3. ப³லவக்³கோ³

1. விஸாரத³ஸுத்தவண்ணனா

304. த³ஸமே ரூபப³லந்திஆதீ³ஸு ரூபஸம்பத்தி ரூபப³லம், போ⁴க³ஸம்பத்தி போ⁴க³ப³லம், ஞாதிஸம்பத்தி ஞாதிப³லம், புத்தஸம்பத்தி புத்தப³லம், ஸீலஸம்பத்தி ஸீலப³லம். பஞ்சஸீலத³ஸஸீலானி அக²ண்டா³னி கத்வா ரக்க²ந்தஸ்ஸ ஹி ஸீலஸம்பத்தியேவ ஸீலப³லம் நாம ஹோதி. இமானி கோ² பி⁴க்க²வே பஞ்ச ப³லானீதி இமானி பஞ்ச உபத்த²ம்ப⁴னட்டே²ன ப³லானி நாம வுச்சந்தி.

2-10. பஸய்ஹஸுத்தாதி³வண்ணனா

305-313. பஸய்ஹாதி அபி⁴ப⁴வித்வா. அபி⁴பு⁴ய்ய வத்ததீதி அபி⁴ப⁴வதி அஜ்ஜோ²த்த²ரதி. நேவ ரூபப³லம் தாயதீதி நேவ ரூபப³லம் தாயிதும் ரக்கி²தும் ஸக்கோதி. நாஸேந்தேவ நம், குலே ந வாஸேந்தீதி ‘‘து³ஸ்ஸீலா ஸம்பி⁴ன்னாசாரா அதிக்கந்தமரியாதா³’’தி கீ³வாயம் க³ஹேத்வா நீஹரந்தி, ந தஸ்மிம் குலே வாஸேந்தி. வாஸேந்தேவ நம் குலே, ந நாஸேந்தீதி ‘‘கிம் ரூபேன போ⁴கா³தீ³ஹி வா, பரிஸுத்³த⁴ஸீலா ஏஸா ஆசாரஸம்பன்னா’’தி ஞத்வா ஞாதகா தஸ்மிம் குலே வாஸேந்தியேவ, ந நாஸேந்தி. ஸேஸம் ஸப்³ப³த்த² உத்தானத்த²மேவாதி.

மாதுகா³மஸம்யுத்தவண்ணனா நிட்டி²தா.