27. அஸம்வாஸிகனித்³தே³ஸவண்ணனா

198. உக்கி²த்தோதி ஆபத்தியா அத³ஸ்ஸனே, அப்படிகம்மே, பாபிகாய தி³ட்டி²யா அப்படினிஸ்ஸக்³கே³ வா உக்கி²த்தகோதி திவிதோ⁴பி இத⁴ உக்கி²த்தோ க³ஹிதோ. அனுபஸம்பன்னோதி இமினா ஸிக்க²மானஸாமணேரஸாமணேரீஸிக்கா²பச்சக்கா²தகா க³ஹிதாதி வேதி³தப்³பா³. சி²ன்னமூலகோ நாம அந்திமவத்து²ம் அஜ்ஜா²பன்னகோ. நானாஸம்வாஸோதி லத்³தி⁴னானாஸம்வாஸகோ. ‘‘நானாஸீமாய டி²தசதுத்தோ² கம்மம் கரேய்ய, இத்³தி⁴யா வேஹாஸே டி²தசதுத்தோ² கம்மம் கரேய்ய, அகம்மம் ந ச கரணீய’’ந்தி ஹி வுத்தத்தா இமேபி ‘‘அஸம்வாஸிகா’’தி வுத்தா. ஏதேஸு பன உக்கி²த்தகேஹி ஸத்³தி⁴ம் உபோஸதா²தீ³னி கரோந்தோ பாசித்தியம் ஆபஜ்ஜதி. நிஸ்ஸீமட்ட²வேஹாஸட்டே²ஹி கரோந்தஸ்ஸ கம்மம் குப்பதி, து³க்கடஞ்ச ஹோதி, இதரேஹி து³க்கடம். அஸம்வாஸிகவினிச்ச²யோ.

அஸம்வாஸிகனித்³தே³ஸவண்ணனா நிட்டி²தா.