11-13. பட²மமோரனிவாபஸுத்தாதி³வண்ணனா

144-146. ஏகாத³ஸமே அகுப்பத⁴ம்மதாய க²யவயஸங்கா²தம் அந்தம் அதீதாதி அச்சந்தா, ஏவம் அபரிஹாயனஸபா⁴வத்தா அச்சந்தா நிட்டா² அஸ்ஸாதி அச்சந்தனிட்டோ². தேனாஹ ‘‘அந்தம் அதிக்கந்தனிட்டோ²’’திஆதி³. ந ஹி படிவித்³த⁴ஸ்ஸ லோகுத்தரத⁴ம்மஸ்ஸ த³ஸ்ஸனம் குப்பனம் நாம அத்தி². து⁴வனிட்டோ²தி ஸததனிட்டோ². அச்சந்தமேவ சதூஹி யோகே³ஹி கே²மோ ஏதஸ்ஸ அத்தீ²தி அச்சந்தயோக³க்கே²மீ, நிச்சயோக³க்கே²மீதி அத்தோ². மக்³க³ப்³ரஹ்மசரியஸ்ஸ வுஸிதத்தா தஸ்ஸ அவிஹாயனஸபா⁴வத்தா அச்சந்தம் ப்³ரஹ்மசாரீதி அச்சந்தப்³ரஹ்மசாரீ, நிச்சப்³ரஹ்மசாரீதி அத்தோ². பரியோஸானந்தி ப்³ரஹ்மசரியபரியோஸானம் வட்டது³க்க²பரியோஸானஞ்ச. அச்சந்தம் பரியோஸானமஸ்ஸாதி அச்சந்தபரியோஸானோ. த்³வாத³ஸமதேரஸமானி உத்தானத்தா²னேவ.

பட²மமோரனிவாபஸுத்தாதி³வண்ணனா நிட்டி²தா.

யோதா⁴ஜீவவக்³க³வண்ணனா நிட்டி²தா.

147-156. மங்க³லவக்³கோ³ உத்தானத்தோ²யேவ.

ததியபண்ணாஸகம் நிட்டி²தம்.