5. மட்ட²குண்ட³லீபேதவத்து²வண்ணனா

அலங்கதோ மட்ட²குண்ட³லீதி இத³ம் ஸத்த²ரி ஜேதவனே விஹரந்தே மட்ட²குண்ட³லிதே³வபுத்தம் ஆரப்³ப⁴ வுத்தம். தத்த² யம் வத்தப்³ப³ம், தம் பரமத்த²தீ³பனியம் விமானவத்து²வண்ணனாயம் மட்ட²குண்ட³லீவிமானவத்து²வண்ணனாய (வி. வ. அட்ட². 1206 மட்ட²குண்ட³லீவிமானவண்ணனா) வுத்தமேவ, தஸ்மா தத்த² வுத்தனயேனேவ வேதி³தப்³ப³ம்.

ஏத்த² ச மட்ட²குண்ட³லீதே³வபுத்தஸ்ஸ விமானதே³வதாபா⁴வதோ தஸ்ஸ வத்து² யதி³பி விமானவத்து²பாளியம் ஸங்க³ஹம் ஆரோபிதம், யஸ்மா பன ஸோ தே³வபுத்தோ அதி³ன்னபுப்³ப³கப்³ராஹ்மணஸ்ஸ புத்தஸோகேன ஸுஸானம் க³ந்த்வா ஆளாஹனம் அனுபரியாயித்வா ரோத³ந்தஸ்ஸ ஸோகஹரணத்த²ம் அத்தனோ தே³வரூபம் படிஸம்ஹரித்வா ஹரிசந்த³னுஸ்ஸதோ³ பா³ஹா பக்³க³ய்ஹ கந்த³ந்தோ து³க்கா²பி⁴பூ⁴தாகாரேன பேதோ விய அத்தானம் த³ஸ்ஸேஸி. மனுஸ்ஸத்தபா⁴வதோ அபேதத்தா பேதபரியாயோபி லப்³ப⁴தி ஏவாதி தஸ்ஸ வத்து² பேதவத்து²பாளியம்பி ஸங்க³ஹம் ஆரோபிதந்தி த³ட்ட²ப்³ப³ம்.

மட்ட²குண்ட³லீபேதவத்து²வண்ணனா நிட்டி²தா.