3. பரியாபன்னாபரியாபன்னவாரோ

1. காமதா⁴து

999. பஞ்சன்னம் க²ந்தா⁴னம் கதி காமதா⁴துபரியாபன்னா, கதி ந காமதா⁴துபரியாபன்னா…பே… ஸத்தன்னம் சித்தானம் கதி காமதா⁴துபரியாபன்னா, கதி ந காமதா⁴துபரியாபன்னா?

1000. ரூபக்க²ந்தோ⁴ காமதா⁴துபரியாபன்னோ; சத்தாரோ க²ந்தா⁴ ஸியா காமதா⁴துபரியாபன்னா, ஸியா ந காமதா⁴துபரியாபன்னா.

த³ஸாயதனா காமதா⁴துபரியாபன்னா; த்³வே ஆயதனா ஸியா காமதா⁴துபரியாபன்னா, ஸியா ந காமதா⁴துபரியாபன்னா.

ஸோளஸ தா⁴துயோ காமதா⁴துபரியாபன்னா; த்³வே தா⁴துயோ ஸியா காமதா⁴துபரியாபன்னா, ஸியா ந காமதா⁴துபரியாபன்னா.

ஸமுத³யஸச்சம் காமதா⁴துபரியாபன்னம்; த்³வே ஸச்சா ந காமதா⁴துபரியாபன்னா; து³க்க²ஸச்சம் ஸியா காமதா⁴துபரியாபன்னம், ஸியா ந காமதா⁴துபரியாபன்னம்.

த³ஸிந்த்³ரியா காமதா⁴துபரியாபன்னா; தீணிந்த்³ரியா ந காமதா⁴துபரியாபன்னா; நவிந்த்³ரியா ஸியா காமதா⁴துபரியாபன்னா, ஸியா ந காமதா⁴துபரியாபன்னா.

தயோ அகுஸலஹேதூ காமதா⁴துபரியாபன்னா; ச² ஹேதூ ஸியா காமதா⁴துபரியாபன்னா, ஸியா ந காமதா⁴துபரியாபன்னா.

கப³ளீகாரோ ஆஹாரோ காமதா⁴துபரியாபன்னோ; தயோ ஆஹாரா ஸியா காமதா⁴துபரியாபன்னா, ஸியா ந காமதா⁴துபரியாபன்னா.

ச² ப²ஸ்ஸா காமதா⁴துபரியாபன்னா; மனோவிஞ்ஞாணதா⁴துஸம்ப²ஸ்ஸோ ஸியா காமதா⁴து பரியாபன்னோ, ஸியா ந காமதா⁴துபரியாபன்னோ.

ச² வேத³னா…பே… ச² ஸஞ்ஞா… ச² சேதனா… ச² சித்தா காமதா⁴துபரியாபன்னா; மனோவிஞ்ஞாணதா⁴து ஸியா காமதா⁴துபரியாபன்னா, ஸியா ந காமதா⁴துபரியாபன்னா.

2. ரூபதா⁴து

1001. பஞ்சன்னம் க²ந்தா⁴னம் கதி ரூபதா⁴துபரியாபன்னா, கதி ந ரூபதா⁴துபரியாபன்னா …பே… ஸத்தன்னம் சித்தானம் கதி ரூபதா⁴துபரியாபன்னா, கதி ந ரூபதா⁴துபரியாபன்னா?

1002. ரூபக்க²ந்தோ⁴ ந ரூபதா⁴துபரியாபன்னோ; சத்தாரோ க²ந்தா⁴ ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.

த³ஸாயதனா ந ரூபதா⁴துபரியாபன்னா; த்³வே ஆயதனா ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.

ஸோளஸ தா⁴துயோ ந ரூபதா⁴துபரியாபன்னா; த்³வே தா⁴துயோ ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.

தீணி ஸச்சானி ந ரூபதா⁴துபரியாபன்னா; து³க்க²ஸச்சம் ஸியா ரூபதா⁴துபரியாபன்னம், ஸியா ந ரூபதா⁴துபரியாபன்னம்.

தேரஸிந்த்³ரியா ந ரூபதா⁴துபரியாபன்னா; நவிந்த்³ரியா ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.

தயோ அகுஸலஹேதூ ந ரூபதா⁴துபரியாபன்னா; ச² ஹேதூ ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.

கப³ளீகாரோ ஆஹாரோ ந ரூபதா⁴துபரியாபன்னோ; தயோ ஆஹாரா ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.

ச² ப²ஸ்ஸா ந ரூபதா⁴துபரியாபன்னா; மனோவிஞ்ஞாணதா⁴துஸம்ப²ஸ்ஸோ ஸியா ரூபதா⁴துபரியாபன்னோ, ஸியா ந ரூபதா⁴துபரியாபன்னோ.

ச² வேத³னா…பே… ச² ஸஞ்ஞா… ச² சேதனா… ச² சித்தா ந ரூபதா⁴துபரியாபன்னா; மனோவிஞ்ஞாணதா⁴து ஸியா ரூபதா⁴துபரியாபன்னா, ஸியா ந ரூபதா⁴துபரியாபன்னா.

3. அரூபதா⁴து

1003. பஞ்சன்னம் க²ந்தா⁴னம் கதி அரூபதா⁴துபரியாபன்னா, கதி ந அரூபதா⁴துபரியாபன்னா…பே… ஸத்தன்னம் சித்தானம் கதி அரூபதா⁴துபரியாபன்னா, கதி ந அரூபதா⁴துபரியாபன்னா?

1004. ரூபக்க²ந்தோ⁴ ந அரூபதா⁴துபரியாபன்னோ; சத்தாரோ க²ந்தா⁴ ஸியா அரூபதா⁴துபரியாபன்னா, ஸியா ந அரூபதா⁴துபரியாபன்னா.

த³ஸாயதனா ந அரூபதா⁴துபரியாபன்னா; த்³வே ஆயதனா ஸியா அரூபதா⁴துபரியாபன்னா, ஸியா ந அரூபதா⁴துபரியாபன்னா.

ஸோளஸ தா⁴துயோ ந அரூபதா⁴துபரியாபன்னா; த்³வே தா⁴துயோ ஸியா அரூபதா⁴துபரியாபன்னா, ஸியா ந அரூபதா⁴துபரியாபன்னா.

தீணி ஸச்சானி ந அரூபதா⁴துபரியாபன்னானி.

து³க்க²ஸச்சம் ஸியா அரூபதா⁴துபரியாபன்னம், ஸியா ந அரூபதா⁴துபரியாபன்னம்.

சுத்³த³ஸிந்த்³ரியா ந அரூபதா⁴துபரியாபன்னா; அட்டி²ந்த்³ரியா ஸியா அரூபதா⁴துபரியாபன்னா, ஸியா ந அரூபதா⁴துபரியாபன்னா.

தயோ அகுஸலஹேதூ ந அரூபதா⁴துபரியாபன்னா; ச² ஹேதூ ஸியா அரூபதா⁴துபரியாபன்னா, ஸியா ந அரூபதா⁴துபரியாபன்னா.

கப³ளீகாரோ ஆஹாரோ ந அரூபதா⁴துபரியாபன்னோ; தயோ ஆஹாரா ஸியா அரூபதா⁴துபரியாபன்னா, ஸியா ந அரூபதா⁴துபரியாபன்னா.

ச² ப²ஸ்ஸா ந அரூபதா⁴துபரியாபன்னா; மனோவிஞ்ஞாணதா⁴துஸம்ப²ஸ்ஸோ ஸியா அரூபதா⁴துபரியாபன்னோ, ஸியா ந அரூபதா⁴துபரியாபன்னோ.

ச² வேத³னா…பே… ச² ஸஞ்ஞா … ச² சேதனா… ச² சித்தா ந அரூபதா⁴துபரியாபன்னா; மனோவிஞ்ஞாணதா⁴து ஸியா அரூபதா⁴துபரியாபன்னா, ஸியா ந அரூபதா⁴துபரியாபன்னா.

4. பரியாபன்னாபரியாபன்னம்

1005. பஞ்சன்னம் க²ந்தா⁴னம் கதி பரியாபன்னா, கதி அபரியாபன்னா…பே… ஸத்தன்னம் சித்தானம் கதி பரியாபன்னா, கதி அபரியாபன்னா?

1006. ரூபக்க²ந்தோ⁴ பரியாபன்னோ; சத்தாரோ க²ந்தா⁴ ஸியா பரியாபன்னா, ஸியா அபரியாபன்னா.

த³ஸாயதனா பரியாபன்னா; த்³வே ஆயதனா ஸியா பரியாபன்னா, ஸியா அபரியாபன்னா.

ஸோளஸ தா⁴துயோ பரியாபன்னா; த்³வே தா⁴துயோ ஸியா பரியாபன்னா, ஸியா அபரியாபன்னா.

த்³வே ஸச்சா பரியாபன்னா; த்³வே ஸச்சா அபரியாபன்னா.

த³ஸிந்த்³ரியா பரியாபன்னா, தீணிந்த்³ரியா அபரியாபன்னா; நவிந்த்³ரியா ஸியா பரியாபன்னா, ஸியா அபரியாபன்னா.

தயோ அகுஸலஹேதூ பரியாபன்னா; ச² ஹேதூ ஸியா பரியாபன்னா, ஸியா அபரியாபன்னா.

கப³ளீகாரோ ஆஹாரோ பரியாபன்னோ; தயோ ஆஹாரா ஸியா பரியாபன்னா, ஸியா அபரியாபன்னா.

ச² ப²ஸ்ஸா பரியாபன்னா; மனோவிஞ்ஞாணதா⁴துஸம்ப²ஸ்ஸோ ஸியா பரியாபன்னோ, ஸியா அபரியாபன்னோ.

ச² வேத³னா…பே… ச² ஸஞ்ஞா… ச² சேதனா… ச² சித்தா பரியாபன்னா; மனோவிஞ்ஞாணதா⁴து ஸியா பரியாபன்னா, ஸியா அபரியாபன்னா.