7. அட்³ட³கரணஸுத்தவண்ணனா

118. ஸத்தமே காமஹேதூதி காமமூலகம். காமனிதா³னந்தி காமபச்சயா. காமாதி⁴கரணந்தி காமகாரணா. ஸப்³பா³னி ஹேதானி அஞ்ஞமஞ்ஞவேவசனானேவ. ப⁴த்³ரமுகோ²தி ஸுந்த³ரமுகோ². ஏகதி³வஸம் கிர ராஜா அட்³ட³கரணே நிஸீதி³. தத்த² பட²மதரம் லஞ்ஜம் க³ஹேத்வா நிஸின்னா அமச்சா அஸ்ஸாமிகேபி ஸாமிகே கரிம்ஸு. ராஜா தம் ஞத்வா – ‘‘மய்ஹம் தாவ பத²விஸ்ஸரஸ்ஸ ஸம்முகா²பேதே ஏவம் கரோந்தி, பரம்முகா² கிம் நாம ந கரிஸ்ஸந்தி? பஞ்ஞாயிஸ்ஸதி தா³னி விடடூபோ⁴ ஸேனாபதி ஸகேன ரஜ்ஜேன, கிம் மய்ஹம் ஏவரூபேஹி லஞ்ஜகா²த³கேஹி முஸாவாதீ³ஹி ஸத்³தி⁴ம் ஏகட்டா²னே நிஸஜ்ஜாயா’’தி சிந்தேஸி. தஸ்மா ஏவமாஹ. கி²ப்பம்வ ஓட்³டி³தந்தி குமினம் விய ஓட்³டி³தம். யதா² மச்சா² ஓட்³டி³தம் குமினம் பவிஸந்தா ந ஜானந்தி, ஏவம் ஸத்தா கிலேஸகாமேன வத்து²காமம் வீதிக்கமந்தா ந ஜானந்தீதி அத்தோ². ஸத்தமம்.