1. அந்தேபுரஸிக்கா²பத³வண்ணனா

494-7. யதா² ப⁴க³வந்தம் பயிருபாஸதி, ஏவமாகாரேன நாரஹதாயம் புரிஸோ பாபோ ஹோதும், ந ஹோதி பாபோதி அத்தோ², காரணத்த²ம் வா. தந்தி நிபாதமத்தம், யதோதி வா அத்தோ². ஹத்தி²ஸம்மத்³த³ந்தி ஸங்கா⁴டஸம்மத்³தோ³, அக்கமனம் சுண்ணதாதி அத்தோ².

498. ரதனம் நாம அக்³க³மஹேஸீ, ததா²பி இத⁴ அஞ்ஞாபி தே³விகோ³த்தா ந ரக்க²தி, அனாபத்திவாரே ‘‘ந மஹேஸீ ஹோதீ’’தி வசனாபா⁴வதோ. ஸசே க²த்தியோவ ஹோதி, நாபி⁴ஸித்தோ. அபி⁴ஸித்தோயேவ ஹோதி, ந க²த்தியோ ரக்க²தீதி ஆசரியோ. அனாபத்திவாரே மாதிகாட்ட²கதா²யம் அங்க³பா⁴வேன ச வுத்தத்தா அபி⁴ஸித்தபா⁴வோவபமாணம். ஸேஸம் உக்கட்ட²பரிச்சே²தோ³தி ஏகே.

500-501. ‘‘ந ஸயனிக⁴ரே ஸயனிக⁴ரஸஞ்ஞீ’’தி திகச்சே²தோ³பி ஏத்த² லப்³ப⁴தி. ந ஸயனிக⁴ரம் நாம அபரிக்கி²த்தருக்க²மூலாதி³.

அந்தேபுரஸிக்கா²பத³வண்ணனா நிட்டி²தா.