப்பதேவ அம்ஹாகம் பவாரேதும், நாம்ஹாகம் ந கப்பதீ’’தி குக்குச்சபகதா பவாரேந்தி. தேஹி பவாரிதமத்தே,…பே… அவுட்டி²தாய பரிஸாய…பே… ஏகச்சாய வுட்டி²தாய பரிஸாய…பே… ஸப்³பா³ய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா…பே… ஸமஸமா…பே… தோ²கதரா. பவாரிதா ஸுப்பவாரிதா, தேஸம் ஸந்திகே பவாரேதப்³ப³ம். பவாரிதானம் ஆபத்தி து³க்கடஸ்ஸ.

குக்குச்சபகதபன்னரஸகம் நிட்டி²தம்.

132. பே⁴த³புரேக்கா²ரபன்னரஸகம்

226. இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி பே⁴த³புரேக்கா²ரா பவாரேந்தி. தேஹி பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன பவாரேதப்³ப³ம். பவாரிதானம் ஆபத்தி து²ல்லச்சயஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி பே⁴த³புரேக்கா²ரா பவாரேந்தி. தேஹி பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா, அவஸேஸேஹி பவாரேதப்³ப³ம். பவாரிதானம் ஆபத்தி து²ல்லச்சயஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி – பே⁴த³புரேக்கா²ரா பவாரேந்தி. தேஹி பவாரியமானே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா, அவஸேஸேஹி பவாரேதப்³ப³ம். பவாரிதானம் ஆபத்தி து²ல்லச்சயஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி – பே⁴த³புரேக்கா²ரா பவாரேந்தி. தேஹி பவாரிதமத்தே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா, தேஹி பி⁴க்க²வே பி⁴க்கூ²ஹி புன பவாரேதப்³ப³ம், பவாரிதானம் ஆபத்தி து²ல்லச்சயஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி பே⁴த³புரேக்கா²ரா பவாரேந்தி. தேஹி பவாரிதமத்தே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா, தேஸம் ஸந்திகே பவாரேதப்³ப³ம். பவாரிதானம் ஆபத்தி து²ல்லச்சயஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி பே⁴த³புரேக்கா²ரா பவாரேந்தி. தேஹி பவாரிதமத்தே அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா, தேஸம் ஸந்திகே பவாரேதப்³ப³ம். பவாரிதானம் ஆபத்தி து²ல்லச்சயஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி பே⁴த³புரேக்கா²ரா பவாரேந்தி. தேஹி பவாரிதமத்தே, அவுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன பவாரேதப்³ப³ம். பவாரிதானம் ஆபத்தி து²ல்லச்சயஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி பே⁴த³புரேக்கா²ரா பவாரேந்தி. தேஹி பவாரிதமத்தே, அவுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா, தேஸம் ஸந்திகே பவாரேதப்³ப³ம். பவாரிதானம் ஆபத்தி து²ல்லச்சயஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி பே⁴த³புரேக்கா²ரா பவாரேந்தி. தேஹி பவாரிதமத்தே, அவுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா, தேஸம் ஸந்திகே பவாரேதப்³ப³ம். பவாரிதானம் ஆபத்தி து²ல்லச்சயஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி பே⁴த³புரேக்கா²ரா பவாரேந்தி. தேஹி பவாரிதமத்தே, ஏகச்சாய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன பவாரேதப்³ப³ம். பவாரிதானம் ஆபத்தி து²ல்லச்சயஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி பே⁴த³புரேக்கா²ரா பவாரேந்தி. தேஹி பவாரிதமத்தே, ஏகச்சாய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா, தேஸம் ஸந்திகே பவாரேதப்³ப³ம். பவாரிதானம் ஆபத்தி து²ல்லச்சயஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி பே⁴த³புரேக்கா²ரா பவாரேந்தி. தேஹி பவாரிதமத்தே, ஏகச்சாய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா, தேஸம் ஸந்திகே பவாரேதப்³ப³ம். பவாரிதானம் ஆபத்தி து²ல்லச்சயஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி பே⁴த³புரேக்கா²ரா பவாரேந்தி. தேஹி பவாரிதமத்தே, ஸப்³பா³ய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ப³ஹுதரா. தேஹி, பி⁴க்க²வே, பி⁴க்கூ²ஹி புன பவாரேதப்³ப³ம். பவாரிதானம் ஆபத்தி து²ல்லச்சயஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி பே⁴த³புரேக்கா²ரா பவாரேந்தி. தேஹி பவாரிதமத்தே, ஸப்³பா³ய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி ஸமஸமா. பவாரிதா ஸுப்பவாரிதா, தேஸம் ஸந்திகே பவாரேதப்³ப³ம். பவாரிதானம் ஆபத்தி து²ல்லச்சயஸ்ஸ.

இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா

பி⁴க்கூ² ஸன்னிபதந்தி, பஞ்ச வா அதிரேகா வா. தே ஜானந்தி ‘‘அத்த²ஞ்ஞே ஆவாஸிகா பி⁴க்கூ² அனாக³தா’’தி. தே ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி பே⁴த³புரேக்கா²ரா பவாரேந்தி. தேஹி பவாரிதமத்தே, ஸப்³பா³ய வுட்டி²தாய பரிஸாய, அத²ஞ்ஞே ஆவாஸிகா பி⁴க்கூ² ஆக³ச்ச²ந்தி தோ²கதரா. பவாரிதா ஸுப்பவாரிதா, தேஸம் ஸந்திகே பவாரேதப்³ப³ம். பவாரிதானம் ஆபத்தி து²ல்லச்சயஸ்ஸ.

பே⁴த³புரேக்கா²ரபன்னரஸகம் நிட்டி²தம்.

பஞ்சவீஸத்திகா நிட்டி²தா.

133. ஸீமோத்தந்திகபேய்யாலம்

227. இத⁴ பன, பி⁴க்க²வே, அஞ்ஞதரஸ்மிம் ஆவாஸே தத³ஹு பவாரணாய ஸம்ப³ஹுலா ஆவாஸிகா பி⁴க்கூ² ஸன்னிபதந்தி, பஞ்ச வா அதிரேகா வா. தே ந ஜானந்தி ‘‘அஞ்ஞே ஆவாஸிகா பி⁴க்கூ² அந்தோஸீமம் ஓக்கமந்தீ’’தி…பே… தே ந ஜானந்தி ‘‘அஞ்ஞே ஆவாஸிகா பி⁴க்கூ² அந்தோஸீமம் ஓக்கந்தா’’தி…பே… தே ந பஸ்ஸந்தி அஞ்ஞே ஆவாஸிகே பி⁴க்கூ² அந்தோஸீமம் ஓக்கமந்தே…பே… தே ந பஸ்ஸந்தி அஞ்ஞே ஆவாஸிகே பி⁴க்கூ² அந்தோஸீமம் ஓக்கந்தே…பே… தே ந ஸுணந்தி ‘‘அஞ்ஞே ஆவாஸிகா பி⁴க்கூ² அந்தோஸீமம் ஓக்கமந்தீ’’தி…பே… தே ந ஸுணந்தி ‘‘அஞ்ஞே ஆவாஸிகா பி⁴க்கூ² அந்தோஸீமம் ஓக்கந்தா’’தி…பே….

ஆவாஸிகேன ஆவாஸிகா ஏகஸதபஞ்சஸத்ததி திகனயதோ, ஆவாஸிகேன ஆக³ந்துகா, ஆக³ந்துகேன ஆவாஸிகா, ஆக³ந்துகேன ஆக³ந்துகா, பேய்யாலமுகே²ன ஸத்த திகஸதானி ஹோந்தி.

ஸீமோக்கந்திகபேய்யாலம் நிட்டி²தம்.

134. தி³வஸனானத்தம்

228. இத⁴ பன, பி⁴க்க²வே, ஆவாஸிகானம் பி⁴க்கூ²னம் சாதுத்³த³ஸோ ஹோதி, ஆக³ந்துகானம் பன்னரஸோ. ஸசே ஆவாஸிகா ப³ஹுதரா ஹோந்தி, ஆக³ந்துகேஹி ஆவாஸிகானம் அனுவத்திதப்³ப³ம். ஸசே ஸமஸமா ஹோந்தி, ஆக³ந்துகேஹி ஆவாஸிகானம் அனுவத்திதப்³ப³ம். ஸசே ஆக³ந்துகா ப³ஹுதரா ஹோந்தி, ஆவாஸிகேஹி ஆக³ந்துகானம் அனுவத்திதப்³ப³ம்.

இத⁴ பன, பி⁴க்க²வே, ஆவாஸிகானம் பி⁴க்கூ²னம் பன்னரஸோ ஹோதி, ஆக³ந்துகானம் சாதுத்³த³ஸோ. ஸசே ஆவாஸிகா ப³ஹுதரா ஹோந்தி, ஆக³ந்துகேஹி ஆவாஸிகானம் அனுவத்திதப்³ப³ம். ஸசே ஸமஸமா ஹோந்தி, ஆக³ந்துகேஹி ஆவாஸிகானம் அனுவத்திதப்³ப³ம். ஸசே ஆக³ந்துகா ப³ஹுதரா ஹோந்தி, ஆவாஸிகேஹி ஆக³ந்துகானம் அனுவத்திதப்³ப³ம்.

இத⁴ பன, பி⁴க்க²வே, ஆவாஸிகானம் பி⁴க்கூ²னம் பாடிபதோ³ ஹோதி, ஆக³ந்துகானம் பன்னரஸோ. ஸசே ஆவாஸிகா ப³ஹுதரா ஹோந்தி, ஆவாஸிகேஹி ஆக³ந்துகானம் நாகாமா தா³தப்³பா³ ஸாமக்³கீ³; ஆக³ந்துகேஹி நிஸ்ஸீமம் க³ந்த்வா பவாரேதப்³ப³ம். ஸசே ஸமஸமா ஹோந்தி, ஆவாஸிகேஹி ஆக³ந்துகானம் நாகாமா தா³தப்³பா³ ஸாமக்³கீ³; ஆக³ந்துகேஹி நிஸ்ஸீமம் க³ந்த்வா பவாரேதப்³ப³ம். ஸசே ஆக³ந்துகா ப³ஹுதரா ஹோந்தி, ஆவாஸிகேஹி ஆக³ந்துகானம் ஸாமக்³கீ³ வா தா³தப்³பா³, நிஸ்ஸீமம் வா க³ந்தப்³ப³ம்.

இத⁴ பன, பி⁴க்க²வே, ஆவாஸிகானம் பி⁴க்கூ²னம் பன்னரஸோ ஹோதி, ஆக³ந்துகானம் பாடிபதோ³. ஸசே ஆவாஸிகா ப³ஹுதரா ஹோந்தி, ஆக³ந்துகேஹி ஆவாஸிகானம் ஸாமக்³கீ³ வா தா³தப்³பா³, நிஸ்ஸீமம் வா க³ந்தப்³ப³ம். ஸசே ஸமஸமா ஹோந்தி, ஆக³ந்துகேஹி ஆவாஸிகானம் ஸாமக்³கீ³ வா தா³தப்³பா³, நிஸ்ஸீமம் வா க³ந்தப்³ப³ம். ஸசே ஆக³ந்துகா ப³ஹுதரா ஹோந்தி, ஆக³ந்துகேஹி ஆவாஸிகானம் நாகாமா தா³தப்³பா³ ஸாமக்³கீ³; ஆவாஸிகேஹி நிஸ்ஸீமம் க³ந்த்வா பவாரேதப்³ப³ம்.

தி³வஸனானத்தம் நிட்டி²தம்.

135. லிங்கா³தி³த³ஸ்ஸனம்

229. இத⁴ பன, பி⁴க்க²வே, ஆக³ந்துகா பி⁴க்கூ² பஸ்ஸந்தி ஆவாஸிகானம் பி⁴க்கூ²னம் ஆவாஸிகாகாரம், ஆவாஸிகலிங்க³ம், ஆவாஸிகனிமித்தம், ஆவாஸிகுத்³தே³ஸம், ஸுப்பஞ்ஞத்தம் மஞ்சபீட²ம் பி⁴ஸிபி³ப்³போ³ஹனம், பானீயம் பரிபோ⁴ஜனீயம் ஸபட்டி²தம், பரிவேணம் ஸுஸம்மட்ட²ம்; பஸ்ஸித்வா வேமதிகா ஹோந்தி – ‘‘அத்தி² நு கோ² ஆவாஸிகா பி⁴க்கூ², நத்தி² நு கோ²’’தி. தே வேமதிகா ந விசினந்தி, அவிசினித்வா பவாரேந்தி. ஆபத்தி து³க்கடஸ்ஸ…பே… தே வேமதிகா விசினந்தி, விசினித்வா ந பஸ்ஸந்தி, அபஸ்ஸித்வா பவாரேந்தி. அனாபத்தி. தே வேமதிகா விசினந்தி, விசினித்வா பஸ்ஸந்தி, பஸ்ஸித்வா ஏகதோ பவாரேந்தி. அனாபத்தி. தே வேமதிகா விசினந்தி, விசினித்வா பஸ்ஸந்தி, பஸ்ஸித்வா பாடேக்கம் பவாரேந்தி. ஆபத்தி து³க்கடஸ்ஸ. தே வேமதிகா விசினந்தி, விசினித்வா பஸ்ஸந்தி, பஸ்ஸித்வா – ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி – பே⁴த³புரேக்கா²ரா பவாரேந்தி. ஆபத்தி து²ல்லச்சயஸ்ஸ.

இத⁴ பன, பி⁴க்க²வே, ஆக³ந்துகா பி⁴க்கூ² ஸுணந்தி ஆவாஸிகானம் பி⁴க்கூ²னம் ஆவாஸிகாகாரம், ஆவாஸிகலிங்க³ம், ஆவாஸிகனிமித்தம், ஆவாஸிகுத்³தே³ஸம், சங்கமந்தானம் பத³ஸத்³த³ம், ஸஜ்ஜா²யஸத்³த³ம், உக்காஸிதஸத்³த³ம், கி²பிதஸத்³த³ம்; ஸுத்வா வேமதிகா ஹோந்தி – ‘‘அத்தி² நு கோ² ஆவாஸிகா பி⁴க்கூ², நத்தி² நு கோ²’’தி. தே வேமதிகா ந விசினந்தி, அவிசினித்வா பவாரேந்தி. ஆபத்தி து³க்கடஸ்ஸ. தே வேமதிகா விசினந்தி, விசினித்வா ந பஸ்ஸந்தி, அபஸ்ஸித்வா பவாரேந்தி. அனாபத்தி. தே வேமதிகா விசினந்தி, விசினித்வா பஸ்ஸந்தி, பஸ்ஸித்வா ஏகதோ பவாரேந்தி. அனாபத்தி. தே வேமதிகா விசினந்தி, விசினித்வா பஸ்ஸந்தி, பஸ்ஸித்வா பாடேக்கம் பவாரேந்தி. ஆபத்தி து³க்கடஸ்ஸ. தே வேமதிகா விசினந்தி, விசினித்வா பஸ்ஸந்தி, பஸ்ஸித்வா ‘‘நஸ்ஸந்தேதே, வினஸ்ஸந்தேதே, கோ தேஹி அத்தோ²’’தி பே⁴த³புரேக்கா²ரா பவாரேந்தி. ஆபத்தி து²ல்லச்சயஸ்ஸ.

இத⁴ பன, பி⁴க்க²வே, ஆவாஸிகா பி⁴க்கூ² பஸ்ஸந்தி ஆக³ந்துகானம் பி⁴க்கூ²னம் ஆக³ந்துகாகாரம், ஆக³ந்துகலிங்க³ம், ஆக³ந்துகனிமித்தம், ஆக³ந்துகுத்³தே³ஸம், அஞ்ஞாதகம் பத்தம், அஞ்ஞாதகம் சீவரம், அஞ்ஞாதகம் நிஸீத³னம், பாதா³னம் தோ⁴தம், உத³கனிஸ்ஸேகம்; பஸ்ஸித்வா வேமதிகா ஹோந்தி – ‘‘அத்தி² நு கோ² ஆக³ந்துகா பி⁴க்கூ², நத்தி² நு கோ²’’தி. தே வேமதிகா ந விசினந்தி, அவிசினித்வா பவாரேந்தி. ஆபத்தி து³க்கடஸ்ஸ. தே வேமதிகா விசினந்தி, விசினித்வா ந பஸ்ஸந்தி, அபஸ்ஸித்வா பவாரேந்தி. அனாபத்தி. தே வேமதிகா விசினந்தி, விசினித்வா பஸ்ஸந்தி, பஸ்ஸித்வா ஏகதோ பவாரேந்தி. அனாபத்தி. தே வேமதிகா விசினந்தி, விசினித்வா பஸ்ஸந்தி, பஸ்ஸித்வா பாடேக்கம் பவாரேந்தி. ஆபத்தி து³க்கடஸ்ஸ. தே வேமதிகா விசினந்தி, விசினித்வா பஸ்ஸந்தி, பஸ்ஸித்வா – நஸ்ஸந்தேதே, வினஸ்ஸந்தேதே, கோ தேஹி அத்தோ²தி – பே⁴த³புரேக்கா²ரா பவாரேந்தி. ஆபத்தி து²ல்லச்சயஸ்ஸ.

இத⁴ பன, பி⁴க்க²வே, ஆவாஸிகா பி⁴க்கூ² ஸுணந்தி ஆக³ந்துகானம் பி⁴க்கூ²னம் ஆக³ந்துகாகாரம்,

ஆக³ந்துகலிங்க³ம், ஆக³ந்துகனிமித்தம், ஆக³ந்துகுத்³தே³ஸம், ஆக³ச்ச²ந்தானம் பத³ஸத்³த³ம், உபாஹனபப்போ²டனஸத்³த³ம், உக்காஸிதஸத்³த³ம், கி²பிதஸத்³த³ம்; ஸுத்வா வேமதிகா ஹோந்தி – ‘‘அத்தி² நு கோ² ஆக³ந்துகா பி⁴க்கூ², நத்தி² நு கோ²’’தி. தே வேமதிகா ந விசினந்தி, அவிசினித்வா பவாரேந்தி. ஆபத்தி து³க்கடஸ்ஸ. தே வேமதிகா விசினந்தி, விசினித்வா ந பஸ்ஸந்தி, அபஸ்ஸித்வா பவாரேந்தி. அனாபத்தி. தே வேமதிகா விசினந்தி, விசினித்வா பஸ்ஸந்தி, பஸ்ஸித்வா ஏகதோ பவாரேந்தி. அனாபத்தி. தே வேமதிகா விசினந்தி, விசினித்வா பஸ்ஸந்தி, பஸ்ஸித்வா பாடேக்கம் பவாரேந்தி. ஆபத்தி து³க்கடஸ்ஸ. தே வேமதிகா விசினந்தி, விசினித்வா பஸ்ஸந்தி, பஸ்ஸித்வா – நஸ்ஸந்தேதே, வினஸ்ஸந்தேதே, கோ தேஹி அத்தோ²தி – பே⁴த³புரேக்கா²ரா பவாரேந்தி. ஆபத்தி து²ல்லச்சயஸ்ஸ.

லிங்கா³தி³த³ஸ்ஸனம் நிட்டி²தம்.

136. நானாஸம்வாஸகாதீ³ஹி பவாரணா

230. இத⁴ பன, பி⁴க்க²வே, ஆக³ந்துகா பி⁴க்கூ² பஸ்ஸந்தி ஆவாஸிகே பி⁴க்கூ² நானாஸம்வாஸகே. தே ஸமானஸம்வாஸகதி³ட்டி²ம் படிலப⁴ந்தி, ஸமானஸம்வாஸகதி³ட்டி²ம் படிலபி⁴த்வா ந புச்ச²ந்தி, அபுச்சி²த்வா ஏகதோ பவாரேந்தி. அனாபத்தி. தே புச்ச²ந்தி, புச்சி²த்வா நாபி⁴விதரந்தி, அனபி⁴விதரித்வா ஏகதோ பவாரேந்தி. ஆபத்தி து³க்கடஸ்ஸ. தே புச்ச²ந்தி, புச்சி²த்வா நாபி⁴விதரந்தி, அனபி⁴விதரித்வா பாடேக்கம் பவாரேந்தி. அனாபத்தி.

இத⁴ பன, பி⁴க்க²வே, ஆக³ந்துகா பி⁴க்கூ² பஸ்ஸந்தி ஆவாஸிகே பி⁴க்கூ² ஸமானஸம்வாஸகே. தே நானாஸம்வாஸகதி³ட்டி²ம் படிலப⁴ந்தி, நானாஸம்வாஸகதி³ட்டி²ம் படிலபி⁴த்வா ந புச்ச²ந்தி, அபுச்சி²த்வா ஏகதோ பவாரேந்தி. ஆபத்தி து³க்கடஸ்ஸ. தே புச்ச²ந்தி, புச்சி²த்வா அபி⁴விதரந்தி, அபி⁴விதரித்வா பாடேக்கம் பவாரேந்தி. ஆபத்தி து³க்கடஸ்ஸ. தே புச்ச²ந்தி, புச்சி²த்வா அபி⁴விதரந்தி, அபி⁴விதரித்வா ஏகதோ பவாரேந்தி. அனாபத்தி.

இத⁴ பன, பி⁴க்க²வே, ஆவாஸிகா பி⁴க்கூ² பஸ்ஸந்தி ஆக³ந்துகே பி⁴க்கூ² நானாஸம்வாஸகே. தே ஸமானஸம்வாஸகதி³ட்டி²ம் படிலப⁴ந்தி, ஸமானஸம்வாஸகதி³ட்டி²ம் படிலபி⁴த்வா ந புச்ச²ந்தி, அபுச்சி²த்வா ஏகதோ பவாரேந்தி. அனாபத்தி. தே புச்ச²ந்தி, புச்சி²த்வா நாபி⁴விதரந்தி, அனபி⁴விதரித்வா ஏகதோ பவாரேந்தி. ஆபத்தி து³க்கடஸ்ஸ. தே புச்ச²ந்தி, புச்சி²த்வா நாபி⁴விதரந்தி, அனபி⁴விதரித்வா பாடேக்கம் பவாரேந்தி. அனாபத்தி.

இத⁴ பன, பி⁴க்க²வே, ஆவாஸிகா பி⁴க்கூ² பஸ்ஸந்தி ஆக³ந்துகே பி⁴க்கூ² ஸமானஸம்வாஸகே. தே நானாஸம்வாஸகதி³ட்டி²ம் படிலப⁴ந்தி, நானாஸம்வாஸகதி³ட்டி²ம் படிலபி⁴த்வா ந புச்ச²ந்தி, அபுச்சி²த்வா ஏகதோ பவாரேந்தி. ஆபத்தி து³க்கடஸ்ஸ. தே புச்ச²ந்தி, புச்சி²த்வா அபி⁴விதரந்தி, அபி⁴விதரித்வா பாடேக்கம் பவாரேந்தி. ஆபத்தி து³க்கடஸ்ஸ. தே புச்ச²ந்தி, புச்சி²த்வா அபி⁴விதரந்தி, அபி⁴விதரித்வா ஏகதோ பவாரேந்தி. அனாபத்தி.

நானாஸம்வாஸகாதீ³ஹி பவாரணா நிட்டி²தா.

137. ந க³ந்தப்³ப³வாரோ

231. ந, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா அபி⁴க்கு²கோ ஆவாஸோ க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர அந்தராயா. ந, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா அபி⁴க்கு²கோ அனாவாஸோ க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர அந்தராயா. ந, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா அபி⁴க்கு²கோ ஆவாஸோ வா அனாவாஸோ வா க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர அந்தராயா.

ந, பி⁴க்க²வே, தத³ஹு பவாரணாய ஸபி⁴க்கு²கா அனாவாஸா அபி⁴க்கு²கோ ஆவாஸோ க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர அந்தராயா. ந, பி⁴க்க²வே, தத³ஹு பவாரணாய ஸபி⁴க்கு²கா அனாவாஸா அபி⁴க்கு²கோ அனாவாஸோ க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர அந்தராயா. ந, பி⁴க்க²வே, தத³ஹு பவாரணாய ஸபி⁴க்கு²கா அனாவாஸா அபி⁴க்கு²கோ ஆவாஸோ வா அனாவாஸோ வா க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர அந்தராயா.

ந, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா வா அனாவாஸா வா அபி⁴க்கு²கோ ஆவாஸோ க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர அந்தராயா. ந, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா வா அனாவாஸா வா அபி⁴க்கு²கோ அனாவாஸோ க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர அந்தராயா. ந, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா வா அனாவாஸா வா அபி⁴க்கு²கோ ஆவாஸோ வா அனாவாஸோ வா க³ந்தப்³போ³, அஞ்ஞத்ர ஸங்கே⁴ன, அஞ்ஞத்ர அந்தராயா.

ந, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா ஸபி⁴க்கு²கோ ஆவாஸோ க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர ஸங்கே⁴ன, அஞ்ஞத்ர அந்தராயா. ந, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா ஸபி⁴க்கு²கோ அனாவாஸோ க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர ஸங்கே⁴ன, அஞ்ஞத்ர அந்தராயா. ந, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா ஸபி⁴க்கு²கோ ஆவாஸோ வா அனாவாஸோ வா க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர ஸங்கே⁴ன, அஞ்ஞத்ர அந்தராயா.

ந, பி⁴க்க²வே, தத³ஹு பவாரணாய ஸபி⁴க்கு²கா அனாவாஸா ஸபி⁴க்கு²கோ ஆவாஸோ க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர ஸங்கே⁴ன, அஞ்ஞத்ர அந்தராயா. ந, பி⁴க்க²வே, தத³ஹு பவாரணாய ஸபி⁴க்கு²கா அனாவாஸா ஸபி⁴க்கு²கோ அனாவாஸோ க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர ஸங்கே⁴ன, அஞ்ஞத்ர அந்தராயா. ந, பி⁴க்க²வே, தத³ஹு பவாரணாய ஸபி⁴க்கு²கா அனாவாஸா ஸபி⁴க்கு²கோ ஆவாஸோ வா அனாவாஸோ வா க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர ஸங்கே⁴ன, அஞ்ஞத்ர அந்தராயா.

ந, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா வா அனாவாஸா

வா ஸபி⁴க்கு²கோ ஆவாஸோ க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர ஸங்கே⁴ன, அஞ்ஞத்ர அந்தராயா. ந, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா வா அனாவாஸா வா ஸபி⁴க்கு²கோ அனாவாஸோ க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர ஸங்கே⁴ன, அஞ்ஞத்ர அந்தராயா. ந, பி⁴க்க²வே, தத³ஹு பவாரணாய ஸபி⁴க்கு²கா ஆவாஸா வா அனாவாஸா வா ஸபி⁴க்கு²கோ ஆவாஸோ வா அனாவாஸோ வா க³ந்தப்³போ³, யத்த²ஸ்ஸு பி⁴க்கூ² நானாஸம்வாஸகா, அஞ்ஞத்ர ஸங்கே⁴ன, அஞ்ஞத்ர அந்தராயா.