43. ச²ந்த³தா³னனித்³தே³ஸவண்ணனா

399. கம்மப்பத்தே ஸங்கே⁴ ஸமாக³தேதி ஸம்ப³ந்தோ⁴. ஏதேன ஸங்கே⁴ அஸமாக³தே ச²ந்த³தா³னம் ந ருஹதீதி தீ³பிதம் ஹோதீதி வத³ந்தி. ஏத்தா²யம் விசாரணா – பஞ்சபி⁴க்கு²கே விஹாரே ஏகஸ்ஸ ச²ந்த³பாரிஸுத்³தி⁴ம் ஆஹரித்வா ஸேஸானம் உபோஸதா²தி³கரணம் அனுஞ்ஞாதம் பாளியம் (பரி. 496-497) அட்ட²கதா²யஞ்ச (பரி. அட்ட². 487-488). தேஸு ஏகோ ச²ந்த³தா³யகோ, ஏகோ ச²ந்த³ஹாரகோ, தே முஞ்சித்வா ந ஏத்த² ஸன்னிபதிதோ ஸங்கோ⁴ திண்ணம் ஸமூஹபா⁴வதோ, தஸ்மா அஸமாக³தேபி தா³தும் வட்டதி. ஆரோசேந்தேன பன ஸமாக³தே ஏவ ஆரோசேதப்³ப³ம். இதா⁴பி ‘‘ஹரேய்யா’’தி வுத்தம், ந ‘‘தே³ஸேய்யா’’தி. தத்த² ச²ந்த³ஹாரகேன ஸத்³தி⁴ம் கம்மப்பத்தானம் ஸன்னிபாதோ வேதி³தப்³போ³.

400. இதா³னி ச²ந்த³தா³னவிதி⁴ம் த³ஸ்ஸேதும் ‘‘ஏகம் பி⁴க்கு²’’ந்திஆதி³மாஹ (கங்கா². அட்ட². நிதா³னவண்ணனா).

401. (க) ‘‘ச²ந்த³ம் த³ம்மீ’’தி ஏத்தகமேவ அலம், ‘‘ஹர, ஆரோசேஹீ’’தி இமேஹி கிம்பயோஜனந்தி சே? வுச்சதே – ‘‘அனுஜானாமி, பி⁴க்க²வே, தத³ஹுபோஸதே² பாரிஸுத்³தி⁴ம் தே³ந்தேன ச²ந்த³ம்பிதா³தும், ஸந்தி ஸங்க⁴ஸ்ஸ கரணீய’’ந்தி (மஹாவ. 165) வுத்தத்தா ப⁴க³வதோ ஆணம் கரோந்தேன ‘‘ச²ந்த³ம் த³ம்மீ’’தி வுத்தம். ‘‘ச²ந்த³ஹாரகோ சே, பி⁴க்க²வே, தி³ன்னே ச²ந்தே³ அந்தராமக்³கே³ பக்கமதி, அனாஹடோவ ஹோதி ச²ந்தோ³’’தி (மஹாவ. 165) வுத்தத்தா ச²ந்த³ஹாரகஸ்ஸ அஞ்ஞஸ்ஸ அபக்கமனத்தா²ய பாரிஸுத்³தி⁴ம் தே³ந்தேன ‘‘இத³ம் கரோஹி ஏவா’’தி ஆணாபேந்தேன ‘‘ச²ந்த³ம் மே ஹரா’’தி வுத்தம். ‘‘ச²ந்த³ஹாரகோ சே, பி⁴க்க²வே, தி³ன்னே ச²ந்தே³ ஸங்க⁴ப்பத்தோ ஸஞ்சிச்ச நாரோசேதி, ஆஹடோ ஹோதி ச²ந்தோ³, ச²ந்த³ஹாரகஸ்ஸ ஆபத்தி து³க்கடஸ்ஸா’’தி (மஹாவ. 165) வுத்தத்தா ‘‘யதி³த்வம் ஸஞ்சிச்ச நாரோசேஸ்ஸஸி, ஆபத்திம் ஆபஜ்ஜிஸ்ஸஸி, ஆரோசேஹி ஏவா’’தி தஸ்ஸ ஆசிக்க²ந்தோ ‘‘ஆரோசேஹீ’’தி ஆஹாதி ஏவமேத்த² இமேஸம் பதா³னம் ஸப்பயோஜனதா வேதி³தப்³பா³. ஏவம் பாரிஸுத்³தி⁴தா³னேபீதி.

402. ஸேஸகம்மந்தி யதி³ ஸங்கோ⁴ உபோஸத²க்³கே³ அஞ்ஞம் அபலோகனாதி³கம்மம் கரோதி, தம் கம்மம் விபா³த⁴தி, விகோபேதீதி அத்தோ².

403. த்³வயந்தி உபோஸத²ஞ்ச ஸேஸகம்மஞ்சாதி அத்தோ². நத்தனோதி அத்தனோ உபோஸத²ம் ந ஸம்பாதே³தி.

405. ‘‘ஏகம்ஸம் உத்தராஸங்க³ம் கரித்வா உக்குடிகம் நிஸீதி³த்வா’’திஆதி³கம் (மஹாவ. 213) ஸப்³பூ³பசாரம் கத்வானாதி அத்தோ².

406. ‘‘இத்த²ன்னாமேன பவாரணா தி³ன்னா’’தி ஆரோசேத்வா.

408. படிஜானேய்ய நாஹடாதி (மஹாவ. 164-165, 213) பாடே² ந ஆஹடாதி நாஹடா, ஆஹடா ந ஹோதீதி அத்தோ². ததா² ஹேய்யாதி விப்³ப⁴மனாதீ³னி கரேய்யாதி அத்தோ².

409. ஸுத்தோ வா நாரோசயேய்ய, ஆஹடா ஹோதீதி ஸம்ப³ந்தோ⁴. அனாபத்திவாதி அனாபத்தி ஏவ. ச²ந்த³தா³னவினிச்ச²யோ.

ச²ந்த³தா³னனித்³தே³ஸவண்ணனா நிட்டி²தா.