3. ஸபோ⁴ஜனஸிக்கா²பத³வண்ணனா

281. ததியே பாளியம் கு²த்³த³கே க⁴ரேதி ஏத்த² கு²த்³த³கம் க⁴ரம் நாம பஞ்சஹத்த²தோ ஊனகவித்தா²ரம் அதி⁴ப்பேதம். தத்த² ச பிட்ட²ஸங்கா⁴டதோ ஹத்த²பாஸே அவிஜஹிதேபி பிட்டி²வம்ஸாதிக்கமோ ஹோதீதி ஆஹ ‘‘பிட்டி²வம்ஸம் அதிக்கமித்வா’’தி. யதா² ததா² வா கதஸ்ஸாதி பிட்டி²வம்ஸம் ஆரோபேத்வா வா அனாரோபேத்வா வா கதஸ்ஸ.

283. பாளியம் வீதராகா³தி அபரியுட்டி²தராகா³னம், அனாகா³மீனஞ்ச ஸங்க³ஹோ. ஸசித்தகந்தி அனுபவிஸித்வா நிஸீத³னசித்தேன ஸசித்தகம். பரியுட்டி²தராக³ஜாயம்பதிகானம் ஸன்னிஹிததா, ஸயனிக⁴ரதா, து³தியஸ்ஸ பி⁴க்கு²னோ அபா⁴வோ, அனுபக²ஜ்ஜ நிஸீத³னந்தி இமானேத்த² சத்தாரி அங்கா³னி.

ஸபோ⁴ஜனஸிக்கா²பத³வண்ணனா நிட்டி²தா.

284-289. சதுத்த²பஞ்சமானி வுத்தத்தா²னி.