7-8. ஸஞ்சேதனிகஸுத்தத்³வயவண்ணனா

217-218. ஸத்தமே ஸஞ்சேதனிகானந்தி சேதேத்வா பகப்பேத்வா கதானம். உபசிதானந்தி சிதானம் வட்³டி⁴தானம். அப்படிஸம்வேதி³த்வாதி தேஸம் கம்மானம் விபாகம் அவேதி³யித்வா. ப்³யந்தீபா⁴வந்தி விக³தந்தபா⁴வம் தேஸம் கம்மானம் பரிச்சே²த³பரிவடுமதாகரணம். தஞ்ச கோ² தி³ட்டே²வ த⁴ம்மேதி தஞ்ச கோ² விபாகம் தி³ட்ட²த⁴ம்மவேத³னீயம் தி³ட்டே²வ த⁴ம்மே. உபபஜ்ஜந்தி உபபஜ்ஜவேத³னீயம் அனந்தரே அத்தபா⁴வே. அபரே வா பரியாயேதி அபரபரியாயவேத³னீயம் பன ஸம்ஸாரப்பவத்தே ஸதி ஸஹஸ்ஸிமேபி அத்தபா⁴வேதி. இமினா இத³ம் த³ஸ்ஸேதி ‘‘ஸம்ஸாரப்பவத்தே படிலத்³த⁴விபாகாரஹகம்மே ந விஜ்ஜதி ஸோ ஜக³திப்பதே³ஸோ, யத்த² டி²தோ முச்சேய்ய பாபகம்மா’’தி. திவிதா⁴தி திப்பகாரா. காயகம்மந்தஸந்தோ³ஸப்³யாபத்தீதி காயகம்மந்தஸங்கா²தா விபத்தி. இமினா நயேன ஸப்³ப³பதா³னி வேதி³தப்³பா³னி. அட்ட²மே அபண்ணகோ மணீதி ஸமந்ததோ சதுரஸ்ஸோ பாஸகோ.