9. து³தியஉச்சாரச²ட்³ட³னஸிக்கா²பத³வண்ணனா

பி⁴க்கு²னியாபீதி பி-ஸத்³தே³ன பி⁴க்கு²ம் ஸமுச்சினோதி. அனிக்கி²த்தபீ³ஜேஸு (பாசி. அட்ட². 830) பன கே²த்தேஸு கோணாதீ³ஸு வா அஸஞ்ஜாதரோபிமேஸு கே²த்தமரியாதா³தீ³ஸு வா ச²ட்³டே³தும் வட்டதி. மனுஸ்ஸானம் கசவரச²ட்³ட³னட்டா²னேபி வட்டதியேவ. ச²ட்³டி³தகே²த்தேதி மனுஸ்ஸேஸு ஸஸ்ஸம் உத்³த⁴ரித்வா க³தேஸு ச²ட்³டி³தகே²த்தம் நாம ஹோதி, தத்த² வட்டதி. யத்த² பன ‘‘லாயிதம்பி புப்³ப³ண்ணாதி³ புன உட்ட²ஹிஸ்ஸதீ’’தி ரக்க²ந்தி, தத்த² யதா²வத்து²கமேவ. ஸாமிகே அபலோகேத்வாதி ஏத்த² கே²த்தபாலகா, ஆராமாதி³கோ³பகா ச ஸாமிகாவ. இமினா ச ஸங்க⁴ஸந்தகே பி⁴க்கு²ஸ்ஸ ச²ட்³டே³தும் வட்டதி ஸங்க⁴பரியாபன்னத்தா, ந பி⁴க்கு²னீனம். பி⁴க்கு²னீனம் பன அத்தனோ ஸந்தகே பி⁴க்கு²ஸந்தகே வுத்தனயேனேவ வட்டதீதி த³ஸ்ஸேதி, ஏவம் ஸந்தேபி ஸாருப்பவஸேன காதப்³ப³ம்.

து³தியஉச்சாரச²ட்³ட³னஸிக்கா²பத³வண்ணனா நிட்டி²தா.