2. து³தியஸிக்கா²பத³வண்ணனா

1030. பி⁴க்கு²னீ சே பி⁴க்கு²ம் அக்கோஸதி, இமினா ஸிக்கா²பதே³ன பாசித்தியம். பி⁴க்கு²னிம் சே அக்கோஸதி, ஓமஸவாதே³ன ஆபஜ்ஜதி. ஓமஸவாதே³ ஸம்முகா²வ ருஹதி, இத⁴ பன பரம்முகா²பி.

தத்ராயம் விசாரணா – பி⁴க்கு²விப⁴ங்கே³ ஓஸமவாத³ஸிக்கா²பதே³ பி⁴க்கு²னீ அனுபஸம்பன்னட்டா²னே திட்ட²தீதி கத்வா பி⁴க்கு²னிவிப⁴ங்கே³பி ஓமஸவாத³ஸிக்கா²பதே³ பி⁴க்கு² பி⁴க்கு²னியா அனுபஸம்பன்னட்டா²னே திட்ட²தீதி ஸித்³த⁴ம். இத⁴ ச அனுபஸம்பன்னஸ்ஸ அக்கோஸனே து³க்கடம் வுத்தம், பி⁴க்கு²ஸ்ஸ உபஸம்பன்னஸ்ஸ அக்கோஸனே பாசித்தியம் வுத்தம், தஸ்மா இமானி த்³வே ஸிக்கா²பதா³னி பி⁴க்கு²ம்ஹி ஸம்ஸந்தி³யமானானி அஞ்ஞமஞ்ஞம் ந ஸமேந்தி. யதா² ஸமேந்தி, ததா² ஜானிதப்³ப³ம். தத்த² போராணக³ண்டி²பதே³ வுத்தனயேன பி⁴க்கு²னீனம் ஓமஸவாத³ஸிக்கா²பதே³ அனுபஸம்பன்னோதி ந க³ஹேதப்³போ³, இத³மேத்த² யுத்தம். பரிபா⁴ஸேய்யாதி அஞ்ஞத்ர அக்கோஸவத்தூ²ஹி. தேஸு ஹி அஞ்ஞதரஸ்மிம் ஸதி ஓமஸவாத³பாசித்தியமேவாதி ஏகே, தம் ந யுத்தம். ஓமஸவாதே³ பாளிமுத்தகஅக்கோஸே ஹி து³க்கடம் ஹோதீதி. து³க்கடோகாஸே இத³ம் பாசித்தியம் தேஹி நித்³தி³ட்ட²ம் ஹோதி, தஸ்மா ‘‘பா³லா ஏதா’’தி பாளியம் இத⁴ ஆக³தபதா³னம்யேவ வஸேன பரிபா⁴ஸனம் வேதி³தப்³ப³ம்.

து³தியஸிக்கா²பத³வண்ணனா நிட்டி²தா.

1033. ததியஸிக்கா²பத³ம் உத்தானத்த²மேவ.