3-4. பட²மக²தஸுத்தாதி³வண்ணனா

3-4. ததியே கலிந்தி அபராத⁴ம். விசினாதீதி ஆசினோதி பஸவதி. தேன ச கலினா ஸுக²ம் ந படிலப⁴தீதி தேன அபராதே⁴ன ஸுக²ம் ந விந்த³தி. நிந்தி³யப்பஸம்ஸாய ஹி பஸம்ஸியனிந்தா³ய ச ஸமகோவ விபாகோ. பஸம்ஸியனிந்தா³தி ச ஸம்பன்னகு³ணபரித⁴ம்ஸனவஸேன பவத்தியா மஹாஸாவஜ்ஜதாய கடுகதரவிபாகா. நிந்தி³யப்பஸம்ஸா பன கத²ம் தாய ஸமவிபாகாதி சே? தஸ்மிம் அவிஜ்ஜமானகு³ணஸமாரோபனேன அத்தனோ பரேஸஞ்ச மிச்சா²படிபத்திஹேதுபா⁴வதோ பஸம்ஸியேன தஸ்ஸ ஸப்³பா⁴வகரணதோ ச. லோகேபி ஹி அஸூரம் ஸூரேன ஸமம் கரோந்தோ கா³ரய்ஹோ ஹோதி, பகே³வ து³ப்படிபன்னம் ஸுப்படிபன்னேன ஸமம் கரோந்தோதி. ஸகேன த⁴னேனாதி அத்தனோ ஸாபதேய்யேன. அப்பமத்தகோவ கலீதி தி³ட்ட²த⁴ம்மிகத்தா ஸப்படிகாரத்தா ச அப்பமத்தகோ அபராதோ⁴. அயம்…பே… மஹந்ததரோ கலி கதூபசிதத்தா ஸம்பராயிகத்தா அப்படிகாரத்தா ச.

நிரப்³பு³தோ³தி க³ணனாவிஸேஸோ ஏஸோதி ஆஹ ‘‘நிரப்³பு³த³க³ணனாயா’’தி, ஸதஸஹஸ்ஸம் நிரப்³பு³தா³தி அத்தோ². நிரப்³பு³த³பரிமாணம் பன வஸ்ஸக³ணனாய ஏவம் வேதி³தப்³ப³ம். யதே²வ ஹி ஸதம் ஸதஸஹஸ்ஸானம் கோடி ஹோதி, ஏவம் ஸதம் ஸதஸஹஸ்ஸானம் கோடியோ பகோடி நாம ஹோதி, ஸதம் ஸதஸஹஸ்ஸானம் பகோடியோ கோடிபகோடி, ஸதம் ஸதஸஹஸ்ஸகோடிபகோடியோ நஹுதம், ஸதம் ஸதஸஹஸ்ஸனஹுதானி நின்னஹுதம், ஸதம் ஸதஸஹஸ்ஸனின்னஹுதானி ஏகம் அப்³பு³த³ம், ததோ வீஸதிகு³ணிதம் நிரப்³பு³த³ம். யம் அரியே க³ரஹந்தோ நிரயம் உபபஜ்ஜதீதி அரியே க³ரஹந்தோ யம் நிரப்³பு³த³ஸங்கா²தம் நிரயம் உபபஜ்ஜதி, நிரப்³பு³தோ³தி ச பாடியேக்கோ நிரயோ நத்தி², அவீசிம்ஹியேவ பன நிரப்³பு³த³க³ணனாய பச்சிதப்³ப³ட்டா²னஸ்ஸேதம் நாமம். சதுத்த²ம் உத்தானமேவ.

பட²மக²தஸுத்தாதி³வண்ணனா நிட்டி²தா.