12. து³ப்³ப³சஸிக்கா²பத³வண்ணனா

424. த்³வாத³ஸமே வம்ப⁴னவசனந்தி க³ரஹவசனம். ஸட-ஸத்³தோ³ பதிதஸத்³தே³ன ஸமானத்தோ², தஸ்ஸ ச விஸேஸனஸ்ஸ பரனிபாதோதி ஆஹ ‘‘தத்த² தத்த² பதிதம் திணகட்ட²பண்ண’’ந்தி. கேனாபீதி வாதாதி³ஸதி³ஸேன உபஜ்ஜா²யாதி³னா.

426. சித்தபரியோனாஹோ த³ள்ஹகோதோ⁴வ உபனாஹோ. ததோபி ப³லவதரோ து³ம்மோசனீயோ கோதா⁴பி⁴ஸங்கோ³. சோத³கம் படிப்ப²ரணதாதி சோத³கஸ்ஸ படிவிருத்³தோ⁴ ஹுத்வா அவட்டா²னம். சோத³கம் அபஸாத³னாதி வாசாய க⁴ட்டனா. பச்சாரோபனாதி ‘‘த்வம்பி ஸாபத்திகோ’’தி சோத³கஸ்ஸ ஆபத்திஆரோபனா. படிசரணதாதி படிச்சா²த³னதா. அபதா³னேனாதி அத்தனோ சரியாய. ந ஸம்பாயனதாதி ‘‘யம் த்வம் சோத³கோ வதே³ஸி ‘மயா ஏஸ ஆபத்திம் ஆபன்னோ தி³ட்டோ²’தி, த்வம் தஸ்மிம் ஸமயே கிம் கரோஸி, அயம் கிம் கரோதி, கத்த² ச த்வம் அஹோஸி, கத்த² அய’’ந்திஆதி³னா நயேன சரியம் புட்டே²ன ஸம்பாதே³த்வா அகத²னம்.

‘‘யஸ்ஸ ஸியா ஆபத்தீ’’தி (மஹாவ. 134) இமினா நிதா³னவசனேன ஸப்³பா³பி ஆபத்தியோ ஸங்க³ஹிதாதி ஆஹ ‘‘யஸ்ஸ ஸியா’’திஆதி³. அங்கா³னி சேத்த² பட²மஸங்க⁴பே⁴த³ஸதி³ஸானி, அயம் பன விஸேஸோ யதா² தத்த² பே⁴தா³ய பரக்கமனம், இத⁴ அவசனீயகரணதா த³ட்ட²ப்³பா³.

து³ப்³ப³சஸிக்கா²பத³வண்ணனா நிட்டி²தா.