48. ஸந்தோஸனித்³தே³ஸவண்ணனா

459. ‘‘சத்தாரிமானி, பி⁴க்க²வே, அப்பானி சேவ ஸுலபா⁴னி ச, தானி ச அனவஜ்ஜானி. கதமானி சத்தாரி? பம்ஸுகூலம், பி⁴க்க²வே, சீவரானம் அப்பஞ்ச ஸுலப⁴ஞ்ச, தஞ்ச அனவஜ்ஜம். பிண்டி³யாலோபோ, பி⁴க்க²வே, போ⁴ஜனானம் அப்பஞ்ச ஸுலப⁴ஞ்ச, தஞ்ச அனவஜ்ஜம். ருக்க²மூலம், பி⁴க்க²வே, ஸேனாஸனானம் அப்பஞ்ச ஸுலப⁴ஞ்ச, தஞ்ச அனவஜ்ஜம். பூதிமுத்தபே⁴ஸஜ்ஜம், பி⁴க்க²வே, பே⁴ஸஜ்ஜானம் அப்பஞ்ச ஸுலப⁴ஞ்ச, தஞ்ச அனவஜ்ஜம். இமானி கோ², பி⁴க்க²வே, சத்தாரி அப்பானி சேவ ஸுலபா⁴னி ச, தானி ச அனவஜ்ஜானீ’’தி (அ. நி. 4.27; இதிவு. 101) வசனதோ ‘‘அப்பேனா’’திஆதி³ வுத்தம்.

ஸந்துட்டோ²தி ஏத்த² யதா²லாப⁴யதா²ப³லயதா²ஸாருப்பஸந்தோஸானம் வஸேன ஏகேகஸ்மிம் பச்சயே தயோ தயோ கத்வா சதூஸு பச்சயேஸு த்³வாத³ஸ ஸந்தோஸா ஹோந்தி. மத்தஞ்ஞூதி ஏத்த² (ம. நி. அட்ட². 1.422; ஸம். நி. அட்ட². 3.4.239; அ. நி. அட்ட². 2.3.16; இதிவு. அட்ட². 28; த⁴. ஸ. அட்ட². 124-134) சத்தாரோ மத்தா பரியேஸனமத்தா படிக்³க³ஹணமத்தா பரிபோ⁴க³மத்தா விஸ்ஸஜ்ஜனமத்தாதி. இதரீதரேன யாபேந்தோ ஸுப⁴ரோ நாம. ஸந்தோஸவினிச்ச²யோ.

ஸந்தோஸனித்³தே³ஸவண்ணனா நிட்டி²தா.