3. பஞ்ஹாபுச்ச²கம்

699. சதஸ்ஸோ அப்பமஞ்ஞாயோ – இத⁴ பி⁴க்கு² மேத்தாஸஹக³தேன சேதஸா ஏகம் தி³ஸம் ப²ரித்வா விஹரதி ததா² து³தியம் ததா² ததியம் ததா² சதுத்த²ம், இதி உத்³த⁴மதோ⁴ திரியம் ஸப்³ப³தி⁴ ஸப்³ப³த்ததாய ஸப்³பா³வந்தம் லோகம் மேத்தாஸஹக³தேன சேதஸா விபுலேன மஹக்³க³தேன அப்பமாணேன அவேரேன அப்³யாபஜ்ஜேன ப²ரித்வா விஹரதி; கருணாஸஹக³தேன சேதஸா ஏகம் தி³ஸம் ப²ரித்வா விஹரதி ததா² து³தியம் ததா² ததியம் ததா² சதுத்த²ம், இதி உத்³த⁴மதோ⁴ திரியம் ஸப்³ப³தி⁴ ஸப்³ப³த்ததாய ஸப்³பா³வந்தம் லோகம் கருணாஸஹக³தேன சேதஸா விபுலேன மஹக்³க³தேன அப்பமாணேன அவேரேன அப்³யாபஜ்ஜேன ப²ரித்வா விஹரதி; முதி³தாஸஹக³தேன சேதஸா ஏகம் தி³ஸம் ப²ரித்வா விஹரதி ததா² து³தியம் ததா² ததியம் ததா² சதுத்த²ம், இதி உத்³த⁴மதோ⁴ திரியம் ஸப்³ப³தி⁴ ஸப்³ப³த்ததாய ஸப்³பா³வந்தம் லோகம் முதி³தாஸஹக³தேன சேதஸா விபுலேன மஹக்³க³தேன அப்பமாணேன அவேரேன அப்³யாபஜ்ஜேன ப²ரித்வா விஹரதி; உபேக்கா²ஸஹக³தேன சேதஸா ஏகம் தி³ஸம் ப²ரித்வா விஹரதி ததா² து³தியம் ததா² ததியம் ததா² சதுத்த²ம், இதி உத்³த⁴மதோ⁴ திரியம் ஸப்³ப³தி⁴ ஸப்³ப³த்ததாய ஸப்³பா³வந்தம் லோகம் உபேக்கா²ஸஹக³தேன சேதஸா விபுலேன மஹக்³க³தேன அப்பமாணேன அவேரேன அப்³யாபஜ்ஜேன ப²ரித்வா விஹரதி.

700. சதுன்னம் அப்பமஞ்ஞானம் கதி குஸலா, கதி அகுஸலா, கதி அப்³யாகதா…பே… கதி ஸரணா, கதி அரணா?

1. திகம்

701. ஸியா குஸலா, ஸியா அப்³யாகதா. திஸ்ஸோ அப்பமஞ்ஞாயோ ஸுகா²ய வேத³னாய ஸம்பயுத்தா, உபேக்கா² அது³க்க²மஸுகா²ய வேத³னாய ஸம்பயுத்தா. ஸியா விபாகா, ஸியா விபாகத⁴ம்மத⁴ம்மா, ஸியா நேவவிபாகனவிபாகத⁴ம்மத⁴ம்மா. ஸியா உபாதி³ன்னுபாதா³னியா, ஸியா அனுபாதி³ன்னுபாதா³னியா. அஸம்கிலிட்ட²ஸம்கிலேஸிகா. திஸ்ஸோ அப்பமஞ்ஞாயோ ஸியா ஸவிதக்கஸவிசாரா, ஸியா அவிதக்கவிசாரமத்தா, ஸியா அவிதக்கஅவிசாரா; உபேக்கா² அவிதக்கஅவிசாரா. திஸ்ஸோ அப்பமஞ்ஞாயோ ஸியா பீதிஸஹக³தா, ஸியா ஸுக²ஸஹக³தா, ந உபேக்கா²ஸஹக³தா, ஸியா ந வத்தப்³பா³ பீதிஸஹக³தாதி; உபேக்கா² உபேக்கா²ஸஹக³தா. நேவ த³ஸ்ஸனேன ந பா⁴வனாய பஹாதப்³பா³. நேவ த³ஸ்ஸனேன ந பா⁴வனாய பஹாதப்³ப³ஹேதுகா. ஸியா ஆசயகா³மினோ, ஸியா நேவாசயகா³மினாபசயகா³மினோ, நேவஸேக்க²னாஸேக்கா², மஹக்³க³தா, ந வத்தப்³பா³ பரித்தாரம்மணாதிபி, மஹக்³க³தாரம்மணாதிபி, அப்பமாணாரம்மணாதிபி. மஜ்ஜி²மா, அனியதா, ந வத்தப்³பா³ மக்³கா³ரம்மணாதிபி, மக்³க³ஹேதுகாதிபி, மக்³கா³தி⁴பதினோதிபி. ஸியா உப்பன்னா, ஸியா அனுப்பன்னா, ஸியா உப்பாதி³னோ. ஸியா அதீதா, ஸியா அனாக³தா, ஸியா பச்சுப்பன்னா. ந வத்தப்³பா³ அதீதாரம்மணாதிபி, அனாக³தாரம்மணாதிபி, பச்சுப்பன்னாரம்மணாதிபி. ஸியா அஜ்ஜ²த்தா, ஸியா ப³ஹித்³தா⁴, ஸியா அஜ்ஜ²த்தப³ஹித்³தா⁴, ப³ஹித்³தா⁴ரம்மணா, அனித³ஸ்ஸனஅப்படிகா⁴.

2. து³கம்

702. மேத்தா ஹேது, திஸ்ஸோ அப்பமஞ்ஞாயோ ந ஹேதூ, ஸஹேதுகா, ஹேதுஸம்பயுத்தா. மேத்தா ஹேது சேவ ஸஹேதுகா ச; திஸ்ஸோ அப்பமஞ்ஞாயோ ந வத்தப்³பா³ ஹேதூ சேவ ஸஹேதுகா சாதி, ஸஹேதுகா சேவ ந ச ஹேதூ. மேத்தா ஹேது சேவ ஹேதுஸம்பயுத்தா ச; திஸ்ஸோ அப்பமஞ்ஞாயோ ந வத்தப்³பா³ ஹேதூ சேவ ஹேதுஸம்பயுத்தா சாதி, ஹேதுஸம்பயுத்தா சேவ ந ச ஹேதூ. திஸ்ஸோ அப்பமஞ்ஞாயோ ந ஹேதூ ஸஹேதுகா; மேத்தா ந வத்தப்³பா³ ந ஹேது ஸஹேதுகாதிபி, ந ஹேது அஹேதுகாதிபி.

ஸப்பச்சயா, ஸங்க²தா, அனித³ஸ்ஸனா, அப்படிகா⁴, அரூபா, லோகியா, கேனசி விஞ்ஞேய்யா, கேனசி ந விஞ்ஞேய்யா, நோ ஆஸவா, ஸாஸவா, ஆஸவவிப்பயுத்தா, ந வத்தப்³பா³ ஆஸவா சேவ ஸாஸவா சாதி, ஸாஸவா சேவ நோ ச ஆஸவா, ந வத்தப்³பா³ ஆஸவா சேவ ஆஸவஸம்பயுத்தா சாதிபி, ஆஸவஸம்பயுத்தா சேவ நோ ச ஆஸவாதிபி. ஆஸவவிப்பயுத்தா ஸாஸவா.

நோ ஸம்யோஜனா…பே… நோ க³ந்தா²…பே… நோ ஓகா⁴…பே… நோ யோகா³…பே… நோ நீவரணா…பே… நோ பராமாஸா …பே… ஸாரம்மணா, நோ சித்தா, சேதஸிகா, சித்தஸம்பயுத்தா, சித்தஸம்ஸட்டா², சித்தஸமுட்டா²னா, சித்தஸஹபு⁴னோ, சித்தானுபரிவத்தினோ, சித்தஸம்ஸட்ட²ஸமுட்டா²னா, சித்தஸம்ஸட்ட²ஸமுட்டா²னஸஹபு⁴னோ, சித்தஸம்ஸட்ட²ஸமுட்டா²னானுபரிவத்தினோ, பா³ஹிரா, நோ உபாதா³, ஸியா உபாதி³ன்னா, ஸியா அனுபாதி³ன்னா.

நோ உபாதா³னா…பே… நோ கிலேஸா…பே… ந த³ஸ்ஸனேன பஹாதப்³பா³, ந பா⁴வனாய பஹாதப்³பா³, ந த³ஸ்ஸனேன பஹாதப்³ப³ஹேதுகா, ந பா⁴வனாய பஹாதப்³ப³ஹேதுகா. திஸ்ஸோ அப்பமஞ்ஞாயோ ஸியா ஸவிதக்கா, ஸியா அவிதக்கா; உபேக்கா² அவிதக்கா. திஸ்ஸோ அப்பமஞ்ஞாயோ ஸியா ஸவிசாரா, ஸியா அவிசாரா; உபேக்கா² அவிசாரா. திஸ்ஸோ அப்பமஞ்ஞாயோ ஸியா ஸப்பீதிகா, ஸியா அப்பீதிகா; உபேக்கா² அப்பீதிகா. திஸ்ஸோ அப்பமஞ்ஞாயோ ஸியா பீதிஸஹக³தா, ஸியா ந பீதிஸஹக³தா; உபேக்கா² ந பீதிஸஹக³தா. திஸ்ஸோ அப்பமஞ்ஞாயோ ஸுக²ஸஹக³தா, உபேக்கா² ந ஸுக²ஸஹக³தா. உபேக்கா² உபேக்கா²ஸஹக³தா, திஸ்ஸோ அப்பமஞ்ஞாயோ ந உபேக்கா²ஸஹக³தா, ந காமாவசரா, ரூபாவசரா, ந அரூபாவசரா, பரியாபன்னா, அனிய்யானிகா, அனியதா, ஸஉத்தரா, அரணாதி.

பஞ்ஹாபுச்ச²கம்.

அப்பமஞ்ஞாவிப⁴ங்கோ³ நிட்டி²தோ.