10. உபக்கிலேஸஸுத்தவண்ணனா

50. த³ஸமே உபக்கிலேஸாதி விரோசிதும் அத³த்வா உபக்கிலிட்ட²பா⁴வகரணேன உபக்கிலேஸா. மஹிகாதி ஹிமம். தூ⁴மோ ரஜோதி தூ⁴மோ ச ரஜோ ச. ராஹூதி புரிமா தயோ அஸம்பத்தஉபக்கிலேஸா, ராஹு பன ஸம்பத்தஉபக்கிலேஸவஸேன கதி²தோதி வேதி³தப்³போ³. ஸமணப்³ராஹ்மணா ந தபந்தி ந பா⁴ஸந்தி ந விரோசந்தீதி கு³ணப்பதாபேன ந தபந்தி, கு³ணோபா⁴ஸேன ந பா⁴ஸந்தி, கு³ணவிரோசனேன ந விரோசந்தி. ஸுராமேரயபானா அப்படிவிரதாதி பஞ்சவிதா⁴ய ஸுராய சதுப்³பி³த⁴ஸ்ஸ மேரயஸ்ஸ ச பானதோ அவிரதா.

அவிஜ்ஜானிவுதாதி அவிஜ்ஜாய நிவாரிதா பிஹிதா. பியரூபாபி⁴னந்தி³னோதி பியரூபம் ஸாதரூபம் அபி⁴னந்த³மானா துஸ்ஸமானா. ஸாதி³யந்தீதி க³ண்ஹந்தி. அவித்³த³ஸூதி அந்த⁴பா³லா. ஸனேத்திகாதி தண்ஹாயோத்தேனேவ ஸயோத்தா. கடஸிந்தி அத்தபா⁴வம். கோ⁴ரந்தி கக்க²ளம். இமஸ்மிம் ஸுத்தேபி கா³தா²ஸுபி வட்டமேவ கதி²தந்தி.

ரோஹிதஸ்ஸவக்³கோ³ பஞ்சமோ.