நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ

அபி⁴த⁴ம்மபிடகே

விப⁴ங்க³பாளி

1. க²ந்த⁴விப⁴ங்கோ³

1. ஸுத்தந்தபா⁴ஜனீயம்

1. பஞ்சக்க²ந்தா⁴ – ரூபக்க²ந்தோ⁴, வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, விஞ்ஞாணக்க²ந்தோ⁴.

1. ரூபக்க²ந்தோ⁴

2. தத்த² கதமோ ரூபக்க²ந்தோ⁴? யம் கிஞ்சி ரூபம் அதீதானாக³தபச்சுப்பன்னம் அஜ்ஜ²த்தம் வா ப³ஹித்³தா⁴ வா ஓளாரிகம் வா ஸுகு²மம் வா ஹீனம் வா பணீதம் வா யம் தூ³ரே ஸந்திகே வா, ததே³கஜ்ஜ²ம் அபி⁴ஸஞ்ஞூஹித்வா அபி⁴ஸங்கி²பித்வா – அயம் வுச்சதி ரூபக்க²ந்தோ⁴.

3. தத்த² கதமம் ரூபம் அதீதம்? யம் ரூபம் அதீதம் நிருத்³த⁴ம் விக³தம் விபரிணதம் அத்த²ங்க³தம் அப்³ப⁴த்த²ங்க³தம் உப்பஜ்ஜித்வா விக³தம் அதீதம் அதீதம்ஸேன ஸங்க³ஹிதம், சத்தாரோ ச மஹாபூ⁴தா சதுன்னஞ்ச மஹாபூ⁴தானம் உபாதா³யரூபம் – இத³ம் வுச்சதி ரூபம் அதீதம்.

தத்த² கதமம் ரூபம் அனாக³தம்? யம் ரூபம் அஜாதம் அபூ⁴தம் அஸஞ்ஜாதம் அனிப்³ப³த்தம் அனபி⁴னிப்³ப³த்தம் அபாதுபூ⁴தம் அனுப்பன்னம் அஸமுப்பன்னம் அனுட்டி²தம் அஸமுட்டி²தம் அனாக³தம் அனாக³தம்ஸேன ஸங்க³ஹிதம், சத்தாரோ ச மஹாபூ⁴தா சதுன்னஞ்ச மஹாபூ⁴தானம் உபாதா³யரூபம் – இத³ம் வுச்சதி ரூபம் அனாக³தம்.

தத்த² கதமம் ரூபம் பச்சுப்பன்னம்? யம் ரூபம் ஜாதம் பூ⁴தம் ஸஞ்ஜாதம் நிப்³ப³த்தம் அபி⁴னிப்³ப³த்தம் பாதுபூ⁴தம் உப்பன்னம் ஸமுப்பன்னம் உட்டி²தம் ஸமுட்டி²தம் பச்சுப்பன்னம் பச்சுப்பன்னம்ஸேன ஸங்க³ஹிதம், சத்தாரோ ச மஹாபூ⁴தா சதுன்னஞ்ச மஹாபூ⁴தானம் உபாதா³யரூபம் – இத³ம் வுச்சதி ரூபம் பச்சுப்பன்னம்.

4. தத்த² கதமம் ரூபம் அஜ்ஜ²த்தம்? யம் ரூபம் தேஸம் தேஸம் ஸத்தானம் அஜ்ஜ²த்தம் பச்சத்தம் நியகம் பாடிபுக்³க³லிகம் உபாதி³ன்னம், சத்தாரோ ச மஹாபூ⁴தா சதுன்னஞ்ச மஹாபூ⁴தானம் உபாதா³யரூபம் – இத³ம் வுச்சதி ரூபம் அஜ்ஜ²த்தம்.

தத்த² கதமம் ரூபம் ப³ஹித்³தா⁴? யம் ரூபம் தேஸம் தேஸம் பரஸத்தானம் பரபுக்³க³லானம் அஜ்ஜ²த்தம் பச்சத்தம் நியகம் பாடிபுக்³க³லிகம் உபாதி³ன்னம், சத்தாரோ ச மஹாபூ⁴தா சதுன்னஞ்ச மஹாபூ⁴தானம் உபாதா³யரூபம் – இத³ம் வுச்சதி ரூபம் ப³ஹித்³தா⁴.

5. தத்த² கதமம் ரூபம் ஓளாரிகம்? சக்கா²யதனம்…பே… போ²ட்ட²ப்³பா³யதனம் – இத³ம் வுச்சதி ரூபம் ஓளாரிகம்.

தத்த² கதமம் ரூபம் ஸுகு²மம்? இத்தி²ந்த்³ரியம்…பே… கப³ளீகாரோ [கப³ளிம்காரோ (ஸீ. ஸ்யா.)] ஆஹாரோ – இத³ம் வுச்சதி ரூபம் ஸுகு²மம்.

6. தத்த² கதமம் ரூபம் ஹீனம்? யம் ரூபம் தேஸம் தேஸம் ஸத்தானம் உஞ்ஞாதம் அவஞ்ஞாதம் ஹீளிதம் பரிபூ⁴தம் அசித்தீகதம் ஹீனம் ஹீனமதம் ஹீனஸம்மதம் அனிட்ட²ம் அகந்தம் அமனாபம், ரூபா ஸத்³தா³ க³ந்தா⁴ ரஸா போ²ட்ட²ப்³பா³ – இத³ம் வுச்சதி ரூபம் ஹீனம்.

தத்த² கதமம் ரூபம் பணீதம்? யம் ரூபம் தேஸம் தேஸம் ஸத்தானம் அனுஞ்ஞாதம் அனவஞ்ஞாதம் அஹீளிதம் அபரிபூ⁴தம் சித்தீகதம் பணீதம் பணீதமதம் பணீதஸம்மதம் இட்ட²ம் கந்தம் மனாபம், ரூபா ஸத்³தா³ க³ந்தா⁴ ரஸா போ²ட்ட²ப்³பா³ – இத³ம் வுச்சதி ரூபம் பணீதம். தம் தம் வா பன ரூபம் உபாதா³யுபாதா³ய ரூபம் ஹீனம் பணீதம் த³ட்ட²ப்³ப³ம்.

7. தத்த² கதமம் ரூபம் தூ³ரே? இத்தி²ந்த்³ரியம்…பே… கப³ளீகாரோ ஆஹாரோ, யம் வா பனஞ்ஞம்பி அத்தி² ரூபம் அனாஸன்னே அனுபகட்டே² தூ³ரே அஸந்திகே – இத³ம் வுச்சதி ரூபம் தூ³ரே.

தத்த² கதமம் ரூபம் ஸந்திகே? சக்கா²யதனம்…பே… போ²ட்ட²ப்³பா³யதனம், யம் வா பனஞ்ஞம்பி அத்தி² ரூபம் ஆஸன்னே உபகட்டே² அவிதூ³ரே ஸந்திகே – இத³ம் வுச்சதி ரூபம் ஸந்திகே. தம் தம் வா பன ரூபம் உபாதா³யுபாதா³ய ரூபம் தூ³ரே ஸந்திகே த³ட்ட²ப்³ப³ம்.

2. வேத³னாக்க²ந்தோ⁴

8. தத்த² கதமோ வேத³னாக்க²ந்தோ⁴? யா காசி வேத³னா அதீதானாக³தபச்சுப்பன்னா அஜ்ஜ²த்தா வா ப³ஹித்³தா⁴ வா ஓளாரிகா வா ஸுகு²மா வா ஹீனா வா பணீதா வா யா தூ³ரே ஸந்திகே வா, ததே³கஜ்ஜ²ம் அபி⁴ஸஞ்ஞூஹித்வா அபி⁴ஸங்கி²பித்வா – அயம் வுச்சதி வேத³னாக்க²ந்தோ⁴.

9. தத்த² கதமா வேத³னா அதீதா? யா வேத³னா அதீதா நிருத்³தா⁴ விக³தா விபரிணதா அத்த²ங்க³தா அப்³ப⁴த்த²ங்க³தா உப்பஜ்ஜித்வா விக³தா அதீதா அதீதம்ஸேன ஸங்க³ஹிதா, ஸுகா² வேத³னா து³க்கா² வேத³னா அது³க்க²மஸுகா² வேத³னா – அயம் வுச்சதி வேத³னா அதீதா.

தத்த² கதமா வேத³னா அனாக³தா? யா வேத³னா அஜாதா அபூ⁴தா அஸஞ்ஜாதா அனிப்³ப³த்தா அனபி⁴னிப்³ப³த்தா அபாதுபூ⁴தா அனுப்பன்னா அஸமுப்பன்னா அனுட்டி²தா அஸமுட்டி²தா அனாக³தா அனாக³தம்ஸேன ஸங்க³ஹிதா, ஸுகா² வேத³னா து³க்கா² வேத³னா அது³க்க²மஸுகா² வேத³னா – அயம் வுச்சதி வேத³னா அனாக³தா.

தத்த² கதமா வேத³னா பச்சுப்பன்னா? யா வேத³னா ஜாதா பூ⁴தா ஸஞ்ஜாதா நிப்³ப³த்தா அபி⁴னிப்³ப³த்தா பாதுபூ⁴தா உப்பன்னா ஸமுப்பன்னா உட்டி²தா ஸமுட்டி²தா பச்சுப்பன்னா பச்சுப்பன்னம்ஸேன ஸங்க³ஹிதா, ஸுகா² வேத³னா து³க்கா² வேத³னா அது³க்க²மஸுகா² வேத³னா – அயம் வுச்சதி வேத³னா பச்சுப்பன்னா.

10. தத்த² கதமா வேத³னா அஜ்ஜ²த்தா? யா வேத³னா தேஸம் தேஸம் ஸத்தானம் அஜ்ஜ²த்தம் பச்சத்தம் நியகா பாடிபுக்³க³லிகா உபாதி³ன்னா, ஸுகா² வேத³னா து³க்கா² வேத³னா அது³க்க²மஸுகா² வேத³னா – அயம் வுச்சதி வேத³னா அஜ்ஜ²த்தா.

தத்த² கதமா வேத³னா ப³ஹித்³தா⁴? யா வேத³னா தேஸம் தேஸம் பரஸத்தானம் பரபுக்³க³லானம் அஜ்ஜ²த்தம் பச்சத்தம் நியகா பாடிபுக்³க³லிகா உபாதி³ன்னா, ஸுகா² வேத³னா து³க்கா² வேத³னா அது³க்க²மஸுகா² வேத³னா – அயம் வுச்சதி வேத³னா ப³ஹித்³தா⁴.

11. தத்த² கதமா வேத³னா ஓளாரிகா ஸுகு²மா? அகுஸலா வேத³னா ஓளாரிகா, குஸலாப்³யாகதா வேத³னா ஸுகு²மா. குஸலாகுஸலா வேத³னா ஓளாரிகா, அப்³யாகதா வேத³னா ஸுகு²மா. து³க்கா² வேத³னா ஓளாரிகா, ஸுகா² ச அது³க்க²மஸுகா² ச வேத³னா ஸுகு²மா. ஸுக²து³க்கா² வேத³னா ஓளாரிகா, அது³க்க²மஸுகா² வேத³னா ஸுகு²மா. அஸமாபன்னஸ்ஸ வேத³னா ஓளாரிகா, ஸமாபன்னஸ்ஸ வேத³னா ஸுகு²மா. ஸாஸவா வேத³னா ஓளாரிகா, அனாஸவா வேத³னா ஸுகு²மா. தம் தம் வா பன வேத³னம் உபாதா³யுபாதா³ய வேத³னா ஓளாரிகா ஸுகு²மா த³ட்ட²ப்³பா³.

12. தத்த² கதமா வேத³னா ஹீனா பணீதா? அகுஸலா வேத³னா ஹீனா, குஸலாப்³யாகதா வேத³னா பணீதா. குஸலாகுஸலா வேத³னா ஹீனா, அப்³யாகதா வேத³னா பணீதா. து³க்கா² வேத³னா ஹீனா, ஸுகா² ச அது³க்க²மஸுகா² ச வேத³னா பணீதா. ஸுக²து³க்கா² வேத³னா ஹீனா, அது³க்க²மஸுகா² வேத³னா பணீதா. அஸமாபன்னஸ்ஸ வேத³னா ஹீனா, ஸமாபன்னஸ்ஸ வேத³னா பணீதா. ஸாஸவா வேத³னா ஹீனா, அனாஸவா வேத³னா பணீதா. தம் தம் வா பன வேத³னம் உபாதா³யுபாதா³ய வேத³னா ஹீனா பணீதா த³ட்ட²ப்³பா³.

13. தத்த² கதமா வேத³னா தூ³ரே? அகுஸலா வேத³னா குஸலாப்³யாகதாஹி வேத³னாஹி தூ³ரே; குஸலாப்³யாகதா வேத³னா அகுஸலாய வேத³னாய தூ³ரே; குஸலா வேத³னா அகுஸலாப்³யாகதாஹி வேத³னாஹி தூ³ரே; அகுஸலாப்³யாகதா வேத³னா குஸலாய வேத³னாய தூ³ரே; அப்³யாகதா வேத³னா குஸலாகுஸலாஹி வேத³னாஹி தூ³ரே; குஸலாகுஸலா வேத³னா அப்³யாகதாய வேத³னாய தூ³ரே. து³க்கா² வேத³னா ஸுகா²ய ச அது³க்க²மஸுகா²ய ச வேத³னாஹி தூ³ரே; ஸுகா² ச அது³க்க²மஸுகா² ச வேத³னா து³க்கா²ய வேத³னாய தூ³ரே; ஸுகா² வேத³னா து³க்கா²ய ச அது³க்க²மஸுகா²ய ச வேத³னாஹி தூ³ரே; து³க்கா² ச அது³க்க²மஸுகா² ச வேத³னா ஸுகா²ய வேத³னாய தூ³ரே; அது³க்க²மஸுகா² வேத³னா ஸுக²து³க்கா²ஹி வேத³னாஹி தூ³ரே; ஸுக²து³க்கா² வேத³னா அது³க்க²மஸுகா²ய வேத³னாய தூ³ரே. அஸமாபன்னஸ்ஸ வேத³னா ஸமாபன்னஸ்ஸ வேத³னாய தூ³ரே; ஸமாபன்னஸ்ஸ வேத³னா அஸமாபன்னஸ்ஸ வேத³னாய தூ³ரே. ஸாஸவா வேத³னா அனாஸவாய வேத³னாய தூ³ரே; அனாஸவா வேத³னா ஸாஸவாய வேத³னாய தூ³ரே – அயம் வுச்சதி வேத³னா தூ³ரே.

தத்த² கதமா வேத³னா ஸந்திகே? அகுஸலா வேத³னா அகுஸலாய வேத³னாய ஸந்திகே; குஸலா வேத³னா குஸலாய வேத³னாய ஸந்திகே; அப்³யாகதா வேத³னா அப்³யாகதாய வேத³னாய ஸந்திகே. து³க்கா² வேத³னா து³க்கா²ய வேத³னாய ஸந்திகே; ஸுகா² வேத³னா ஸுகா²ய வேத³னாய ஸந்திகே; அது³க்க²மஸுகா² வேத³னா அது³க்க²மஸுகா²ய வேத³னாய ஸந்திகே. அஸமாபன்னஸ்ஸ வேத³னா அஸமாபன்னஸ்ஸ வேத³னாய ஸந்திகே; ஸமாபன்னஸ்ஸ வேத³னா ஸமாபன்னஸ்ஸ வேத³னாய ஸந்திகே. ஸாஸவா வேத³னா ஸாஸவாய வேத³னாய ஸந்திகே; அனாஸவா வேத³னா அனாஸவாய வேத³னாய ஸந்திகே. அயம் வுச்சதி வேத³னா ஸந்திகே. தம் தம் வா பன வேத³னம் உபாதா³யுபாதா³ய வேத³னா தூ³ரே ஸந்திகே த³ட்ட²ப்³பா³.

3. ஸஞ்ஞாக்க²ந்தோ⁴

14. தத்த² கதமோ ஸஞ்ஞாக்க²ந்தோ⁴? யா காசி ஸஞ்ஞா அதீதானாக³தபச்சுப்பன்னா அஜ்ஜ²த்தா வா ப³ஹித்³தா⁴ வா ஓளாரிகா வா ஸுகு²மா வா ஹீனா வா பணீதா வா யா தூ³ரே ஸந்திகே வா ததே³கஜ்ஜ²ம் அபி⁴ஸஞ்ஞூஹித்வா அபி⁴ஸங்கி²பித்வா – அயம் வுச்சதி ஸஞ்ஞாக்க²ந்தோ⁴.

15. தத்த² கதமா ஸஞ்ஞா அதீதா? யா ஸஞ்ஞா அதீதா நிருத்³தா⁴ விக³தா விபரிணதா அத்த²ங்க³தா அப்³ப⁴த்த²ங்க³தா உப்பஜ்ஜித்வா விக³தா அதீதா அதீதம்ஸேன ஸங்க³ஹிதா, சக்கு²ஸம்ப²ஸ்ஸஜா ஸஞ்ஞா ஸோதஸம்ப²ஸ்ஸஜா ஸஞ்ஞா கா⁴னஸம்ப²ஸ்ஸஜா ஸஞ்ஞா ஜிவ்ஹாஸம்ப²ஸ்ஸஜா ஸஞ்ஞா காயஸம்ப²ஸ்ஸஜா ஸஞ்ஞா மனோஸம்ப²ஸ்ஸஜா ஸஞ்ஞா – அயம் வுச்சதி ஸஞ்ஞா அதீதா.

தத்த² கதமா ஸஞ்ஞா அனாக³தா? யா ஸஞ்ஞா அஜாதா அபூ⁴தா அஸஞ்ஜாதா அனிப்³ப³த்தா அனபி⁴னிப்³ப³த்தா அபாதுபூ⁴தா அனுப்பன்னா அஸமுப்பன்னா அனுட்டி²தா அஸமுட்டி²தா அனாக³தா அனாக³தம்ஸேன ஸங்க³ஹிதா, சக்கு²ஸம்ப²ஸ்ஸஜா ஸஞ்ஞா ஸோதஸம்ப²ஸ்ஸஜா ஸஞ்ஞா கா⁴னஸம்ப²ஸ்ஸஜா ஸஞ்ஞா ஜிவ்ஹாஸம்ப²ஸ்ஸஜா ஸஞ்ஞா காயஸம்ப²ஸ்ஸஜா ஸஞ்ஞா மனோஸம்ப²ஸ்ஸஜா ஸஞ்ஞா – அயம் வுச்சதி ஸஞ்ஞா அனாக³தா.

தத்த² கதமா ஸஞ்ஞா பச்சுப்பன்னா? யா ஸஞ்ஞா ஜாதா பூ⁴தா ஸஞ்ஜாதா நிப்³ப³த்தா அபி⁴னிப்³ப³த்தா பாதுபூ⁴தா உப்பன்னா ஸமுப்பன்னா உட்டி²தா ஸமுட்டி²தா பச்சுப்பன்னா பச்சுப்பன்னம்ஸேன ஸங்க³ஹிதா, சக்கு²ஸம்ப²ஸ்ஸஜா ஸஞ்ஞா ஸோதஸம்ப²ஸ்ஸஜா ஸஞ்ஞா கா⁴னஸம்ப²ஸ்ஸஜா ஸஞ்ஞா ஜிவ்ஹாஸம்ப²ஸ்ஸஜா ஸஞ்ஞா காயஸம்ப²ஸ்ஸஜா ஸஞ்ஞா மனோஸம்ப²ஸ்ஸஜா ஸஞ்ஞா – அயம் வுச்சதி ஸஞ்ஞா பச்சுப்பன்னா.

16. தத்த² கதமா ஸஞ்ஞா அஜ்ஜ²த்தா? யா ஸஞ்ஞா தேஸம் தேஸம் ஸத்தானம் அஜ்ஜ²த்தம் பச்சத்தம் நியகா பாடிபுக்³க³லிகா உபாதி³ன்னா, சக்கு²ஸம்ப²ஸ்ஸஜா ஸஞ்ஞா ஸோதஸம்ப²ஸ்ஸஜா ஸஞ்ஞா கா⁴னஸம்ப²ஸ்ஸஜா ஸஞ்ஞா ஜிவ்ஹாஸம்ப²ஸ்ஸஜா ஸஞ்ஞா காயஸம்ப²ஸ்ஸஜா ஸஞ்ஞா மனோஸம்ப²ஸ்ஸஜா ஸஞ்ஞா – அயம் வுச்சதி ஸஞ்ஞா அஜ்ஜ²த்தா.

தத்த² கதமா ஸஞ்ஞா ப³ஹித்³தா⁴? யா ஸஞ்ஞா தேஸம் தேஸம் பரஸத்தானம் பரபுக்³க³லானம் அஜ்ஜ²த்தம் பச்சத்தம் நியகா பாடிபுக்³க³லிகா உபாதி³ன்னா, சக்கு²ஸம்ப²ஸ்ஸஜா ஸஞ்ஞா ஸோதஸம்ப²ஸ்ஸஜா ஸஞ்ஞா கா⁴னஸம்ப²ஸ்ஸஜா ஸஞ்ஞா ஜிவ்ஹாஸம்ப²ஸ்ஸஜா ஸஞ்ஞா காயஸம்ப²ஸ்ஸஜா ஸஞ்ஞா மனோஸம்ப²ஸ்ஸஜா ஸஞ்ஞா – அயம் வுச்சதி ஸஞ்ஞா ப³ஹித்³தா⁴.

17. தத்த² கதமா ஸஞ்ஞா ஓளாரிகா ஸுகு²மா? படிக⁴ஸம்ப²ஸ்ஸஜா ஸஞ்ஞா ஓளாரிகா, அதி⁴வசனஸம்ப²ஸ்ஸஜா ஸஞ்ஞா ஸுகு²மா. அகுஸலா ஸஞ்ஞா ஓளாரிகா, குஸலாப்³யாகதா ஸஞ்ஞா ஸுகு²மா. குஸலாகுஸலா ஸஞ்ஞா ஓளாரிகா, அப்³யாகதா ஸஞ்ஞா ஸுகு²மா. து³க்கா²ய வேத³னாய ஸம்பயுத்தா ஸஞ்ஞா ஓளாரிகா, ஸுகா²ய ச அது³க்க²மஸுகா²ய ச வேத³னாஹி ஸம்பயுத்தா ஸஞ்ஞா ஸுகு²மா. ஸுக²து³க்கா²ஹி வேத³னாஹி ஸம்பயுத்தா ஸஞ்ஞா ஓளாரிகா, அது³க்க²மஸுகா²ய வேத³னாய ஸம்பயுத்தா ஸஞ்ஞா ஸுகு²மா. அஸமாபன்னஸ்ஸ ஸஞ்ஞா ஓளாரிகா, ஸமாபன்னஸ்ஸ ஸஞ்ஞா ஸுகு²மா. ஸாஸவா ஸஞ்ஞா ஓளாரிகா, அனாஸவா ஸஞ்ஞா ஸுகு²மா. தம் தம் வா பன ஸஞ்ஞம் உபாதா³யுபாதா³ய ஸஞ்ஞா ஓளாரிகா ஸுகு²மா த³ட்ட²ப்³பா³.

18. தத்த² கதமா ஸஞ்ஞா ஹீனா பணீதா? அகுஸலா ஸஞ்ஞா ஹீனா, குஸலாப்³யாகதா ஸஞ்ஞா பணீதா. குஸலாகுஸலா ஸஞ்ஞா ஹீனா, அப்³யாகதா ஸஞ்ஞா பணீதா. து³க்கா²ய வேத³னாய ஸம்பயுத்தா ஸஞ்ஞா ஹீனா, ஸுகா²ய ச அது³க்க²மஸுகா²ய ச வேத³னாஹி ஸம்பயுத்தா ஸஞ்ஞா பணீதா. ஸுக²து³க்கா²ஹி வேத³னாஹி ஸம்பயுத்தா ஸஞ்ஞா ஹீனா, அது³க்க²மஸுகா²ய வேத³னாய ஸம்பயுத்தா ஸஞ்ஞா பணீதா. அஸமாபன்னஸ்ஸ ஸஞ்ஞா ஹீனா, ஸமாபன்னஸ்ஸ ஸஞ்ஞா பணீதா. ஸாஸவா ஸஞ்ஞா ஹீனா, அனாஸவா ஸஞ்ஞா பணீதா. தம் தம் வா பன ஸஞ்ஞம் உபாதா³யுபாதா³ய ஸஞ்ஞா ஹீனா பணீதா த³ட்ட²ப்³பா³.

19. தத்த² கதமா ஸஞ்ஞா தூ³ரே? அகுஸலா ஸஞ்ஞா குஸலாப்³யாகதாஹி ஸஞ்ஞாஹி தூ³ரே; குஸலாப்³யாகதா ஸஞ்ஞா அகுஸலாய ஸஞ்ஞாய தூ³ரே; குஸலா ஸஞ்ஞா அகுஸலாப்³யாகதாஹி ஸஞ்ஞாஹி தூ³ரே; அகுஸலாப்³யாகதா ஸஞ்ஞா குஸலாய ஸஞ்ஞாய தூ³ரே. அப்³யாகதா ஸஞ்ஞா குஸலாகுஸலாஹி ஸஞ்ஞாஹி தூ³ரே; குஸலாகுஸலா ஸஞ்ஞா அப்³யாகதாய ஸஞ்ஞாய தூ³ரே. து³க்கா²ய வேத³னாய ஸம்பயுத்தா ஸஞ்ஞா ஸுகா²ய ச அது³க்க²மஸுகா²ய ச வேத³னாஹி ஸம்பயுத்தாஹி ஸஞ்ஞாஹி தூ³ரே; ஸுகா²ய ச அது³க்க²மஸுகா²ய ச வேத³னாஹி ஸம்பயுத்தா ஸஞ்ஞா து³க்கா²ய வேத³னாய ஸம்பயுத்தாய ஸஞ்ஞாய தூ³ரே; ஸுகா²ய வேத³னாய ஸம்பயுத்தா ஸஞ்ஞா து³க்கா²ய ச அது³க்க²மஸுகா²ய ச வேத³னாஹி ஸம்பயுத்தாஹி ஸஞ்ஞாஹி தூ³ரே; து³க்கா²ய ச அது³க்க²மஸுகா²ய ச வேத³னாஹி ஸம்பயுத்தா ஸஞ்ஞா ஸுகா²ய வேத³னாய ஸம்பயுத்தாய ஸஞ்ஞாய தூ³ரே; அது³க்க²மஸுகா²ய வேத³னாய ஸம்பயுத்தா ஸஞ்ஞா ஸுக²து³க்கா²ஹி வேத³னாஹி ஸம்பயுத்தாஹி ஸஞ்ஞாஹி தூ³ரே; ஸுக²து³க்கா²ஹி வேத³னாஹி ஸம்பயுத்தா ஸஞ்ஞா அது³க்க²மஸுகா²ய வேத³னாய ஸம்பயுத்தாய ஸஞ்ஞாய தூ³ரே. அஸமாபன்னஸ்ஸ ஸஞ்ஞா ஸமாபன்னஸ்ஸ ஸஞ்ஞாய தூ³ரே; ஸமாபன்னஸ்ஸ ஸஞ்ஞா அஸமாபன்னஸ்ஸ ஸஞ்ஞாய தூ³ரே. ஸாஸவா ஸஞ்ஞா அனாஸவாய ஸஞ்ஞாய தூ³ரே; அனாஸவா ஸஞ்ஞா ஸாஸவாய ஸஞ்ஞாய தூ³ரே – அயம் வுச்சதி ஸஞ்ஞா தூ³ரே.

தத்த² கதமா ஸஞ்ஞா ஸந்திகே? அகுஸலா ஸஞ்ஞா அகுஸலாய ஸஞ்ஞாய ஸந்திகே; குஸலா ஸஞ்ஞா குஸலாய ஸஞ்ஞாய ஸந்திகே; அப்³யாகதா ஸஞ்ஞா அப்³யாகதாய ஸஞ்ஞாய ஸந்திகே. து³க்கா²ய வேத³னாய ஸம்பயுத்தா ஸஞ்ஞா து³க்கா²ய வேத³னாய ஸம்பயுத்தாய ஸஞ்ஞாய ஸந்திகே; ஸுகா²ய வேத³னாய ஸம்பயுத்தா ஸஞ்ஞா ஸுகா²ய வேத³னாய ஸம்பயுத்தாய ஸஞ்ஞாய ஸந்திகே; அது³க்க²மஸுகா²ய வேத³னாய ஸம்பயுத்தா ஸஞ்ஞா அது³க்க²மஸுகா²ய வேத³னாய ஸம்பயுத்தாய ஸஞ்ஞாய ஸந்திகே. அஸமாபன்னஸ்ஸ ஸஞ்ஞா அஸமாபன்னஸ்ஸ ஸஞ்ஞாய ஸந்திகே; ஸமாபன்னஸ்ஸ ஸஞ்ஞா ஸமாபன்னஸ்ஸ ஸஞ்ஞாய ஸந்திகே. ஸாஸவா ஸஞ்ஞா ஸாஸவாய ஸஞ்ஞாய ஸந்திகே; அனாஸவா ஸஞ்ஞா அனாஸவாய ஸஞ்ஞாய ஸந்திகே. அயம் வுச்சதி ஸஞ்ஞா ஸந்திகே. தம் தம் வா பன ஸஞ்ஞம் உபாதா³யுபாதா³ய ஸஞ்ஞா தூ³ரே ஸந்திகே த³ட்ட²ப்³பா³.

4. ஸங்கா²ரக்க²ந்தோ⁴

20. தத்த² கதமோ ஸங்கா²ரக்க²ந்தோ⁴? யே கேசி ஸங்கா²ரா அதீதானாக³தபச்சுப்பன்னா அஜ்ஜ²த்தா வா ப³ஹித்³தா⁴ வா ஓளாரிகா வா ஸுகு²மா வா ஹீனா வா பணீதா வா யே தூ³ரே ஸந்திகே வா, ததே³கஜ்ஜ²ம் அபி⁴ஸஞ்ஞூஹித்வா அபி⁴ஸங்கி²பித்வா – அயம் வுச்சதி ஸங்கா²ரக்க²ந்தோ⁴.

21. தத்த² கதமே ஸங்கா²ரா அதீதா? யே ஸங்கா²ரா அதீதா நிருத்³தா⁴ விக³தா விபரிணதா அத்த²ங்க³தா அப்³ப⁴த்த²ங்க³தா உப்பஜ்ஜித்வா விக³தா அதீதா அதீதம்ஸேன ஸங்க³ஹிதா, சக்கு²ஸம்ப²ஸ்ஸஜா சேதனா ஸோதஸம்ப²ஸ்ஸஜா சேதனா கா⁴னஸம்ப²ஸ்ஸஜா சேதனா ஜிவ்ஹாஸம்ப²ஸ்ஸஜா சேதனா காயஸம்ப²ஸ்ஸஜா சேதனா மனோஸம்ப²ஸ்ஸஜா சேதனா – இமே வுச்சந்தி ஸங்கா²ரா அதீதா.

தத்த² கதமே ஸங்கா²ரா அனாக³தா? யே ஸங்கா²ரா அஜாதா அபூ⁴தா அஸஞ்ஜாதா அனிப்³ப³த்தா அனபி⁴னிப்³ப³த்தா அபாதுபூ⁴தா அனுப்பன்னா அஸமுப்பன்னா அனுட்டி²தா அஸமுட்டி²தா அனாக³தா அனாக³தம்ஸேன ஸங்க³ஹிதா, சக்கு²ஸம்ப²ஸ்ஸஜா சேதனா ஸோதஸம்ப²ஸ்ஸஜா சேதனா கா⁴னஸம்ப²ஸ்ஸஜா சேதனா ஜிவ்ஹாஸம்ப²ஸ்ஸஜா சேதனா காயஸம்ப²ஸ்ஸஜா சேதனா மனோஸம்ப²ஸ்ஸஜா சேதனா – இமே வுச்சந்தி ஸங்கா²ரா அனாக³தா.

தத்த² கதமே ஸங்கா²ரா பச்சுப்பன்னா? யே ஸங்கா²ரா ஜாதா பூ⁴தா ஸஞ்ஜாதா நிப்³ப³த்தா அபி⁴னிப்³ப³த்தா பாதுபூ⁴தா உப்பன்னா ஸமுப்பன்னா உட்டி²தா ஸமுட்டி²தா பச்சுப்பன்னா பச்சுப்பன்னம்ஸேன ஸங்க³ஹிதா, சக்கு²ஸம்ப²ஸ்ஸஜா சேதனா ஸோதஸம்ப²ஸ்ஸஜா சேதனா கா⁴னஸம்ப²ஸ்ஸஜா சேதனா ஜிவ்ஹாஸம்ப²ஸ்ஸஜா சேதனா காயஸம்ப²ஸ்ஸஜா சேதனா மனோஸம்ப²ஸ்ஸஜா சேதனா – இமே வுச்சந்தி ஸங்கா²ரா பச்சுப்பன்னா.

22. தத்த² கதமே ஸங்கா²ரா அஜ்ஜ²த்தா? யே ஸங்கா²ரா தேஸம் தேஸம் ஸத்தானம் அஜ்ஜ²த்தம் பச்சத்தம் நியகா பாடிபுக்³க³லிகா உபாதி³ன்னா, சக்கு²ஸம்ப²ஸ்ஸஜா சேதனா ஸோதஸம்ப²ஸ்ஸஜா சேதனா கா⁴னஸம்ப²ஸ்ஸஜா சேதனா ஜிவ்ஹாஸம்ப²ஸ்ஸஜா சேதனா காயஸம்ப²ஸ்ஸஜா சேதனா மனோஸம்ப²ஸ்ஸஜா சேதனா – இமே வுச்சந்தி ஸங்கா²ரா அஜ்ஜ²த்தா.

தத்த² கதமே ஸங்கா²ரா ப³ஹித்³தா⁴? யே ஸங்கா²ரா தேஸம் தேஸம் பரஸத்தானம் பரபுக்³க³லானம் அஜ்ஜ²த்தம் பச்சத்தம் நியகா பாடிபுக்³க³லிகா உபாதி³ன்னா, சக்கு²ஸம்ப²ஸ்ஸஜா சேதனா ஸோதஸம்ப²ஸ்ஸஜா சேதனா கா⁴னஸம்ப²ஸ்ஸஜா சேதனா ஜிவ்ஹாஸம்ப²ஸ்ஸஜா சேதனா காயஸம்ப²ஸ்ஸஜா சேதனா மனோஸம்ப²ஸ்ஸஜா சேதனா – இமே வுச்சந்தி ஸங்கா²ரா ப³ஹித்³தா⁴.

23. தத்த² கதமே ஸங்கா²ரா ஓளாரிகா ஸுகு²மா? அகுஸலா ஸங்கா²ரா ஓளாரிகா, குஸலாப்³யாகதா ஸங்கா²ரா ஸுகு²மா. குஸலாகுஸலா ஸங்கா²ரா ஓளாரிகா, அப்³யாகதா ஸங்கா²ரா ஸுகு²மா. து³க்கா²ய வேத³னாய ஸம்பயுத்தா ஸங்கா²ரா ஓளாரிகா, ஸுகா²ய ச அது³க்க²மஸுகா²ய ச வேத³னாஹி ஸம்பயுத்தா ஸங்கா²ரா ஸுகு²மா. ஸுக²து³க்கா²ஹி வேத³னாஹி ஸம்பயுத்தா ஸங்கா²ரா ஓளாரிகா, அது³க்க²மஸுகா²ய வேத³னாய ஸம்பயுத்தா ஸங்கா²ரா ஸுகு²மா. அஸமாபன்னஸ்ஸ ஸங்கா²ரா ஓளாரிகா, ஸமாபன்னஸ்ஸ ஸங்கா²ரா ஸுகு²மா. ஸாஸவா ஸங்கா²ரா ஓளாரிகா, அனாஸவா ஸங்கா²ரா ஸுகு²மா. தே தே வா பன ஸங்கா²ரே உபாதா³யுபாதா³ய ஸங்கா²ரா ஓளாரிகா ஸுகு²மா த³ட்ட²ப்³பா³.

24. தத்த² கதமே ஸங்கா²ரா ஹீனா பணீதா? அகுஸலா ஸங்கா²ரா ஹீனா, குஸலாப்³யாகதா ஸங்கா²ரா பணீதா. குஸலாகுஸலா ஸங்கா²ரா ஹீனா, அப்³யாகதா ஸங்கா²ரா பணீதா. து³க்கா²ய வேத³னாய ஸம்பயுத்தா ஸங்கா²ரா ஹீனா, ஸுகா²ய ச அது³க்க²மஸுகா²ய ச வேத³னாஹி ஸம்பயுத்தா ஸங்கா²ரா பணீதா. ஸுக²து³க்கா²ஹி வேத³னாஹி ஸம்பயுத்தா ஸங்கா²ரா ஹீனா, அது³க்க²மஸுகா²ய வேத³னாய ஸம்பயுத்தா ஸங்கா²ரா பணீதா. அஸமாபன்னஸ்ஸ ஸங்கா²ரா ஹீனா, ஸமாபன்னஸ்ஸ ஸங்கா²ரா பணீதா. ஸாஸவா ஸங்கா²ரா ஹீனா, அனாஸவா ஸங்கா²ரா பணீதா. தே தே வா பன ஸங்கா²ரே உபாதா³யுபாதா³ய ஸங்கா²ரா ஹீனா பணீதா த³ட்ட²ப்³பா³.

25. தத்த² கதமே ஸங்கா²ரா தூ³ரே? அகுஸலா ஸங்கா²ரா குஸலாப்³யாகதேஹி ஸங்கா²ரேஹி தூ³ரே; குஸலாப்³யாகதா ஸங்கா²ரா அகுஸலேஹி ஸங்கா²ரேஹி தூ³ரே; குஸலா ஸங்கா²ரா அகுஸலாப்³யாகதேஹி ஸங்கா²ரேஹி தூ³ரே; அகுஸலாப்³யாகதா ஸங்கா²ரா குஸலேஹி ஸங்கா²ரேஹி தூ³ரே; அப்³யாகதா ஸங்கா²ரா குஸலாகுஸலேஹி ஸங்கா²ரேஹி தூ³ரே; குஸலாகுஸலா ஸங்கா²ரா அப்³யாகதேஹி ஸங்கா²ரேஹி தூ³ரே. து³க்கா²ய வேத³னாய ஸம்பயுத்தா ஸங்கா²ரா ஸுகா²ய ச அது³க்க²மஸுகா²ய ச வேத³னாஹி ஸம்பயுத்தேஹி ஸங்கா²ரேஹி தூ³ரே; ஸுகா²ய ச அது³க்க²மஸுகா²ய ச வேத³னாஹி ஸம்பயுத்தா ஸங்கா²ரா து³க்கா²ய வேத³னாய ஸம்பயுத்தேஹி ஸங்கா²ரேஹி தூ³ரே; ஸுகா²ய வேத³னாய ஸம்பயுத்தா ஸங்கா²ரா து³க்கா²ய ச அது³க்க²மஸுகா²ய ச வேத³னாஹி ஸம்பயுத்தேஹி ஸங்கா²ரேஹி தூ³ரே; து³க்கா²ய ச அது³க்க²மஸுகா²ய ச வேத³னாஹி ஸம்பயுத்தா ஸங்கா²ரா ஸுகா²ய வேத³னாய ஸம்பயுத்தேஹி ஸங்கா²ரேஹி தூ³ரே; அது³க்க²மஸுகா²ய வேத³னாய ஸம்பயுத்தா ஸங்கா²ரா ஸுக²து³க்கா²ஹி வேத³னாஹி ஸம்பயுத்தேஹி ஸங்கா²ரேஹி தூ³ரே; ஸுக²து³க்கா²ஹி வேத³னாஹி ஸம்பயுத்தா ஸங்கா²ரா அது³க்க²மஸுகா²ய வேத³னாய ஸம்பயுத்தேஹி ஸங்கா²ரேஹி தூ³ரே. அஸமாபன்னஸ்ஸ ஸங்கா²ரா ஸமாபன்னஸ்ஸ ஸங்கா²ரேஹி தூ³ரே; ஸமாபன்னஸ்ஸ ஸங்கா²ரா அஸமாபன்னஸ்ஸ ஸங்கா²ரேஹி தூ³ரே. ஸாஸவா ஸங்கா²ரா அனாஸவேஹி ஸங்கா²ரேஹி தூ³ரே; அனாஸவா ஸங்கா²ரா ஸாஸவேஹி ஸங்கா²ரேஹி தூ³ரே. இமே வுச்சந்தி ஸங்கா²ரா தூ³ரே.

தத்த² கதமே ஸங்கா²ரா ஸந்திகே? அகுஸலா ஸங்கா²ரா அகுஸலானம் ஸங்கா²ரானம் ஸந்திகே; குஸலா ஸங்கா²ரா குஸலானம் ஸங்கா²ரானம் ஸந்திகே; அப்³யாகதா ஸங்கா²ரா அப்³யாகதானம் ஸங்கா²ரானம் ஸந்திகே. து³க்கா²ய வேத³னாய ஸம்பயுத்தா ஸங்கா²ரா து³க்கா²ய வேத³னாய ஸம்பயுத்தானம் ஸங்கா²ரானம் ஸந்திகே; ஸுகா²ய வேத³னாய ஸம்பயுத்தா ஸங்கா²ரா ஸுகா²ய வேத³னாய ஸம்பயுத்தானம் ஸங்கா²ரானம் ஸந்திகே; அது³க்க²மஸுகா²ய வேத³னாய ஸம்பயுத்தா ஸங்கா²ரா அது³க்க²மஸுகா²ய வேத³னாய ஸம்பயுத்தானம் ஸங்கா²ரானம் ஸந்திகே. அஸமாபன்னஸ்ஸ ஸங்கா²ரா அஸமாபன்னஸ்ஸ ஸங்கா²ரானம் ஸந்திகே; ஸமாபன்னஸ்ஸ ஸங்கா²ரா ஸமாபன்னஸ்ஸ ஸங்கா²ரானம் ஸந்திகே. ஸாஸவா ஸங்கா²ரா ஸாஸவானம் ஸங்கா²ரானம் ஸந்திகே; அனாஸவா ஸங்கா²ரா அனாஸவானம் ஸங்கா²ரானம் ஸந்திகே. இமே வுச்சந்தி ஸங்கா²ரா ஸந்திகே. தே தே வா பன ஸங்கா²ரே உபாதா³யுபாதா³ய ஸங்கா²ரா தூ³ரே ஸந்திகே த³ட்ட²ப்³பா³.

5. விஞ்ஞாணக்க²ந்தோ⁴

26. தத்த² கதமோ விஞ்ஞாணக்க²ந்தோ⁴? யம் கிஞ்சி விஞ்ஞாணம் அதீதானாக³தபச்சுப்பன்னம் அஜ்ஜ²த்தம் வா ப³ஹித்³தா⁴ வா ஓளாரிகம் வா ஸுகு²மம் வா ஹீனம் வா பணீதம் வா யம் தூ³ரே ஸந்திகே வா, ததே³கஜ்ஜ²ம் அபி⁴ஸஞ்ஞூஹித்வா அபி⁴ஸங்கி²பித்வா – அயம் வுச்சதி விஞ்ஞாணக்க²ந்தோ⁴.

27. தத்த² கதமம் விஞ்ஞாணம் அதீதம்? யம் விஞ்ஞாணம் அதீதம் நிருத்³த⁴ம் விக³தம் விபரிணதம் அத்த²ங்க³தம் அப்³ப⁴த்த²ங்க³தம் உப்பஜ்ஜித்வா விக³தம் அதீதம் அதீதம்ஸேன ஸங்க³ஹிதம், சக்கு²விஞ்ஞாணம் ஸோதவிஞ்ஞாணம் கா⁴னவிஞ்ஞாணம் ஜிவ்ஹாவிஞ்ஞாணம் காயவிஞ்ஞாணம் மனோவிஞ்ஞாணம் – இத³ம் வுச்சதி விஞ்ஞாணம் அதீதம்.

தத்த² கதமம் விஞ்ஞாணம் அனாக³தம்? யம் விஞ்ஞாணம் அஜாதம் அபூ⁴தம் அஸஞ்ஜாதம் அனிப்³ப³த்தம் அனபி⁴னிப்³ப³த்தம் அபாதுபூ⁴தம் அனுப்பன்னம் அஸமுப்பன்னம் அனுட்டி²தம் அஸமுட்டி²தம் அனாக³தம் அனாக³தம்ஸேன ஸங்க³ஹிதம், சக்கு²விஞ்ஞாணம் ஸோதவிஞ்ஞாணம் கா⁴னவிஞ்ஞாணம் ஜிவ்ஹாவிஞ்ஞாணம் காயவிஞ்ஞாணம் மனோவிஞ்ஞாணம் – இத³ம் வுச்சதி விஞ்ஞாணம் அனாக³தம்.

தத்த² கதமம் விஞ்ஞாணம் பச்சுப்பன்னம்? யம் விஞ்ஞாணம் ஜாதம் பூ⁴தம் ஸஞ்ஜாதம் நிப்³ப³த்தம் அபி⁴னிப்³ப³த்தம் பாதுபூ⁴தம் உப்பன்னம் ஸமுப்பன்னம் உட்டி²தம் ஸமுட்டி²தம் பச்சுப்பன்னம் பச்சுப்பன்னம்ஸேன ஸங்க³ஹிதம், சக்கு²விஞ்ஞாணம் ஸோதவிஞ்ஞாணம் கா⁴னவிஞ்ஞாணம் ஜிவ்ஹாவிஞ்ஞாணம் காயவிஞ்ஞாணம் மனோவிஞ்ஞாணம் – இத³ம் வுச்சதி விஞ்ஞாணம் பச்சுப்பன்னம்.

28. தத்த² கதமம் விஞ்ஞாணம் அஜ்ஜ²த்தம்? யம் விஞ்ஞாணம் தேஸம் தேஸம் ஸத்தானம் அஜ்ஜ²த்தம் பச்சத்தம் நியகம் பாடிபுக்³க³லிகம் உபாதி³ன்னம், சக்கு²விஞ்ஞாணம் ஸோதவிஞ்ஞாணம் கா⁴னவிஞ்ஞாணம் ஜிவ்ஹாவிஞ்ஞாணம் காயவிஞ்ஞாணம் மனோவிஞ்ஞாணம் – இத³ம் வுச்சதி விஞ்ஞாணம் அஜ்ஜ²த்தம்.

தத்த² கதமம் விஞ்ஞாணம் ப³ஹித்³தா⁴? யம் விஞ்ஞாணம் தேஸம் தேஸம் பரஸத்தானம் பரபுக்³க³லானம் அஜ்ஜ²த்தம் பச்சத்தம் நியகம் பாடிபுக்³க³லிகம் உபாதி³ன்னம், சக்கு²விஞ்ஞாணம் ஸோதவிஞ்ஞாணம் கா⁴னவிஞ்ஞாணம் ஜிவ்ஹாவிஞ்ஞாணம் காயவிஞ்ஞாணம் மனோவிஞ்ஞாணம் – இத³ம் வுச்சதி விஞ்ஞாணம் ப³ஹித்³தா⁴.

29. தத்த² கதமம் விஞ்ஞாணம் ஓளாரிகம் ஸுகு²மம்? அகுஸலம் விஞ்ஞாணம் ஓளாரிகம், குஸலாப்³யாகதா விஞ்ஞாணா ஸுகு²மா. குஸலாகுஸலா விஞ்ஞாணா ஓளாரிகா, அப்³யாகதம் விஞ்ஞாணம் ஸுகு²மம். து³க்கா²ய வேத³னாய ஸம்பயுத்தம் விஞ்ஞாணம் ஓளாரிகம், ஸுகா²ய ச அது³க்க²மஸுகா²ய ச வேத³னாஹி ஸம்பயுத்தா விஞ்ஞாணா ஸுகு²மா. ஸுக²து³க்கா²ஹி வேத³னாஹி ஸம்பயுத்தா விஞ்ஞாணா ஓளாரிகா, அது³க்க²மஸுகா²ய வேத³னாய ஸம்பயுத்தம் விஞ்ஞாணம் ஸுகு²மம். அஸமாபன்னஸ்ஸ விஞ்ஞாணம் ஓளாரிகம், ஸமாபன்னஸ்ஸ விஞ்ஞாணம் ஸுகு²மம். ஸாஸவம் விஞ்ஞாணம் ஓளாரிகம், அனாஸவம் விஞ்ஞாணம் ஸுகு²மம். தம் தம் வா பன விஞ்ஞாணம் உபாதா³யுபாதா³ய விஞ்ஞாணம் ஓளாரிகம் ஸுகு²மம் த³ட்ட²ப்³ப³ம்.

30. தத்த² கதமம் விஞ்ஞாணம் ஹீனம் பணீதம்? அகுஸலம் விஞ்ஞாணம் ஹீனம், குஸலாப்³யாகதா விஞ்ஞாணா பணீதா. குஸலாகுஸலா விஞ்ஞாணா ஹீனா, அப்³யாகதம் விஞ்ஞாணம் பணீதம். து³க்கா²ய வேத³னாய ஸம்பயுத்தம் விஞ்ஞாணம் ஹீனம், ஸுகா²ய ச அது³க்க²மஸுகா²ய ச வேத³னாஹி ஸம்பயுத்தா விஞ்ஞாணா பணீதா. ஸுக²து³க்கா²ஹி வேத³னாஹி ஸம்பயுத்தா விஞ்ஞாணா ஹீனா, அது³க்க²மஸுகா²ய வேத³னாய ஸம்பயுத்தம் விஞ்ஞாணம் பணீதம். அஸமாபன்னஸ்ஸ விஞ்ஞாணம் ஹீனம், ஸமாபன்னஸ்ஸ விஞ்ஞாணம் பணீதம். ஸாஸவம் விஞ்ஞாணம் ஹீனம், அனாஸவம் விஞ்ஞாணம் பணீதம். தம் தம் வா பன விஞ்ஞாணம் உபாதா³யுபாதா³ய விஞ்ஞாணம் ஹீனம் பணீதம் த³ட்ட²ப்³ப³ம்.

31. தத்த² கதமம் விஞ்ஞாணம் தூ³ரே? அகுஸலம் விஞ்ஞாணம் குஸலாப்³யாகதேஹி விஞ்ஞாணேஹி தூ³ரே; குஸலாப்³யாகதா விஞ்ஞாணா அகுஸலா விஞ்ஞாணா தூ³ரே; குஸலம் விஞ்ஞாணம் அகுஸலாப்³யாகதேஹி விஞ்ஞாணேஹி தூ³ரே; அகுஸலாப்³யாகதா விஞ்ஞாணா குஸலா விஞ்ஞாணா தூ³ரே; அப்³யாகதம் விஞ்ஞாணம் குஸலாகுஸலேஹி விஞ்ஞாணேஹி தூ³ரே; குஸலாகுஸலா விஞ்ஞாணா அப்³யாகதா விஞ்ஞாணா தூ³ரே. து³க்கா²ய வேத³னாய ஸம்பயுத்தம் விஞ்ஞாணம் ஸுகா²ய ச அது³க்க²மஸுகா²ய ச வேத³னாஹி ஸம்பயுத்தேஹி விஞ்ஞாணேஹி தூ³ரே; ஸுகா²ய ச அது³க்க²மஸுகா²ய ச வேத³னாஹி ஸம்பயுத்தா விஞ்ஞாணா து³க்கா²ய வேத³னாய ஸம்பயுத்தா விஞ்ஞாணா தூ³ரே; ஸுகா²ய வேத³னாய ஸம்பயுத்தம் விஞ்ஞாணம் து³க்கா²ய ச அது³க்க²மஸுகா²ய ச வேத³னாஹி ஸம்பயுத்தேஹி விஞ்ஞாணேஹி தூ³ரே; து³க்கா²ய ச அது³க்க²மஸுகா²ய ச வேத³னாஹி ஸம்பயுத்தா விஞ்ஞாணா ஸுகா²ய வேத³னாய ஸம்பயுத்தா விஞ்ஞாணா தூ³ரே; அது³க்க²மஸுகா²ய வேத³னாய ஸம்பயுத்தம் விஞ்ஞாணம் ஸுக²து³க்கா²ஹி வேத³னாஹி ஸம்பயுத்தேஹி விஞ்ஞாணேஹி தூ³ரே; ஸுக²து³க்கா²ஹி வேத³னாஹி ஸம்பயுத்தா விஞ்ஞாணா அது³க்க²மஸுகா²ய வேத³னாய ஸம்பயுத்தா விஞ்ஞாணா தூ³ரே. அஸமாபன்னஸ்ஸ விஞ்ஞாணம் ஸமாபன்னஸ்ஸ விஞ்ஞாணா தூ³ரே; ஸமாபன்னஸ்ஸ விஞ்ஞாணம் அஸமாபன்னஸ்ஸ விஞ்ஞாணா தூ³ரே. ஸாஸவம் விஞ்ஞாணம் அனாஸவா விஞ்ஞாணா தூ³ரே; அனாஸவம் விஞ்ஞாணம் ஸாஸவா விஞ்ஞாணா தூ³ரே – இத³ம் வுச்சதி விஞ்ஞாணம் தூ³ரே.

தத்த² கதமம் விஞ்ஞாணம் ஸந்திகே? அகுஸலம் விஞ்ஞாணம் அகுஸலஸ்ஸ விஞ்ஞாணஸ்ஸ ஸந்திகே; குஸலம் விஞ்ஞாணம் குஸலஸ்ஸ விஞ்ஞாணஸ்ஸ ஸந்திகே; அப்³யாகதம் விஞ்ஞாணம் அப்³யாகதஸ்ஸ விஞ்ஞாணஸ்ஸ ஸந்திகே. து³க்கா²ய வேத³னாய ஸம்பயுத்தம் விஞ்ஞாணம் து³க்கா²ய வேத³னாய ஸம்பயுத்தஸ்ஸ விஞ்ஞாணஸ்ஸ ஸந்திகே; ஸுகா²ய வேத³னாய ஸம்பயுத்தம் விஞ்ஞாணம் ஸுகா²ய வேத³னாய ஸம்பயுத்தஸ்ஸ விஞ்ஞாணஸ்ஸ ஸந்திகே; அது³க்க²மஸுகா²ய வேத³னாய ஸம்பயுத்தம் விஞ்ஞாணம் அது³க்க²மஸுகா²ய வேத³னாய ஸம்பயுத்தஸ்ஸ விஞ்ஞாணஸ்ஸ ஸந்திகே. அஸமாபன்னஸ்ஸ விஞ்ஞாணம் அஸமாபன்னஸ்ஸ விஞ்ஞாணஸ்ஸ ஸந்திகே; ஸமாபன்னஸ்ஸ விஞ்ஞாணம் ஸமாபன்னஸ்ஸ விஞ்ஞாணஸ்ஸ ஸந்திகே. ஸாஸவம் விஞ்ஞாணம் ஸாஸவஸ்ஸ விஞ்ஞாணஸ்ஸ ஸந்திகே; அனாஸவம் விஞ்ஞாணம் அனாஸவஸ்ஸ விஞ்ஞாணஸ்ஸ ஸந்திகே – இத³ம் வுச்சதி விஞ்ஞாணம் ஸந்திகே. தம் தம் வா பன விஞ்ஞாணம் உபாதா³யுபாதா³ய விஞ்ஞாணம் தூ³ரே ஸந்திகே த³ட்ட²ப்³ப³ம்.

ஸுத்தந்தபா⁴ஜனீயம்.

2. அபி⁴த⁴ம்மபா⁴ஜனீயம்

32. பஞ்சக்க²ந்தா⁴ – ரூபக்க²ந்தோ⁴, வேத³னாக்க²ந்தோ⁴, ஸஞ்ஞாக்க²ந்தோ⁴, ஸங்கா²ரக்க²ந்தோ⁴, விஞ்ஞாணக்க²ந்தோ⁴.

1. ரூபக்க²ந்தோ⁴

33. தத்த² கதமோ ரூபக்க²ந்தோ⁴? ஏகவிதே⁴ன ரூபக்க²ந்தோ⁴ – ஸப்³ப³ம் ரூபம் ந ஹேது, அஹேதுகம், ஹேதுவிப்பயுத்தம், ஸப்பச்சயம், ஸங்க²தம், ரூபம், லோகியம், ஸாஸவம், ஸம்யோஜனியம், க³ந்த²னியம், ஓக⁴னியம், யோக³னியம், நீவரணியம், பராமட்ட²ம், உபாதா³னியம், ஸம்கிலேஸிகம், அப்³யாகதம், அனாரம்மணம், அசேதஸிகம், சித்தவிப்பயுத்தம், நேவவிபாகனவிபாகத⁴ம்மத⁴ம்மம், அஸம்கிலிட்ட²ஸம்கிலேஸிகம், ந ஸவிதக்கஸவிசாரம், ந அவிதக்கவிசாரமத்தம், அவிதக்கஅவிசாரம், ந பீதிஸஹக³தம், ந ஸுக²ஸஹக³தம், ந உபேக்கா²ஸஹக³தம், நேவ த³ஸ்ஸனேன ந பா⁴வனாய பஹாதப்³ப³ம், நேவ த³ஸ்ஸனேன ந பா⁴வனாய பஹாதப்³ப³ஹேதுகம், நேவாசயகா³மினாபசயகா³மீ, நேவஸேக்க²னாஸேக்க²ம், பரித்தம், காமாவசரம், ந ரூபாவசரம், ந அரூபாவசரம், பரியாபன்னம், நோ அபரியாபன்னம், அனியதம், அனிய்யானிகம், உப்பன்னம், ச²ஹி விஞ்ஞாணேஹி விஞ்ஞேய்யம், அனிச்சம், ஜராபி⁴பூ⁴தம். ஏவம் ஏகவிதே⁴ன ரூபக்க²ந்தோ⁴.

து³விதே⁴ன ரூபக்க²ந்தோ⁴ – அத்தி² ரூபம் உபாதா³, அத்தி² ரூபம் நோ உபாதா³ [நுபாதா³ (ஸீ. க.)]. அத்தி² ரூபம் உபாதி³ன்னம், அத்தி² ரூபம் அனுபாதி³ன்னம். அத்தி² ரூபம் உபாதி³ன்னுபாதா³னியம், அத்தி² ரூபம் அனுபாதி³ன்னுபாதா³னியம். அத்தி² ரூபம் ஸனித³ஸ்ஸனம், அத்தி² ரூபம் அனித³ஸ்ஸனம். அத்தி² ரூபம் ஸப்படிக⁴ம், அத்தி² ரூபம் அப்படிக⁴ம். அத்தி² ரூபம் இந்த்³ரியம், அத்தி² ரூபம் ந இந்த்³ரியம். அத்தி² ரூபம் மஹாபூ⁴தம், அத்தி² ரூபம் ந மஹாபூ⁴தம். அத்தி² ரூபம் விஞ்ஞத்தி, அத்தி² ரூபம் ந விஞ்ஞத்தி. அத்தி² ரூபம் சித்தஸமுட்டா²னம், அத்தி² ரூபம் ந சித்தஸமுட்டா²னம். அத்தி² ரூபம் சித்தஸஹபு⁴, அத்தி² ரூபம் ந சித்தஸஹபு⁴. அத்தி² ரூபம் சித்தானுபரிவத்தி, அத்தி² ரூபம் ந சித்தானுபரிவத்தி. அத்தி² ரூபம் அஜ்ஜ²த்திகம், அத்தி² ரூபம் பா³ஹிரம். அத்தி² ரூபம் ஓளாரிகம், அத்தி² ரூபம் ஸுகு²மம். அத்தி² ரூபம் தூ³ரே, அத்தி² ரூபம் ஸந்திகே…பே… அத்தி² ரூபம் கப³ளீகாரோ ஆஹாரோ, அத்தி² ரூபம் ந கப³ளீகாரோ ஆஹாரோ. ஏவம் து³விதே⁴ன ரூபக்க²ந்தோ⁴.

(யதா² ரூபகண்டே³ விப⁴த்தம், ததா² இத⁴ விப⁴ஜிதப்³ப³ம்.)

திவிதே⁴ன ரூபக்க²ந்தோ⁴ – யம் தம் ரூபம் அஜ்ஜ²த்திகம் தம் உபாதா³, யம் தம் ரூபம் பா³ஹிரம் தம் அத்தி² உபாதா³, அத்தி² நோ உபாதா³. யம் தம் ரூபம் அஜ்ஜ²த்திகம் தம் உபாதி³ன்னம், யம் தம் ரூபம் பா³ஹிரம் தம் அத்தி² உபாதி³ன்னம், அத்தி² அனுபாதி³ன்னம். யம் தம் ரூபம் அஜ்ஜ²த்திகம் தம் உபாதி³ன்னுபாதா³னியம், யம் தம் ரூபம் பா³ஹிரம் தம் அத்தி² உபாதி³ன்னுபாதா³னியம், அத்தி² அனுபாதி³ன்னுபாதா³னியம்…பே… யம் தம் ரூபம் அஜ்ஜ²த்திகம் தம் ந கப³ளீகாரோ ஆஹாரோ, யம் தம் ரூபம் பா³ஹிரம் தம் அத்தி² கப³ளீகாரோ ஆஹாரோ, அத்தி² ந கப³ளீகாரோ ஆஹாரோ. ஏவம் திவிதே⁴ன ரூபக்க²ந்தோ⁴.

சதுப்³பி³தே⁴ன ரூபக்க²ந்தோ⁴ – யம் தம் ரூபம் உபாதா³ தம் அத்தி² உபாதி³ன்னம், அத்தி² அனுபாதி³ன்னம்; யம் தம் ரூபம் நோ உபாதா³ தம் அத்தி² உபாதி³ன்னம், அத்தி² அனுபாதி³ன்னம். யம் தம் ரூபம் உபாதா³ தம் அத்தி² உபாதி³ன்னுபாதா³னியம், அத்தி² அனுபாதி³ன்னுபாதா³னியம்; யம் தம் ரூபம் நோ உபாதா³ தம் அத்தி² உபாதி³ன்னுபாதா³னியம், அத்தி² அனுபாதி³ன்னுபாதா³னியம். யம் தம் ரூபம் உபாதா³ தம் அத்தி² ஸப்படிக⁴ம், அத்தி² அப்படிக⁴ம்; யம் தம் ரூபம் நோ உபாதா³ தம் அத்தி² ஸப்படிக⁴ம், அத்தி² அப்படிக⁴ம். யம் தம் ரூபம் உபாதா³ தம் அத்தி² ஓளாரிகம், அத்தி² ஸுகு²மம்; யம் தம் ரூபம் நோ உபாதா³ தம் அத்தி² ஓளாரிகம், அத்தி² ஸுகு²மம். யம் தம் ரூபம் உபாதா³ தம் அத்தி² தூ³ரே, அத்தி² ஸந்திகே; யம் தம் ரூபம் நோ உபாதா³ தம் அத்தி² தூ³ரே, அத்தி² ஸந்திகே…பே… தி³ட்ட²ம், ஸுதம், முதம், விஞ்ஞாதம் ரூபம். ஏவம் சதுப்³பி³தே⁴ன ரூபக்க²ந்தோ⁴.

பஞ்சவிதே⁴ன ரூபக்க²ந்தோ⁴ – பத²வீதா⁴து, ஆபோதா⁴து, தேஜோதா⁴து, வாயோதா⁴து, யஞ்ச ரூபம் உபாதா³. ஏவம் பஞ்சவிதே⁴ன ரூபக்க²ந்தோ⁴.

ச²ப்³பி³தே⁴ன ரூபக்க²ந்தோ⁴ – சக்கு²விஞ்ஞேய்யம் ரூபம், ஸோதவிஞ்ஞேய்யம் ரூபம், கா⁴னவிஞ்ஞேய்யம் ரூபம், ஜிவ்ஹாவிஞ்ஞேய்யம் ரூபம், காயவிஞ்ஞேய்யம் ரூபம், மனோவிஞ்ஞேய்யம் ரூபம். ஏவம் ச²ப்³பி³தே⁴ன ரூபக்க²ந்தோ⁴.

ஸத்தவிதே⁴ன ரூபக்க²ந்தோ⁴ – சக்கு²விஞ்ஞேய்யம் ரூபம், ஸோதவிஞ்ஞேய்யம் ரூபம், கா⁴னவிஞ்ஞேய்யம் ரூபம், ஜிவ்ஹாவிஞ்ஞேய்யம் ரூபம், காயவிஞ்ஞேய்யம் ரூபம், மனோதா⁴துவிஞ்ஞேய்யம் ரூபம், மனோவிஞ்ஞாணதா⁴துவிஞ்ஞேய்யம் ரூபம். ஏவம் ஸத்தவிதே⁴ன ரூபக்க²ந்தோ⁴.

அட்ட²விதே⁴ன ரூபக்க²ந்தோ⁴ – சக்கு²விஞ்ஞேய்யம் ரூபம், ஸோதவிஞ்ஞேய்யம் ரூபம், கா⁴னவிஞ்ஞேய்யம் ரூபம், ஜிவ்ஹாவிஞ்ஞேய்யம் ரூபம், காயவிஞ்ஞேய்யம் ரூபம் அத்தி² ஸுக²ஸம்ப²ஸ்ஸம், அத்தி² து³க்க²ஸம்ப²ஸ்ஸம், மனோதா⁴துவிஞ்ஞேய்யம் ரூபம், மனோவிஞ்ஞாணதா⁴துவிஞ்ஞேய்யம் ரூபம். ஏவம் அட்ட²விதே⁴ன ரூபக்க²ந்தோ⁴.

நவவிதே⁴ன ரூபக்க²ந்தோ⁴ – சக்கு²ந்த்³ரியம், ஸோதிந்த்³ரியம், கா⁴னிந்த்³ரியம், ஜிவ்ஹிந்த்³ரியம், காயிந்த்³ரியம், இத்தி²ந்த்³ரியம், புரிஸிந்த்³ரியம், ஜீவிதிந்த்³ரியம், யஞ்ச ரூபம் ந இந்த்³ரியம். ஏவம் நவவிதே⁴ன ரூபக்க²ந்தோ⁴.

த³ஸவிதே⁴ன ரூபக்க²ந்தோ⁴ – சக்கு²ந்த்³ரியம், ஸோதிந்த்³ரியம், கா⁴னிந்த்³ரியம், ஜிவ்ஹிந்த்³ரியம், காயிந்த்³ரியம், இத்தி²ந்த்³ரியம், புரிஸிந்த்³ரியம், ஜீவிதிந்த்³ரியம், ந இந்த்³ரியம் ரூபம் அத்தி² ஸப்படிக⁴ம், அத்தி² அப்படிக⁴ம். ஏவம் த³ஸவிதே⁴ன ரூபக்க²ந்தோ⁴.

ஏகாத³ஸவிதே⁴ன ரூபக்க²ந்தோ⁴ – சக்கா²யதனம், ஸோதாயதனம், கா⁴னாயதனம், ஜிவ்ஹாயதனம், காயாயதனம், ரூபாயதனம், ஸத்³தா³யதனம், க³ந்தா⁴யதனம், ரஸாயதனம், போ²ட்ட²ப்³பா³யதனம், யஞ்ச ரூபம் அனித³ஸ்ஸனஅப்படிக⁴ம் த⁴ம்மாயதனபரியாபன்னம். ஏவம் ஏகாத³ஸவிதே⁴ன ரூபக்க²ந்தோ⁴.

அயம் வுச்சதி ரூபக்க²ந்தோ⁴.

2. வேத³னாக்க²ந்தோ⁴

34. தத்த² கதமோ வேத³னாக்க²ந்தோ⁴? ஏகவிதே⁴ன வேத³னாக்க²ந்தோ⁴ – ப²ஸ்ஸஸம்பயுத்தோ.

து³விதே⁴ன வேத³னாக்க²ந்தோ⁴ – அத்தி² ஸஹேதுகோ, அத்தி² அஹேதுகோ.

திவிதே⁴ன வேத³னாக்க²ந்தோ⁴ – அத்தி² குஸலோ, அத்தி² அகுஸலோ, அத்தி² அப்³யாகதோ.

சதுப்³பி³தே⁴ன வேத³னாக்க²ந்தோ⁴ – அத்தி² காமாவசரோ, அத்தி² ரூபாவசரோ, அத்தி² அரூபாவசரோ, அத்தி² அபரியாபன்னோ.

பஞ்சவிதே⁴ன வேத³னாக்க²ந்தோ⁴ – அத்தி² ஸுகி²ந்த்³ரியம், அத்தி² து³க்கி²ந்த்³ரியம், அத்தி² ஸோமனஸ்ஸிந்த்³ரியம், அத்தி² தோ³மனஸ்ஸிந்த்³ரியம், அத்தி² உபேக்கி²ந்த்³ரியம். ஏவம் பஞ்சவிதே⁴ன வேத³னாக்க²ந்தோ⁴.

ச²ப்³பி³தே⁴ன வேத³னாக்க²ந்தோ⁴ – சக்கு²ஸம்ப²ஸ்ஸஜா வேத³னா, ஸோதஸம்ப²ஸ்ஸஜா வேத³னா, கா⁴னஸம்ப²ஸ்ஸஜா வேத³னா, ஜிவ்ஹாஸம்ப²ஸ்ஸஜா வேத³னா, காயஸம்ப²ஸ்ஸஜா வேத³னா, மனோஸம்ப²ஸ்ஸஜா வேத³னா. ஏவம் ச²ப்³பி³தே⁴ன வேத³னாக்க²ந்தோ⁴.

ஸத்தவிதே⁴ன வேத³னாக்க²ந்தோ⁴ – சக்கு²ஸம்ப²ஸ்ஸஜா வேத³னா, ஸோதஸம்ப²ஸ்ஸஜா வேத³னா, கா⁴னஸம்ப²ஸ்ஸஜா வேத³னா, ஜிவ்ஹாஸம்ப²ஸ்ஸஜா வேத³னா, காயஸம்ப²ஸ்ஸஜா வேத³னா, மனோதா⁴துஸம்ப²ஸ்ஸஜா வேத³னா, மனோவிஞ்ஞாணதா⁴துஸம்ப²ஸ்ஸஜா வேத³னா. ஏவம் ஸத்தவிதே⁴ன வேத³னாக்க²ந்தோ⁴.

அட்ட²விதே⁴ன வேத³னாக்க²ந்தோ⁴ – சக்கு²ஸம்ப²ஸ்ஸஜா வேத³னா, ஸோதஸம்ப²ஸ்ஸஜா வேத³னா, கா⁴னஸம்ப²ஸ்ஸஜா வேத³னா, ஜிவ்ஹாஸம்ப²ஸ்ஸஜா வேத³னா, காயஸம்ப²ஸ்ஸஜா வேத³னா அத்தி² ஸுகா², அத்தி² து³க்கா², மனோதா⁴துஸம்ப²ஸ்ஸஜா வேத³னா, மனோவிஞ்ஞாணதா⁴துஸம்ப²ஸ்ஸஜா வேத³னா. ஏவம் அட்ட²விதே⁴ன வேத³னாக்க²ந்தோ⁴.

நவவிதே⁴ன வேத³னாக்க²ந்தோ⁴ – சக்கு²ஸம்ப²ஸ்ஸஜா வேத³னா, ஸோதஸம்ப²ஸ்ஸஜா வேத³னா, கா⁴னஸம்ப²ஸ்ஸஜா வேத³னா, ஜிவ்ஹாஸம்ப²ஸ்ஸஜா வேத³னா, காயஸம்ப²ஸ்ஸஜா வேத³னா, மனோதா⁴துஸம்ப²ஸ்ஸஜா வேத³னா, மனோவிஞ்ஞாணதா⁴துஸம்ப²ஸ்ஸஜா வேத³னா அத்தி² குஸலா, அத்தி² அகுஸலா, அத்தி² அப்³யாகதா. ஏவம் நவவிதே⁴ன வேத³னாக்க²ந்தோ⁴.

த³ஸவிதே⁴ன வேத³னாக்க²ந்தோ⁴ – சக்கு²ஸம்ப²ஸ்ஸஜா வேத³னா, ஸோதஸம்ப²ஸ்ஸஜா வேத³னா, கா⁴னஸம்ப²ஸ்ஸஜா வேத³னா, ஜிவ்ஹாஸம்ப²ஸ்ஸஜா வேத³னா, காயஸம்ப²ஸ்ஸஜா வேத³னா அத்தி² ஸுகா², அத்தி² து³க்கா², மனோதா⁴துஸம்ப²ஸ்ஸஜா வேத³னா, மனோவிஞ்ஞாணதா⁴துஸம்ப²ஸ்ஸஜா வேத³னா அத்தி² குஸலா, அத்தி² அகுஸலா, அத்தி² அப்³யாகதா. ஏவம் த³ஸவிதே⁴ன வேத³னாக்க²ந்தோ⁴.

35. ஏகவிதே⁴ன வேத³னாக்க²ந்தோ⁴ – ப²ஸ்ஸஸம்பயுத்தோ.

து³விதே⁴ன வேத³னாக்க²ந்தோ⁴ – அத்தி² ஸஹேதுகோ, அத்தி² அஹேதுகோ.

திவிதே⁴ன வேத³னாக்க²ந்தோ⁴ – அத்தி² விபாகோ, அத்தி² விபாகத⁴ம்மத⁴ம்மோ, அத்தி² நேவவிபாகனவிபாகத⁴ம்மத⁴ம்மோ. அத்தி² உபாதி³ன்னுபாதா³னியோ, அத்தி² அனுபாதி³ன்னுபாதா³னியோ, அத்தி² அனுபாதி³ன்னஅனுபாதா³னியோ. அத்தி² ஸம்கிலிட்ட²ஸம்கிலேஸிகோ, அத்தி² அஸம்கிலிட்ட²ஸம்கிலேஸிகோ, அத்தி² அஸம்கிலிட்ட²அஸம்கிலேஸிகோ. அத்தி² ஸவிதக்கஸவிசாரோ, அத்தி² அவிதக்கவிசாரமத்தோ, அத்தி² அவிதக்கஅவிசாரோ. அத்தி² த³ஸ்ஸனேன பஹாதப்³போ³, அத்தி² பா⁴வனாய பஹாதப்³போ³, அத்தி² நேவ த³ஸ்ஸனேன ந பா⁴வனாய பஹாதப்³போ³. அத்தி² த³ஸ்ஸனேன பஹாதப்³ப³ஹேதுகோ, அத்தி² பா⁴வனாய பஹாதப்³ப³ஹேதுகோ, அத்தி² நேவ த³ஸ்ஸனேன ந பா⁴வனாய பஹாதப்³ப³ஹேதுகோ. அத்தி² ஆசயகா³மீ, அத்தி² அபசயகா³மீ, அத்தி² நேவாசயகா³மினாபசயகா³மீ. அத்தி² ஸேக்கோ², அத்தி² அஸேக்கோ², அத்தி² நேவஸேக்க²னாஸேக்கோ². அத்தி² பரித்தோ, அத்தி² மஹக்³க³தோ, அத்தி² அப்பமாணோ. அத்தி² பரித்தாரம்மணோ, அத்தி² மஹக்³க³தாரம்மணோ, அத்தி² அப்பமாணாரம்மணோ. அத்தி² ஹீனோ, அத்தி² மஜ்ஜி²மோ, அத்தி² பணீதோ. அத்தி² மிச்ச²த்தனியதோ, அத்தி² ஸம்மத்தனியதோ, அத்தி² அனியதோ. அத்தி² மக்³கா³ரம்மணோ, அத்தி² மக்³க³ஹேதுகோ, அத்தி² மக்³கா³தி⁴பதி. அத்தி² உப்பன்னோ, அத்தி² அனுப்பன்னோ, அத்தி² உப்பாதீ³. அத்தி² அதீதோ, அத்தி² அனாக³தோ, அத்தி² பச்சுப்பன்னோ. அத்தி² அதீதாரம்மணோ, அத்தி² அனாக³தாரம்மணோ, அத்தி² பச்சுப்பன்னாரம்மணோ. அத்தி² அஜ்ஜ²த்தோ, அத்தி² ப³ஹித்³தோ⁴, அத்தி² அஜ்ஜ²த்தப³ஹித்³தோ⁴. அத்தி² அஜ்ஜ²த்தாரம்மணோ, அத்தி² ப³ஹித்³தா⁴ரம்மணோ, அத்தி² அஜ்ஜ²த்தப³ஹித்³தா⁴ரம்மணோ…பே…. ஏவம் த³ஸவிதே⁴ன வேத³னாக்க²ந்தோ⁴.

36. ஏகவிதே⁴ன வேத³னாக்க²ந்தோ⁴ – ப²ஸ்ஸஸம்பயுத்தோ.

து³விதே⁴ன வேத³னாக்க²ந்தோ⁴ – அத்தி² ஹேதுஸம்பயுத்தோ, அத்தி² ஹேதுவிப்பயுத்தோ…பே… அத்தி² ந ஹேதுஸஹேதுகோ, அத்தி² ந ஹேதுஅஹேதுகோ. அத்தி² லோகியோ, அத்தி² லோகுத்தரோ. அத்தி² கேனசி விஞ்ஞேய்யோ, அத்தி² கேனசி ந விஞ்ஞேய்யோ. அத்தி² ஸாஸவோ, அத்தி² அனாஸவோ. அத்தி² ஆஸவஸம்பயுத்தோ, அத்தி² ஆஸவவிப்பயுத்தோ. அத்தி² ஆஸவவிப்பயுத்தஸாஸவோ, அத்தி² ஆஸவவிப்பயுத்தஅனாஸவோ. அத்தி² ஸம்யோஜனியோ, அத்தி² அஸம்யோஜனியோ. அத்தி² ஸம்யோஜனஸம்பயுத்தோ, அத்தி² ஸம்யோஜனவிப்பயுத்தோ. அத்தி² ஸம்யோஜனவிப்பயுத்தஸம்யோஜனியோ, அத்தி² ஸம்யோஜனவிப்பயுத்தஅஸம்யோஜனியோ. அத்தி² க³ந்த²னியோ, அத்தி² அக³ந்த²னியோ. அத்தி² க³ந்த²ஸம்பயுத்தோ, அத்தி² க³ந்த²விப்பயுத்தோ. அத்தி² க³ந்த²விப்பயுத்தக³ந்த²னியோ, அத்தி² க³ந்த²விப்பயுத்தஅக³ந்த²னியோ. அத்தி² ஓக⁴னியோ, அத்தி² அனோக⁴னியோ. அத்தி² ஓக⁴ஸம்பயுத்தோ, அத்தி² ஓக⁴விப்பயுத்தோ. அத்தி² ஓக⁴விப்பயுத்தஓக⁴னியோ, அத்தி² ஓக⁴விப்பயுத்தஅனோக⁴னியோ. அத்தி² யோக³னியோ, அத்தி² அயோக³னியோ. அத்தி² யோக³ஸம்பயுத்தோ, அத்தி² யோக³விப்பயுத்தோ. அத்தி² யோக³விப்பயுத்தயோக³னியோ, அத்தி² யோக³விப்பயுத்தஅயோக³னியோ. அத்தி² நீவரணியோ, அத்தி² அனீவரணியோ. அத்தி² நீவரணஸம்பயுத்தோ, அத்தி² நீவரணவிப்பயுத்தோ. அத்தி² நீவரணவிப்பயுத்தனீவரணியோ, அத்தி² நீவரணவிப்பயுத்தஅனீவரணியோ. அத்தி² பராமட்டோ², அத்தி² அபராமட்டோ². அத்தி² பராமாஸஸம்பயுத்தோ, அத்தி² பராமாஸவிப்பயுத்தோ. அத்தி² பராமாஸவிப்பயுத்தபராமட்டோ², அத்தி² பராமாஸவிப்பயுத்தஅபராமட்டோ². அத்தி² உபாதி³ன்னோ, அத்தி² அனுபாதி³ன்னோ. அத்தி² உபாதா³னியோ, அத்தி² அனுபாதா³னியோ. அத்தி² உபாதா³னஸம்பயுத்தோ, அத்தி² உபாதா³னவிப்பயுத்தோ. அத்தி² உபாதா³னவிப்பயுத்தஉபாதா³னியோ, அத்தி² உபாதா³னவிப்பயுத்தஅனுபாதா³னியோ. அத்தி² ஸம்கிலேஸிகோ, அத்தி² அஸம்கிலேஸிகோ. அத்தி² ஸம்கிலிட்டோ², அத்தி² அஸம்கிலிட்டோ². அத்தி² கிலேஸஸம்பயுத்தோ, அத்தி² கிலேஸவிப்பயுத்தோ. அத்தி² கிலேஸவிப்பயுத்தஸம்கிலேஸிகோ, அத்தி² கிலேஸவிப்பயுத்தஅஸம்கிலேஸிகோ. அத்தி² த³ஸ்ஸனேன பஹாதப்³போ³, அத்தி² ந த³ஸ்ஸனேன பஹாதப்³போ³. அத்தி² பா⁴வனாய பஹாதப்³போ³, அத்தி² ந பா⁴வனாய பஹாதப்³போ³. அத்தி² த³ஸ்ஸனேன பஹாதப்³ப³ஹேதுகோ, அத்தி² ந த³ஸ்ஸனேன பஹாதப்³ப³ஹேதுகோ. அத்தி² பா⁴வனாய பஹாதப்³ப³ஹேதுகோ, அத்தி² ந பா⁴வனாய பஹாதப்³ப³ஹேதுகோ. அத்தி² ஸவிதக்கோ, அத்தி² அவிதக்கோ. அத்தி² ஸவிசாரோ, அத்தி² அவிசாரோ. அத்தி² ஸப்பீதிகோ, அத்தி² அப்பீதிகோ. அத்தி² பீதிஸஹக³தோ, அத்தி² ந பீதிஸஹக³தோ. அத்தி² காமாவசரோ, அத்தி² ந காமாவசரோ. அத்தி² ரூபாவசரோ, அத்தி² ந ரூபாவசரோ. அத்தி² அரூபாவசரோ, அத்தி² ந அரூபாவசரோ. அத்தி² பரியாபன்னோ, அத்தி² அபரியாபன்னோ. அத்தி² நிய்யானிகோ, அத்தி² அனிய்யானிகோ. அத்தி² நியதோ, அத்தி² அனியதோ. அத்தி² ஸஉத்தரோ, அத்தி² அனுத்தரோ. அத்தி² ஸரணோ, அத்தி² அரணோ.

திவிதே⁴ன வேத³னாக்க²ந்தோ⁴ – அத்தி² குஸலோ, அத்தி² அகுஸலோ, அத்தி² அப்³யாகதோ…பே…. ஏவம் த³ஸவிதே⁴ன வேத³னாக்க²ந்தோ⁴.

37. ஏகவிதே⁴ன வேத³னாக்க²ந்தோ⁴ – ப²ஸ்ஸஸம்பயுத்தோ.

து³விதே⁴ன வேத³னாக்க²ந்தோ⁴ – அத்தி² ஸரணோ, அத்தி² அரணோ.

திவிதே⁴ன வேத³னாக்க²ந்தோ⁴ – அத்தி² விபாகோ, அத்தி² விபாகத⁴ம்மத⁴ம்மோ, அத்தி² நேவவிபாகனவிபாகத⁴ம்மத⁴ம்மோ. அத்தி² உபாதி³ன்னுபாதா³னியோ…பே… அத்தி² அஜ்ஜ²த்தாரம்மணோ, அத்தி² ப³ஹித்³தா⁴ரம்மணோ, அத்தி² அஜ்ஜ²த்தப³ஹித்³தா⁴ரம்மணோ…பே…. ஏவம் த³ஸவிதே⁴ன வேத³னாக்க²ந்தோ⁴.

து³கமூலகம்.

38. ஏகவிதே⁴ன வேத³னாக்க²ந்தோ⁴ – ப²ஸ்ஸஸம்பயுத்தோ.

து³விதே⁴ன வேத³னாக்க²ந்தோ⁴ – அத்தி² ஸஹேதுகோ, அத்தி² அஹேதுகோ.

திவிதே⁴ன வேத³னாக்க²ந்தோ⁴ – அத்தி² குஸலோ, அத்தி² அகுஸலோ, அத்தி² அப்³யாகதோ…பே…. ஏவம் த³ஸவிதே⁴ன வேத³னாக்க²ந்தோ⁴.

39. ஏகவிதே⁴ன வேத³னாக்க²ந்தோ⁴ – ப²ஸ்ஸஸம்பயுத்தோ.

து³விதே⁴ன வேத³னாக்க²ந்தோ⁴ – அத்தி² ஹேதுஸம்பயுத்தோ, அத்தி² ஹேதுவிப்பயுத்தோ.

திவிதே⁴ன வேத³னாக்க²ந்தோ⁴ – அத்தி² குஸலோ, அத்தி² அகுஸலோ, அத்தி² அப்³யாகதோ…பே…. ஏவம் த³ஸவிதே⁴ன வேத³னாக்க²ந்தோ⁴.

40. ஏகவிதே⁴ன வேத³னாக்க²ந்தோ⁴ – ப²ஸ்ஸஸம்பயுத்தோ.

து³விதே⁴ன வேத³னாக்க²ந்தோ⁴ – அத்தி² ந ஹேதுஸஹேதுகோ, அத்தி² ந ஹேதுஅஹேதுகோ. அத்தி² லோகியோ, அத்தி² லோகுத்தரோ. அத்தி² கேனசி விஞ்ஞேய்யோ, அத்தி² கேனசி ந விஞ்ஞேய்யோ. அத்தி² ஸாஸவோ, அத்தி² அனாஸவோ. அத்தி² ஆஸவஸம்பயுத்தோ, அத்தி² ஆஸவவிப்பயுத்தோ. அத்தி² ஆஸவவிப்பயுத்தஸாஸவோ, அத்தி² ஆஸவவிப்பயுத்தஅனாஸவோ…பே… அத்தி² ஸரணோ, அத்தி² அரணோ.

திவிதே⁴ன வேத³னாக்க²ந்தோ⁴ – அத்தி² குஸலோ, அத்தி² அகுஸலோ, அத்தி² அப்³யாகதோ…பே…. ஏவம் த³ஸவிதே⁴ன வேத³னாக்க²ந்தோ⁴.

41. ஏகவிதே⁴ன வேத³னாக்க²ந்தோ⁴ – ப²ஸ்ஸஸம்பயுத்தோ.

து³விதே⁴ன வேத³னாக்க²ந்தோ⁴ – அத்தி² ஸஹேதுகோ, அத்தி² அஹேதுகோ.

திவிதே⁴ன வேத³னாக்க²ந்தோ⁴ – அத்தி² விபாகோ, அத்தி² விபாகத⁴ம்மத⁴ம்மோ, அத்தி² நேவவிபாகனவிபாகத⁴ம்மத⁴ம்மோ. அத்தி² உபாதி³ன்னுபாதா³னியோ, அத்தி² அனுபாதி³ன்னுபாதா³னியோ, அத்தி² அனுபாதி³ன்னஅனுபாதா³னியோ. அத்தி² ஸம்கிலிட்ட²ஸம்கிலேஸிகோ, அத்தி² அஸம்கிலிட்ட²ஸம்கிலேஸிகோ, அத்தி² அஸம்கிலிட்ட²அஸம்கிலேஸிகோ. அத்தி² ஸவிதக்கஸவிசாரோ, அத்தி² அவிதக்கவிசாரமத்தோ, அத்தி² அவிதக்கஅவிசாரோ. அத்தி² த³ஸ்ஸனேன பஹாதப்³போ³, அத்தி² பா⁴வனாய பஹாதப்³போ³, அத்தி² நேவ த³ஸ்ஸனேன ந பா⁴வனாய பஹாதப்³போ³. அத்தி² த³ஸ்ஸனேன பஹாதப்³ப³ஹேதுகோ, அத்தி² பா⁴வனாய பஹாதப்³ப³ஹேதுகோ, அத்தி² நேவ த³ஸ்ஸனேன ந பா⁴வனாய பஹாதப்³ப³ஹேதுகோ. அத்தி² ஆசயகா³மீ, அத்தி² அபசயகா³மீ, அத்தி² நேவாசயகா³மினாபசயகா³மீ. அத்தி² ஸேக்கோ², அத்தி² அஸேக்கோ², அத்தி² நேவஸேக்க²னாஸேக்கோ². அத்தி² பரித்தோ, அத்தி² மஹக்³க³தோ, அத்தி² அப்பமாணோ. அத்தி² பரித்தாரம்மணோ, அத்தி² மஹக்³க³தாரம்மணோ, அத்தி² அப்பமாணாரம்மணோ. அத்தி² ஹீனோ, அத்தி² மஜ்ஜி²மோ, அத்தி² பணீதோ. அத்தி² மிச்ச²த்தனியதோ, அத்தி² ஸம்மத்தனியதோ, அத்தி² அனியதோ. அத்தி² மக்³கா³ரம்மணோ, அத்தி² மக்³க³ஹேதுகோ, அத்தி² மக்³கா³தி⁴பதி. அத்தி² உப்பன்னோ, அத்தி² அனுப்பன்னோ, அத்தி² உப்பாதீ³. அத்தி² அதீதோ, அத்தி² அனாக³தோ, அத்தி² பச்சுப்பன்னோ. அத்தி² அதீதாரம்மணோ, அத்தி² அனாக³தாரம்மணோ, அத்தி² பச்சுப்பன்னாரம்மணோ. அத்தி² அஜ்ஜ²த்தோ, அத்தி² ப³ஹித்³தோ⁴, அத்தி² அஜ்ஜ²த்தப³ஹித்³தோ⁴. அத்தி² அஜ்ஜ²த்தாரம்மணோ, அத்தி² ப³ஹித்³தா⁴ரம்மணோ, அத்தி² அஜ்ஜ²த்தப³ஹித்³தா⁴ரம்மணோ…பே…. ஏவம் த³ஸவிதே⁴ன வேத³னாக்க²ந்தோ⁴.

42. ஏகவிதே⁴ன வேத³னாக்க²ந்தோ⁴ – ப²ஸ்ஸஸம்பயுத்தோ.

து³விதே⁴ன வேத³னாக்க²ந்தோ⁴ – அத்தி² ஹேதுஸம்பயுத்தோ, அத்தி² ஹேதுவிப்பயுத்தோ. அத்தி² ந ஹேதுஸஹேதுகோ, அத்தி² ந ஹேதுஅஹேதுகோ. அத்தி² லோகியோ, அத்தி² லோகுத்தரோ. அத்தி² கேனசி விஞ்ஞேய்யோ, அத்தி² கேனசி ந விஞ்ஞேய்யோ. அத்தி² ஸாஸவோ, அத்தி² அனாஸவோ. அத்தி² ஆஸவஸம்பயுத்தோ, அத்தி² ஆஸவவிப்பயுத்தோ. அத்தி² ஆஸவவிப்பயுத்தஸாஸவோ, அத்தி² ஆஸவவிப்பயுத்தஅனாஸவோ. அத்தி² ஸம்யோஜனியோ, அத்தி² அஸம்யோஜனியோ…பே… அத்தி² ஸரணோ, அத்தி² அரணோ.

திவிதே⁴ன வேத³னாக்க²ந்தோ⁴ – அத்தி² அஜ்ஜ²த்தாரம்மணோ, அத்தி² ப³ஹித்³தா⁴ரம்மணோ, அத்தி² அஜ்ஜ²த்தப³ஹித்³தா⁴ரம்மணோ…பே…. ஏவம் த³ஸவிதே⁴ன வேத³னாக்க²ந்தோ⁴.

திகமூலகம்.

43. ஏகவிதே⁴ன வேத³னாக்க²ந்தோ⁴ – ப²ஸ்ஸஸம்பயுத்தோ.

து³விதே⁴ன வேத³னாக்க²ந்தோ⁴ – அத்தி² ஸஹேதுகோ, அத்தி² அஹேதுகோ.

திவிதே⁴ன வேத³னாக்க²ந்தோ⁴ – அத்தி² குஸலோ, அத்தி² அகுஸலோ, அத்தி² அப்³யாகதோ…பே…. ஏவம் த³ஸவிதே⁴ன வேத³னாக்க²ந்தோ⁴.

44. ஏகவிதே⁴ன வேத³னாக்க²ந்தோ⁴ – ப²ஸ்ஸஸம்பயுத்தோ.

து³விதே⁴ன வேத³னாக்க²ந்தோ⁴ – அத்தி² ஹேதுஸம்பயுத்தோ, அத்தி² ஹேதுவிப்பயுத்தோ.

திவிதே⁴ன வேத³னாக்க²ந்தோ⁴ – அத்தி² விபாகோ, அத்தி² விபாகத⁴ம்மத⁴ம்மோ, அத்தி² நேவவிபாகனவிபாகத⁴ம்மத⁴ம்மோ…பே…. ஏவம் த³ஸவிதே⁴ன வேத³னாக்க²ந்தோ⁴.

45. ஏகவிதே⁴ன வேத³னாக்க²ந்தோ⁴ – ப²ஸ்ஸஸம்பயுத்தோ.

து³விதே⁴ன வேத³னாக்க²ந்தோ⁴ – அத்தி² ந ஹேதுஸஹேதுகோ, அத்தி² ந ஹேதுஅஹேதுகோ.

திவிதே⁴ன வேத³னாக்க²ந்தோ⁴ – அத்தி² உபாதி³ன்னுபாதா³னியோ, அத்தி² அனுபாதி³ன்னுபாதா³னியோ, அத்தி² அனுபாதி³ன்னஅனுபாதா³னியோ…பே…. ஏவம் த³ஸவிதே⁴ன வேத³னாக்க²ந்தோ⁴.

46. ஏகவிதே⁴ன வேத³னாக்க²ந்தோ⁴ – ப²ஸ்ஸஸம்பயுத்தோ.

து³விதே⁴ன வேத³னாக்க²ந்தோ⁴ – அத்தி² லோகியோ, அத்தி² லோகுத்தரோ.

திவிதே⁴ன வேத³னாக்க²ந்தோ⁴ – அத்தி² ஸம்கிலிட்ட²ஸம்கிலேஸிகோ, அத்தி² அஸம்கிலிட்ட²ஸம்கிலேஸிகோ, அத்தி² அஸம்கிலிட்ட²அஸம்கிலேஸிகோ…பே…. ஏவம் த³ஸவிதே⁴ன வேத³னாக்க²ந்தோ⁴.

47. ஏகவிதே⁴ன வேத³னாக்க²ந்தோ⁴ – ப²ஸ்ஸஸம்பயுத்தோ.

து³விதே⁴ன வேத³னாக்க²ந்தோ⁴ – அத்தி² கேனசி விஞ்ஞேய்யோ, அத்தி² கேனசி ந விஞ்ஞேய்யோ.

திவிதே⁴ன வேத³னாக்க²ந்தோ⁴ – அத்தி² ஸவிதக்கஸவிசாரோ, அத்தி² அவிதக்கவிசாரமத்தோ, அத்தி² அவிதக்கஅவிசாரோ…பே…. ஏவம் த³ஸவிதே⁴ன வேத³னாக்க²ந்தோ⁴.

48. ஏகவிதே⁴ன வேத³னாக்க²ந்தோ⁴ – ப²ஸ்ஸஸம்பயுத்தோ.

து³விதே⁴ன வேத³னாக்க²ந்தோ⁴ – அத்தி² ஸாஸவோ, அத்தி² அனாஸவோ.

திவிதே⁴ன வேத³னாக்க²ந்தோ⁴ – அத்தி² த³ஸ்ஸனேன பஹாதப்³போ³, அத்தி² பா⁴வனாய பஹாதப்³போ³, அத்தி² நேவ த³ஸ்ஸனேன ந பா⁴வனாய பஹாதப்³போ³…பே…. ஏவம் த³ஸவிதே⁴ன வேத³னாக்க²ந்தோ⁴.

49. ஏகவிதே⁴ன வேத³னாக்க²ந்தோ⁴ – ப²ஸ்ஸஸம்பயுத்தோ.

து³விதே⁴ன வேத³னாக்க²ந்தோ⁴ – அத்தி² ஆஸவஸம்பயுத்தோ, அத்தி² ஆஸவவிப்பயுத்தோ.

திவிதே⁴ன வேத³னாக்க²ந்தோ⁴ – அத்தி² த³ஸ்ஸனேன பஹாதப்³ப³ஹேதுகோ, அத்தி² பா⁴வனாய பஹாதப்³ப³ஹேதுகோ, அத்தி² நேவ த³ஸ்ஸனேன ந பா⁴வனாய பஹாதப்³ப³ஹேதுகோ…பே…. ஏவம் த³ஸவிதே⁴ன வேத³னாக்க²ந்தோ⁴.

50. ஏகவிதே⁴ன வேத³னாக்க²ந்தோ⁴ – ப²ஸ்ஸஸம்பயுத்தோ.

து³விதே⁴ன வேத³னாக்க²ந்தோ⁴ – அத்தி² ஆஸவவிப்பயுத்தஸாஸவோ, அத்தி² ஆஸவவிப்பயுத்தஅனாஸவோ.

திவிதே⁴ன வேத³னாக்க²ந்தோ⁴ – அத்தி² ஆசயகா³மீ, அத்தி² அபசயகா³மீ, அத்தி² நேவாசயகா³மினாபசயகா³மீ…பே…. ஏவம் த³ஸவிதே⁴ன வேத³னாக்க²ந்தோ⁴.

51. ஏகவிதே⁴ன வேத³னாக்க²ந்தோ⁴ – ப²ஸ்ஸஸம்பயுத்தோ.

து³விதே⁴ன வேத³னாக்க²ந்தோ⁴ – அத்தி² ஸம்யோஜனியோ, அத்தி² அஸம்யோஜனியோ.

திவிதே⁴ன வேத³னாக்க²ந்தோ⁴ – அத்தி² ஸேக்கோ², அத்தி² அஸேக்கோ², அத்தி² நேவஸேக்க²னாஸேக்கோ²…பே…. ஏவம் த³ஸவிதே⁴ன வேத³னாக்க²ந்தோ⁴.

52. ஏகவிதே⁴ன வேத³னாக்க²ந்தோ⁴ – ப²ஸ்ஸஸம்பயுத்தோ.

து³விதே⁴ன வேத³னாக்க²ந்தோ⁴ – அத்தி² ஸம்யோஜனஸம்பயுத்தோ, அத்தி² ஸம்யோஜனவிப்பயுத்தோ.

திவிதே⁴ன வேத³னாக்க²ந்தோ⁴ – அத்தி² பரித்தோ, அத்தி² மஹக்³க³தோ, அத்தி² அப்பமாணோ…பே…. ஏவம் த³ஸவிதே⁴ன வேத³னாக்க²ந்தோ⁴.

53. ஏகவிதே⁴ன வேத³னாக்க²ந்தோ⁴ – ப²ஸ்ஸஸம்பயுத்தோ.

து³விதே⁴ன வேத³னாக்க²ந்தோ⁴ – அத்தி² ஸம்யோஜனவிப்பயுத்தஸம்யோஜனியோ, அத்தி² ஸம்யோஜனவிப்பயுத்தஅஸம்யோஜனியோ.

திவிதே⁴ன வேத³னாக்க²ந்தோ⁴ – அத்தி² பரித்தாரம்மணோ, அத்தி² மஹக்³க³தாரம்மணோ, அத்தி² அப்பமாணாரம்மணோ…பே…. ஏவம் த³ஸவிதே⁴ன வேத³னாக்க²ந்தோ⁴.