22. நத்தி²பச்சயனித்³தே³ஸவண்ணனா

22. நத்தி²பச்சயனித்³தே³ஸே ஸமனந்தரனிருத்³தா⁴தி அஞ்ஞேன சித்துப்பாதே³ன அனந்தரிகா ஹுத்வா ஸமனந்தரனிருத்³தா⁴. படுப்பன்னானந்தி பச்சுப்பன்னானம். இமினா நத்தி²பச்சயஸ்ஸ ஓகாஸதா³னட்டே²ன நத்தி²பச்சயபா⁴வம் ஸாதே⁴தி. புரிமேஸு ஹி நிரோத⁴வஸேன பச்சி²மானம் பவத்தனோகாஸம் அதே³ந்தேஸு தேஸம் படுப்பன்னபா⁴வோ ந ஸியாதி அயமேத்த² பாளிவண்ணனா. ஸேஸம் ஸப்³ப³ம் அனந்தரபச்சயே வுத்தனயேனேவ வேதி³தப்³ப³ம். பச்சயலக்க²ணமேவ ஹேத்த² நானம், பச்சயானம் பன பச்சயுப்பன்னானஞ்ச நானாகரணம் நத்தி². கேவலம் பன தத்த² ‘‘சக்கு²விஞ்ஞாணதா⁴து தம்ஸம்பயுத்தகா ச த⁴ம்மா மனோதா⁴துயா’’திஆதி³னா நயேன பச்சயா ச பச்சயுப்பன்னா ச ஸரூபதோ த³ஸ்ஸிதா. இத⁴ பன ‘‘ஸமனந்தரனிருத்³தா⁴ சித்தசேதஸிகா த⁴ம்மா படுப்பன்னானம் சித்தசேதஸிகானம் த⁴ம்மான’’ந்தி ஸப்³பே³பி தே நிரோது⁴ப்பாத³வஸேன ஸாமஞ்ஞதோ த³ஸ்ஸிதாதி.

நத்தி²பச்சயனித்³தே³ஸவண்ணனா.