14. ஸிக்கா²பத³விப⁴ங்கோ³

1. அபி⁴த⁴ம்மபா⁴ஜனீயம்

703. பஞ்ச ஸிக்கா²பதா³னி – பாணாதிபாதா வேரமணீ ஸிக்கா²பத³ம், அதி³ன்னாதா³னா வேரமணீ ஸிக்கா²பத³ம், காமேஸுமிச்சா²சாரா வேரமணீ ஸிக்கா²பத³ம், முஸாவாதா³ வேரமணீ ஸிக்கா²பத³ம், ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம்.

704. தத்த² கதமம் பாணாதிபாதா வேரமணீ ஸிக்கா²பத³ம்? யஸ்மிம் ஸமயே காமாவசரம் குஸலம் சித்தம் உப்பன்னம் ஹோதி ஸோமனஸ்ஸஸஹக³தம் ஞாணஸம்பயுத்தம் பாணாதிபாதா விரமந்தஸ்ஸ, யா தஸ்மிம் ஸமயே பாணாதிபாதா ஆரதி விரதி படிவிரதி வேரமணீ அகிரியா அகரணம் அனஜ்ஜா²பத்தி வேலாஅனதிக்கமோ ஸேதுகா⁴தோ – இத³ம் வுச்சதி ‘‘பாணாதிபாதா வேரமணீ ஸிக்கா²பத³ம்’’. அவஸேஸா த⁴ம்மா வேரமணியா ஸம்பயுத்தா.

தத்த² கதமம் பாணாதிபாதா வேரமணீ ஸிக்கா²பத³ம்? யஸ்மிம் ஸமயே காமாவசரம் குஸலம் சித்தம் உப்பன்னம் ஹோதி ஸோமனஸ்ஸஸஹக³தம் ஞாணஸம்பயுத்தம் பாணாதிபாதா விரமந்தஸ்ஸ, யா தஸ்மிம் ஸமயே சேதனா ஸஞ்சேதனா ஸஞ்சேதயிதத்தம் – இத³ம் வுச்சதி ‘‘பாணாதிபாதா வேரமணீ ஸிக்கா²பத³ம்’’. அவஸேஸா த⁴ம்மா சேதனாய ஸம்பயுத்தா.

தத்த² கதமம் பாணாதிபாதா வேரமணீ ஸிக்கா²பத³ம்? யஸ்மிம் ஸமயே காமாவசரம் குஸலம் சித்தம் உப்பன்னம் ஹோதி ஸோமனஸ்ஸஸஹக³தம் ஞாணஸம்பயுத்தம் பாணாதிபாதா விரமந்தஸ்ஸ, யோ தஸ்மிம் ஸமயே ப²ஸ்ஸோ…பே… பக்³கா³ஹோ அவிக்கே²போ – இத³ம் வுச்சதி ‘‘பாணாதிபாதா வேரமணீ ஸிக்கா²பத³ம்’’.

தத்த² கதமம் பாணாதிபாதா வேரமணீ ஸிக்கா²பத³ம்? யஸ்மிம் ஸமயே காமாவசரம் குஸலம் சித்தம் உப்பன்னம் ஹோதி ஸோமனஸ்ஸஸஹக³தம் ஞாணஸம்பயுத்தம் ஸஸங்கா²ரேன…பே… ஸோமனஸ்ஸஸஹக³தம் ஞாணவிப்பயுத்தம்…பே… ஸோமனஸ்ஸஸஹக³தம் ஞாணவிப்பயுத்தம் ஸஸங்கா²ரேன…பே… உபேக்கா²ஸஹக³தம் ஞாணஸம்பயுத்தம்…பே… உபேக்கா²ஸஹக³தம் ஞாணஸம்பயுத்தம் ஸஸங்கா²ரேன…பே… உபேக்கா²ஸஹக³தம் ஞாணவிப்பயுத்தம்…பே… உபேக்கா²ஸஹக³தம் ஞாணவிப்பயுத்தம் ஸஸங்கா²ரேன பாணாதிபாதா விரமந்தஸ்ஸ, யா தஸ்மிம் ஸமயே பாணாதிபாதா ஆரதி விரதி படிவிரதி வேரமணீ அகிரியா அகரணம் அனஜ்ஜா²பத்தி வேலாஅனதிக்கமோ ஸேதுகா⁴தோ – இத³ம் வுச்சதி ‘‘பாணாதிபாதா வேரமணீ ஸிக்கா²பத³ம்’’. அவஸேஸா த⁴ம்மா வேரமணியா ஸம்பயுத்தா.

705. தத்த² கதமம் பாணாதிபாதா வேரமணீ ஸிக்கா²பத³ம்? யஸ்மிம் ஸமயே காமாவசரம் குஸலம் சித்தம் உப்பன்னம் ஹோதி உபேக்கா²ஸஹக³தம் ஞாணவிப்பயுத்தம் ஸஸங்கா²ரேன பாணாதிபாதா விரமந்தஸ்ஸ, யா தஸ்மிம் ஸமயே சேதனா ஸஞ்சேதனா ஸஞ்சேதயிதத்தம் – இத³ம் வுச்சதி ‘‘பாணாதிபாதா வேரமணீ ஸிக்கா²பத³ம்’’. அவஸேஸா த⁴ம்மா சேதனாய ஸம்பயுத்தா.

தத்த² கதமம் பாணாதிபாதா வேரமணீ ஸிக்கா²பத³ம்? யஸ்மிம் ஸமயே காமாவசரம் குஸலம் சித்தம் உப்பன்னம் ஹோதி உபேக்கா²ஸஹக³தம் ஞாணவிப்பயுத்தம் ஸஸங்கா²ரேன பாணாதிபாதா விரமந்தஸ்ஸ ப²ஸ்ஸோ…பே… பக்³கா³ஹோ அவிக்கே²போ – இத³ம் வுச்சதி ‘‘பாணாதிபாதா வேரமணீ ஸிக்கா²பத³ம்’’.

706. தத்த² கதமம் அதி³ன்னாதா³னா வேரமணீ ஸிக்கா²பத³ம்…பே… காமேஸுமிச்சா²சாரா வேரமணீ ஸிக்கா²பத³ம்…பே… முஸாவாதா³ வேரமணீ ஸிக்கா²பத³ம்…பே… ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம்? யஸ்மிம் ஸமயே காமாவசரம் குஸலம் சித்தம் உப்பன்னம் ஹோதி ஸோமனஸ்ஸஸஹக³தம் ஞாணஸம்பயுத்தம் ஸுராமேரயமஜ்ஜபமாத³ட்டா²னா விரமந்தஸ்ஸ, யா தஸ்மிம் ஸமயே ஸுராமேரயமஜ்ஜபமாத³ட்டா²னா ஆரதி விரதி படிவிரதி வேரமணீ அகிரியா அகரணம் அனஜ்ஜா²பத்தி வேலாஅனதிக்கமோ ஸேதுகா⁴தோ – இத³ம் வுச்சதி ‘‘ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம்’’. அவஸேஸா த⁴ம்மா வேரமணியா ஸம்பயுத்தா.

தத்த² கதமம் ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம், யஸ்மிம் ஸமயே காமாவசரம் குஸலம் சித்தம் உப்பன்னம் ஹோதி ஸோமனஸ்ஸஸஹக³தம் ஞாணஸம்பயுத்தம் ஸுராமேரயமஜ்ஜபமாத³ட்டா²னா விரமந்தஸ்ஸ, யா தஸ்மிம் ஸமயே சேதனா ஸஞ்சேதனா ஸஞ்சேதயிதத்தம் – இத³ம் வுச்சதி ‘‘ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம்’’. அவஸேஸா த⁴ம்மா சேதனாய ஸம்பயுத்தா.

தத்த² கதமம் ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம்? யஸ்மிம் ஸமயே காமாவசரம் குஸலம் சித்தம் உப்பன்னம் ஹோதி ஸோமனஸ்ஸஸஹக³தம் ஞாணஸம்பயுத்தம் ஸுராமேரயமஜ்ஜபமாத³ட்டா²னா விரமந்தஸ்ஸ, யோ தஸ்மிம் ஸமயே ப²ஸ்ஸோ…பே… பக்³கா³ஹோ அவிக்கே²போ – இத³ம் வுச்சதி ‘‘ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம்’’.

தத்த² கதமம் ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம்? யஸ்மிம் ஸமயே காமாவசரம் குஸலம் சித்தம் உப்பன்னம் ஹோதி ஸோமனஸ்ஸஸஹக³தம் ஞாணஸம்பயுத்தம் ஸஸங்கா²ரேன…பே… ஸோமனஸ்ஸஸஹக³தம் ஞாணவிப்பயுத்தம்…பே… ஸோமனஸ்ஸஸஹக³தம் ஞாணவிப்பயுத்தம் ஸஸங்கா²ரேன…பே… உபேக்கா²ஸஹக³தம் ஞாணஸம்பயுத்தம்…பே… உபேக்கா²ஸஹக³தம் ஞாணஸம்பயுத்தம் ஸஸங்கா²ரேன…பே… உபேக்கா²ஸஹக³தம் ஞாணவிப்பயுத்தம்…பே… உபேக்கா²ஸஹக³தம் ஞாணவிப்பயுத்தம் ஸஸங்கா²ரேன ஸுராமேரயமஜ்ஜபமாத³ட்டா²னா விரமந்தஸ்ஸ, யா தஸ்மிம் ஸமயே ஸுராமேரயமஜ்ஜபமாத³ட்டா²னா ஆரதி விரதி படிவிரதி வேரமணீ அகிரியா அகரணம் அனஜ்ஜா²பத்தி வேலாஅனதிக்கமோ ஸேதுகா⁴தோ – இத³ம் வுச்சதி ‘‘ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம்’’. அவஸேஸா த⁴ம்மா வேரமணியா ஸம்பயுத்தா.

707. தத்த² கதமம் ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம்? யஸ்மிம் ஸமயே காமாவசரம் குஸலம் சித்தம் உப்பன்னம் ஹோதி உபேக்கா²ஸஹக³தம் ஞாணவிப்பயுத்தம் ஸஸங்கா²ரேன ஸுராமேரயமஜ்ஜபமாத³ட்டா²னா விரமந்தஸ்ஸ, யா தஸ்மிம் ஸமயே சேதனா ஸஞ்சேதனா ஸஞ்சேதயிதத்தம் – இத³ம் வுச்சதி ‘‘ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம்’’. அவஸேஸா த⁴ம்மா சேதனாய ஸம்பயுத்தா.

தத்த² கதமம் ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம்? யஸ்மிம் ஸமயே காமாவசரம் குஸலம் சித்தம் உப்பன்னம் ஹோதி உபேக்கா²ஸஹக³தம் ஞாணவிப்பயுத்தம் ஸஸங்கா²ரேன ஸுராமேரயமஜ்ஜபமாத³ட்டா²னா விரமந்தஸ்ஸ, யோ தஸ்மிம் ஸமயே ப²ஸ்ஸோ…பே… பக்³கா³ஹோ அவிக்கே²போ – இத³ம் வுச்சதி ‘‘ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம்’’.

708. பஞ்ச ஸிக்கா²பதா³னி – பாணாதிபாதா வேரமணீ ஸிக்கா²பத³ம், அதி³ன்னாதா³னா வேரமணீ ஸிக்கா²பத³ம், காமேஸுமிச்சா²சாரா வேரமணீ ஸிக்கா²பத³ம், முஸாவாதா³ வேரமணீ ஸிக்கா²பத³ம், ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம்.

709. தத்த² கதமம் பாணாதிபாதா வேரமணீ ஸிக்கா²பத³ம்? யஸ்மிம் ஸமயே காமாவசரம் குஸலம் சித்தம் உப்பன்னம் ஹோதி ஸோமனஸ்ஸஸஹக³தம் ஞாணஸம்பயுத்தம் ஹீனம்… மஜ்ஜி²மம்… பணீதம்… ச²ந்தா³தி⁴பதேய்யம்… வீரியாதி⁴பதேய்யம்… சித்தாதி⁴பதேய்யம்… வீமம்ஸாதி⁴பதேய்யம்… ச²ந்தா³தி⁴பதேய்யம் ஹீனம்… மஜ்ஜி²மம்… பணீதம்… வீரியாதி⁴பதேய்யம் ஹீனம்… மஜ்ஜி²மம்… பணீதம்… சித்தாதி⁴பதேய்யம் ஹீனம்… மஜ்ஜி²மம்… பணீதம்… வீமம்ஸாதி⁴பதேய்யம் ஹீனம்… மஜ்ஜி²மம்… பணீதம் பாணாதிபாதா விரமந்தஸ்ஸ, யா தஸ்மிம் ஸமயே பாணாதிபாதா ஆரதி விரதி படிவிரதி வேரமணீ அகிரியா அகரணம் அனஜ்ஜா²பத்தி வேலாஅனதிக்கமோ ஸேதுகா⁴தோ – இத³ம் வுச்சதி ‘‘பாணாதிபாதா வேரமணீ ஸிக்கா²பத³ம்’’. அவஸேஸா த⁴ம்மா வேரமணியா ஸம்பயுத்தா.

தத்த² கதமம் பாணாதிபாதா வேரமணீ ஸிக்கா²பத³ம்? யஸ்மிம் ஸமயே காமாவசரம் குஸலம் சித்தம் உப்பன்னம் ஹோதி ஸோமனஸ்ஸஸஹக³தம் ஞாணஸம்பயுத்தம் ஹீனம்… மஜ்ஜி²மம்… பணீதம்… ச²ந்தா³தி⁴பதேய்யம்… வீரியாதி⁴பதேய்யம்… சித்தாதி⁴பதேய்யம்… வீமம்ஸாதி⁴பதேய்யம்… ச²ந்தா³தி⁴பதேய்யம் ஹீனம்… மஜ்ஜி²மம்… பணீதம்… வீரியாதி⁴பதேய்யம் ஹீனம்… மஜ்ஜி²மம்… பணீதம்… சித்தாதி⁴பதேய்யம் ஹீனம்… மஜ்ஜி²மம்… பணீதம்… வீமம்ஸாதி⁴பதேய்யம் ஹீனம்… மஜ்ஜி²மம்… பணீதம் பாணாதிபாதா விரமந்தஸ்ஸ, யா தஸ்மிம் ஸமயே சேதனா ஸஞ்சேதனா ஸஞ்சேதயிதத்தம் – இத³ம் வுச்சதி ‘‘பாணாதிபாதா வேரமணீ ஸிக்கா²பத³ம்’’. அவஸேஸா த⁴ம்மா சேதனாய ஸம்பயுத்தா.

தத்த² கதமம் பாணாதிபாதா வேரமணீ ஸிக்கா²பத³ம்? யஸ்மிம் ஸமயே காமாவசரம் குஸலம் சித்தம் உப்பன்னம் ஹோதி ஸோமனஸ்ஸஸஹக³தம் ஞாணஸம்பயுத்தம் ஹீனம்… மஜ்ஜி²மம்… பணீதம்… ச²ந்தா³தி⁴பதேய்யம்… வீரியாதி⁴பதேய்யம்… சித்தாதி⁴பதேய்யம்… வீமம்ஸாதி⁴பதேய்யம்… ச²ந்தா³தி⁴பதேய்யம் ஹீனம்… மஜ்ஜி²மம்… பணீதம்… வீரியாதி⁴பதேய்யம் ஹீனம்… மஜ்ஜி²மம்… பணீதம்… சித்தாதி⁴பதேய்யம் ஹீனம்… மஜ்ஜி²மம்… பணீதம்… வீமம்ஸாதி⁴பதேய்யம் ஹீனம்… மஜ்ஜி²மம் … பணீதம் பாணாதிபாதா விரமந்தஸ்ஸ, யோ தஸ்மிம் ஸமயே ப²ஸ்ஸோ…பே… பக்³கா³ஹோ அவிக்கே²போ – இத³ம் வுச்சதி ‘‘பாணாதிபாதா வேரமணீ ஸிக்கா²பத³ம்’’.

தத்த² கதமம் பாணாதிபாதா வேரமணீ ஸிக்கா²பத³ம்? யஸ்மிம் ஸமயே காமாவசரம் குஸலம் சித்தம் உப்பன்னம் ஹோதி ஸோமனஸ்ஸஸஹக³தம் ஞாணஸம்பயுத்தம் ஸஸங்கா²ரேன…பே… ஸோமனஸ்ஸஸஹக³தம் ஞாணவிப்பயுத்தம்…பே… ஸோமனஸ்ஸஸஹக³தம் ஞாணவிப்பயுத்தம் ஸஸங்கா²ரேன…பே… உபேக்கா²ஸஹக³தம் ஞாணஸம்பயுத்தம்…பே… உபேக்கா²ஸஹக³தம் ஞாணஸம்பயுத்தம் ஸஸங்கா²ரேன…பே… உபேக்கா²ஸஹக³தம் ஞாணவிப்பயுத்தம்…பே… உபேக்கா²ஸஹக³தம் ஞாணவிப்பயுத்தம் ஸஸங்கா²ரேன ஹீனம்… மஜ்ஜி²மம்… பணீதம்… ச²ந்தா³தி⁴பதேய்யம்… வீரியாதி⁴பதேய்யம்… சித்தாதி⁴பதேய்யம்… ச²ந்தா³தி⁴பதேய்யம் ஹீனம்… மஜ்ஜி²மம்… பணீதம்… வீரியாதி⁴பதேய்யம் ஹீனம்… மஜ்ஜி²மம்… பணீதம்… சித்தாதி⁴பதேய்யம் ஹீனம்… மஜ்ஜி²மம்… பணீதம் பாணாதிபாதா விரமந்தஸ்ஸ, யா தஸ்மிம் ஸமயே பாணாதிபாதா ஆரதி விரதி படிவிரதி வேரமணீ அகிரியா அகரணம் அனஜ்ஜா²பத்தி வேலாஅனதிக்கமோ ஸேதுகா⁴தோ – இத³ம் வுச்சதி ‘‘பாணாதிபாதா வேரமணீ ஸிக்கா²பத³ம்’’. அவஸேஸா த⁴ம்மா வேரமணியா ஸம்பயுத்தா…பே… அவஸேஸா த⁴ம்மா சேதனாய ஸம்பயுத்தா…பே… ப²ஸ்ஸோ…பே… பக்³கா³ஹோ அவிக்கே²போ – இத³ம் வுச்சதி ‘‘பாணாதிபாதா வேரமணீ ஸிக்கா²பத³ம்’’.

710. தத்த² கதமம் அதி³ன்னாதா³னா வேரமணீ ஸிக்கா²பத³ம்…பே… காமேஸுமிச்சா²சாரா வேரமணீ ஸிக்கா²பத³ம்…பே… முஸாவாதா³ வேரமணீ ஸிக்கா²பத³ம்…பே… ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம்? யஸ்மிம் ஸமயே காமாவசரம் குஸலம் சித்தம் உப்பன்னம் ஹோதி ஸோமனஸ்ஸஸஹக³தம் ஞாணஸம்பயுத்தம் ஹீனம்… மஜ்ஜி²மம்… பணீதம்… ச²ந்தா³தி⁴பதேய்யம்… வீரியாதி⁴பதேய்யம் … சித்தாதி⁴பதேய்யம்… வீமம்ஸாதி⁴பதேய்யம்… ச²ந்தா³தி⁴பதேய்யம் ஹீனம்… மஜ்ஜி²மம்… பணீதம்… வீரியாதி⁴பதேய்யம் ஹீனம்… மஜ்ஜி²மம்… பணீதம்… சித்தாதி⁴பதேய்யம் ஹீனம்… மஜ்ஜி²மம்… பணீதம்… வீமம்ஸாதி⁴பதேய்யம் ஹீனம்… மஜ்ஜி²மம்… பணீதம் ஸுராமேரயமஜ்ஜபமாத³ட்டா²னா விரமந்தஸ்ஸ, யா தஸ்மிம் ஸமயே ஸுராமேரயமஜ்ஜபமாத³ட்டா²னா ஆரதி விரதி படிவிரதி வேரமணீ அகிரியா அகரணம் அனஜ்ஜா²பத்தி வேலாஅனதிக்கமோ ஸேதுகா⁴தோ – இத³ம் வுச்சதி ‘‘ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம்’’. அவஸேஸா த⁴ம்மா வேரமணியா ஸம்பயுத்தா …பே… அவஸேஸா த⁴ம்மா சேதனாய ஸம்பயுத்தா…பே… ப²ஸ்ஸோ…பே… பக்³கா³ஹோ அவிக்கே²போ – இத³ம் வுச்சதி ‘‘ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம்’’.

711. தத்த² கதமம் ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம்? யஸ்மிம் ஸமயே காமாவசரே குஸலம் சித்தம் உப்பன்னம் ஹோதி ஸோமனஸ்ஸஸஹக³தம் ஞாணஸம்பயுத்தம் ஸஸங்கா²ரேன…பே… ஸோமனஸ்ஸஸஹக³தம் ஞாணவிப்பயுத்தம்…பே… ஸோமனஸ்ஸஸஹக³தம் ஞாணவிப்பயுத்தம் ஸஸங்கா²ரேன…பே… உபேக்கா²ஸஹக³தம் ஞாணஸம்பயுத்தம்…பே… உபேக்கா²ஸஹக³தம் ஞாணஸம்பயுத்தம் ஸஸங்கா²ரேன…பே… உபேக்கா²ஸஹக³தம் ஞாணவிப்பயுத்தம்…பே… உபேக்கா²ஸஹக³தம் ஞாணவிப்பயுத்தம் ஸஸங்கா²ரேன ஹீனம்… மஜ்ஜி²மம்… பணீதம்… ச²ந்தா³தி⁴பதேய்யம்… வீரியாதி⁴பதேய்யம்… சித்தாதி⁴பதேய்யம்… ச²ந்தா³தி⁴பதேய்யம் ஹீனம்… மஜ்ஜி²மம்… பணீதம்… வீரியாதி⁴பதேய்யம் ஹீனம்… மஜ்ஜி²மம்… பணீதம்… சித்தாதி⁴பதேய்யம் ஹீனம்… மஜ்ஜி²மம் பணீதம் ஸுராமேரயமஜ்ஜபமாத³ட்டா²னா விரமந்தஸ்ஸ, யா தஸ்மிம் ஸமயே ஸுராமேரயமஜ்ஜபமாத³ட்டா²னா ஆரதி விரதி படிவிரதி வேரமணீ அகிரியா அகரணம் அனஜ்ஜா²பத்தி வேலாஅனதிக்கமோ ஸேதுகா⁴தோ – இத³ம் வுச்சதி ‘‘ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம்’’. அவஸேஸா த⁴ம்மா வேரமணியா ஸம்பயுத்தா…பே… அவஸேஸா த⁴ம்மா சேதனாய ஸம்பயுத்தா…பே… ப²ஸ்ஸோ…பே… பக்³கா³ஹோ அவிக்கே²போ – இத³ம் வுச்சதி ‘‘ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம்’’.

712. கதமே த⁴ம்மா ஸிக்கா²? யஸ்மிம் ஸமயே காமாவசரம் குஸலம் சித்தம் உப்பன்னம் ஹோதி ஸோமனஸ்ஸஸஹக³தம் ஞாணஸம்பயுத்தம் ரூபாரம்மணம் வா…பே… த⁴ம்மாரம்மணம் வா யம் யம் வா பனாரப்³ப⁴, தஸ்மிம் ஸமயே ப²ஸ்ஸோ ஹோதி…பே… அவிக்கே²போ ஹோதி. இமே த⁴ம்மா ஸிக்கா².

கதமே த⁴ம்மா ஸிக்கா²? யஸ்மிம் ஸமயே காமாவசரம் குஸலம் சித்தம் உப்பன்னம் ஹோதி ஸோமனஸ்ஸஸஹக³தம் ஞாணஸம்பயுத்தம் ஸஸங்கா²ரேன…பே… ஸோமனஸ்ஸஸஹக³தம் ஞாணவிப்பயுத்தம்…பே… ஸோமனஸ்ஸஸஹக³தம் ஞாணவிப்பயுத்தம் ஸஸங்கா²ரேன…பே… உபேக்கா²ஸஹக³தம் ஞாணஸம்பயுத்தம்…பே… உபேக்கா²ஸஹக³தம் ஞாணஸம்பயுத்தம் ஸஸங்கா²ரேன…பே… உபேக்கா²ஸஹக³தம் ஞாணவிப்பயுத்தம்…பே… உபேக்கா²ஸஹக³தம் ஞாணவிப்பயுத்தம் ஸஸங்கா²ரேன ரூபாரம்மணம் வா…பே… த⁴ம்மாரம்மணம் வா யம் யம் வா பனாரப்³ப⁴, தஸ்மிம் ஸமயே ப²ஸ்ஸோ ஹோதி…பே… அவிக்கே²போ ஹோதி. இமே த⁴ம்மா ஸிக்கா².

713. கதமே த⁴ம்மா ஸிக்கா²? யஸ்மிம் ஸமயே ரூபூபபத்தியா மக்³க³ம் பா⁴வேதி…பே… அரூபூபபத்தியா மக்³க³ம் பா⁴வேதி…பே… லோகுத்தரம் ஜா²னம் பா⁴வேதி நிய்யானிகம் அபசயகா³மிம் தி³ட்டி²க³தானம் பஹானாய பட²மாய பூ⁴மியா பத்தியா விவிச்சேவ காமேஹி…பே… பட²மம் ஜா²னம் உபஸம்பஜ்ஜ விஹரதி து³க்க²படிபத³ம் த³ந்தா⁴பி⁴ஞ்ஞம், தஸ்மிம் ஸமயே ப²ஸ்ஸோ ஹோதி…பே… அவிக்கே²போ ஹோதி. இமே த⁴ம்மா ஸிக்கா².

அபி⁴த⁴ம்மபா⁴ஜனீயம்.

2. பஞ்ஹாபுச்ச²கம்

714. பஞ்ச ஸிக்கா²பதா³னி – பாணாதிபாதா வேரமணீ ஸிக்கா²பத³ம், அதி³ன்னாதா³னா வேரமணீ ஸிக்கா²பத³ம், காமேஸுமிச்சா²சாரா வேரமணீ ஸிக்கா²பத³ம், முஸாவாதா³ வேரமணீ ஸிக்கா²பத³ம், ஸுராமேரயமஜ்ஜபமாத³ட்டா²னா வேரமணீ ஸிக்கா²பத³ம்.

715. பஞ்சன்னம் ஸிக்கா²பதா³னம் கதி குஸலா, கதி அகுஸலா, கதி அப்³யாகதா…பே… கதி ஸரணா, கதி அரணா?

1. திகம்

716. குஸலாயேவ. ஸியா ஸுகா²ய வேத³னாய ஸம்பயுத்தா, ஸியா அது³க்க²மஸுகா²ய வேத³னாய ஸம்பயுத்தா, விபாகத⁴ம்மத⁴ம்மா, அனுபாதி³ன்னுபாதா³னியா, அஸம்கிலிட்ட²ஸம்கிலேஸிகா, ஸவிதக்கஸவிசாரா, ஸியா பீதிஸஹக³தா, ஸியா ஸுக²ஸஹக³தா, ஸியா உபேக்கா²ஸஹக³தா.

நேவ த³ஸ்ஸனேன ந பா⁴வனாய பஹாதப்³பா³, நேவ த³ஸ்ஸனேன ந பா⁴வனாய பஹாதப்³ப³ஹேதுகா, ஆசயகா³மினோ, நேவஸேக்க²னாஸேக்கா², பரித்தா, பரித்தாரம்மணா, மஜ்ஜி²மா, அனியதா, ந வத்தப்³பா³ மக்³கா³ரம்மணாதிபி, மக்³க³ஹேதுகாதிபி, மக்³கா³தி⁴பதினோதிபி. ஸியா உப்பன்னா, ஸியா அனுப்பன்னா, ந வத்தப்³பா³ உப்பாதி³னோதி, ஸியா அதீதா, ஸியா அனாக³தா, ஸியா பச்சுப்பன்னா, பச்சுப்பன்னாரம்மணா, ஸியா அஜ்ஜ²த்தா, ஸியா ப³ஹித்³தா⁴, ஸியா அஜ்ஜ²த்தப³ஹித்³தா⁴, ப³ஹித்³தா⁴ரம்மணா, அனித³ஸ்ஸனஅப்படிகா⁴.

2. து³கம்

717. ந ஹேதூ ஸஹேதுகா, ஹேதுஸம்பயுத்தா. ந வத்தப்³பா³ ‘‘ஹேதூ சேவ ஸஹேதுகா சா’’தி, ஸஹேதுகா சேவ ந ச ஹேதூ, ந வத்தப்³பா³ ‘‘ஹேதூ சேவ ஹேதுஸம்பயுத்தா சா’’தி, ஹேதுஸம்பயுத்தா சேவ ந ச ஹேதூ, ந ஹேது ஸஹேதூகா, ஸப்பச்சயா, ஸங்க²தா, அனித³ஸ்ஸனா, அப்படிகா⁴, அரூபா, லோகியா, கேனசி விஞ்ஞேய்யா, கேனசி ந விஞ்ஞேய்யா.

நோ ஆஸவா, ஸாஸவா, ஆஸவவிப்பயுத்தா, ந வத்தப்³பா³ ‘‘ஆஸவா சேவ ஸாஸவா சா’’தி, ஸாஸவா சேவ நோ ச ஆஸவா, ந வத்தப்³பா³ ‘‘ஆஸவா சேவ ஆஸவஸம்பயுத்தா சா’’திபி, ‘‘ஆஸவஸம்பயுத்தா சேவ நோ ச ஆஸவா’’திபி. ஆஸவவிப்பயுத்தா ஸாஸவா, நோ ஸம்யோஜனா…பே… நோ க³ந்தா²…பே… நோ ஓகா⁴…பே… நோ யோகா³…பே… நோ நீவரணா…பே… நோ பராமாஸா…பே… ஸாரம்மணா, நோ சித்தா, சேதஸிகா, சித்தஸம்பயுத்தா, சித்தஸம்ஸட்டா², சித்தஸமுட்டா²னா, சித்தஸஹபு⁴னோ, சித்தானுபரிவத்தினோ, சித்தஸம்ஸட்ட²ஸமுட்டா²னா, சித்தஸம்ஸட்ட²ஸமுட்டா²னஸஹபு⁴னோ, சித்தஸம்ஸட்ட²ஸமுட்டா²னானுபரிவத்தினோ, பா³ஹிரா, நோ உபாதா³, அனுபாதி³ன்னா, நோ உபாதா³னா…பே… நோ கிலேஸா.

ந த³ஸ்ஸனேன பஹாதப்³பா³, ந பா⁴வனாயபஹாதப்³பா³, ந த³ஸ்ஸனேன பஹாதப்³ப³ஹேதுகா, ந பா⁴வனாய பஹாதப்³ப³ஹேதுகா, ஸவிதக்கா, ஸவிசாரா, ஸியா ஸப்பீதிகா, ஸியா அப்பீதிகா, ஸியா பீதிஸஹக³தா, ஸியா ந பீதிஸஹக³தா, ஸியா ஸுக²ஸஹக³தா, ஸியா ந ஸுக²ஸஹக³தா, ஸியா உபேக்கா²ஸஹக³தா, ஸியா ந உபேக்கா²ஸஹக³தா, காமாவசரா, ந ரூபாவசரா, ந அரூபாவசரா, பரியாபன்னா, அனிய்யானிகா, அனியதா, ஸஉத்தரா, அரணாதி.

பஞ்ஹாபுச்ச²கம்.

ஸிக்கா²பத³விப⁴ங்கோ³ நிட்டி²தோ.