1. பட²மஸிக்கா²பத³வண்ணனா

1181. ச²த்தவக்³க³ஸ்ஸ பட²மஸிக்கா²பதே³ – ஸகிம்பி தா⁴ரேதி ஆபத்தி பாசித்தியஸ்ஸாதி மக்³க³க³மனே ஏகபயோகே³னேவ தி³வஸம்பி தா⁴ரேதி, ஏகாவ ஆபத்தி. ஸசே கத்³த³மாதீ³னி பத்வா உபாஹனா ஓமுஞ்சித்வா ச²த்தமேவ தா⁴ரேந்தீ க³ச்ச²தி, து³க்கடம். அதா²பி க³ச்சா²தீ³னி தி³ஸ்வா ச²த்தம் அபனாமேத்வா உபாஹனாருள்ஹாவ க³ச்ச²தி, து³க்கடமேவ. ஸசே ச²த்தம்பி அபனாமேத்வா உபாஹனாபி ஓமுஞ்சித்வா புன தா⁴ரேதி, புன பாசித்தியம். ஏவம் பயோக³க³ணனாய ஆபத்தியோ வேதி³தப்³பா³. ஸேஸம் உத்தானமேவ. ஏளகலோமஸமுட்டா²னம் – கிரியம், நோஸஞ்ஞாவிமோக்க²ம், அசித்தகம், பண்ணத்திவஜ்ஜம், காயகம்மம், திசித்தம், திவேத³னந்தி.

பட²மஸிக்கா²பத³ம்.