2. ரூபதா⁴து

1001. பஞ்சன்னம் க²ந்தா⁴னம் கதி ரூபதா⁴துபரியாபன்னா, கதி ந ரூபதா⁴துபரியாபன்னா …பே… ஸத்தன்னம் சித்தானம் கதி ரூபதா⁴துபரியாபன்னா, கதி ந ரூபதா⁴துபரியாபன்னா?

1002. ரூபக்க²ந்தோ⁴ ந ரூபதா⁴துபரியாபன்னோ; சத்தாரோ க²ந்தா⁴ ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.

த³ஸாயதனா ந ரூபதா⁴துபரியாபன்னா; த்³வே ஆயதனா ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.

ஸோளஸ தா⁴துயோ ந ரூபதா⁴துபரியாபன்னா; த்³வே தா⁴துயோ ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.

தீணி ஸச்சானி ந ரூபதா⁴துபரியாபன்னா; து³க்க²ஸச்சம் ஸியா ரூபதா⁴துபரியாபன்னம், ஸியா ந ரூபதா⁴துபரியாபன்னம்.

தேரஸிந்த்³ரியா ந ரூபதா⁴துபரியாபன்னா; நவிந்த்³ரியா ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.

தயோ அகுஸலஹேதூ ந ரூபதா⁴துபரியாபன்னா; ச² ஹேதூ ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.

கப³ளீகாரோ ஆஹாரோ ந ரூபதா⁴துபரியாபன்னோ; தயோ ஆஹாரா ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.

ச² ப²ஸ்ஸா ந ரூபதா⁴துபரியாபன்னா; மனோவிஞ்ஞாணதா⁴துஸம்ப²ஸ்ஸோ ஸியா ரூபதா⁴துபரியாபன்னோ, ஸியா ந ரூபதா⁴துபரியாபன்னோ.

ச² வேத³னா…பே… ச² ஸஞ்ஞா… ச² சேதனா… ச² சித்தா ந ரூபதா⁴துபரியாபன்னா; மனோவிஞ்ஞாணதா⁴து ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.