7. மஹாபேஸகாரஸிக்கா²பத³வண்ணனா

சீவரஸாமிகேஹி புப்³பே³ அப்பவாரிதோ ஹுத்வாதி ‘‘கீதி³ஸேன தே, ப⁴ந்தே, சீவரேன அத்தோ², கீதி³ஸம் தே சீவரம் வாயாபேமி, வத³, ப⁴ந்தே, யதி³ச்ச²ஸீ’’தி சீவரஸாமிகேஹி புப்³பே³ அவுத்தோ ஹுத்வா. ஏத்த² ச ஆயதாதீ³ஹி தீஹி ஸுத்தவட்³ட⁴னாகாரேன ஸஹ வாயனாகாரம் த³ஸ்ஸேதி, ஸுவீதாதீ³ஹி சதூஹி வாயனாகாரமேவ. ‘‘கிஞ்சிமத்தம் அனுபத³ஜ்ஜேய்யாமா’’திஆதி³ தஸ்ஸ கத்தப்³பா³காரமத்தத³ஸ்ஸனம், ந பன அங்க³த³ஸ்ஸனம் ஸுத்தவட்³ட⁴னவஸேனேவ ஆபஜ்ஜிதப்³ப³த்தாதி ஆஹ ‘‘ந பி⁴க்கு²னோ பிண்ட³பாததா³னமத்தேனா’’திஆதி³. ஏத்த² ச ‘‘இத³ம் மே, ப⁴ந்தே, சீவரம் புப்³பே³ அப்பவாரிதேன அஞ்ஞாதகஸ்ஸ க³ஹபதிகஸ்ஸ தந்தவாயே உபஸங்கமித்வா சீவரே விகப்பம் ஆபன்னம் நிஸ்ஸக்³கி³ய’’ந்தி (பாரா. 643) இமினா நயேன நிஸ்ஸஜ்ஜனவிதா⁴னம் வேதி³தப்³ப³ம். திகபாசித்தியந்தி அஞ்ஞாதகே அஞ்ஞாதகஸஞ்ஞிவேமதிகஞாதகஸஞ்ஞீனம் வஸேன தீணி பாசித்தியானி.

மஹாபேஸகாரஸிக்கா²பத³வண்ணனா நிட்டி²தா.