9. பஞ்ஹே

பச்சி²மம் பச்சி²மம் பத³ந்திஆதீ³ஸு பஞ்ஹோதி புரிமம் பத³ம், ஸம்புச்ச²னாதி பச்சி²மம் பத³ந்திஆதி³னா த³ட்ட²ப்³ப³ம். ஸமேச்ச அஞ்ஞமஞ்ஞம் புச்ச²னா ஸம்புச்ச²னா, யாசனம் தே³ஹீ த்யாதி³னா யாசனமத்த²ம், இட்ட²ஸ்ஸாஸம்பத்தஸ்ஸாத்த²னமிட்டா²ஸிம்ஸனம். பத்தகாலவஸேன ச விஸயபே⁴தே³ன பி⁴ன்னாய பீதி யோஜேத்வா அத்தோ² த³ட்ட²ப்³போ³. பத்தகாலம் த³ஸ்ஸேதி நிமித்தபூ⁴தஸ்ஸாதிஆதி³னா. நிமித்தபூ⁴தஸ்ஸாதி தம்தம்கிச்சஸம்பஜ்ஜனே காரணபூ⁴தஸ்ஸ. விதி⁴ நாம தி³ட்ட²த⁴ம்மிகஸம்பராயிக நிமந்தணாமந்தணாஜ்ஜே²ஸனபேஸனானி. ஏத்த² ச அனுஞ்ஞாபத்தகாலேஸு ச பஞ்சமீ விஹிதா பரேஹி, தி³ட்ட²த⁴ம்மிகாதீ³ஸு பஞ்சஸு ஸத்தமீ. இத⁴ பன தே த்³வேபி விதி⁴விஸேஸாயேவாதி விதி⁴ம்ஹி அந்தோகரித்வா ஏய்யாதி³ம் விதா⁴தும் யம் வுத்தம் வுத்திகாரேன, ததி³தா³னி வத்துகாமோ ஆஹ- ‘அனுஞ்ஞாபத்தகாலேஸுபி’ச்சாதி³. விதி⁴ப்பதீதிமேவ பகாஸேதி ‘ஏவம் கரேய்யாஸீ’’திச்சாதி³னா. அனுஜானந்தோபி தீ³பேந்தோபி கிரியாஸு ப்³யாபாரேதியேவாதி ப்³யாபாரணம்பதீதிதோதி யோஜேத்வா அத்தோ² வேதி³தப்³போ³.

பேஸனேபி கேஸஞ்சி ப்³யாகரணஞ்ஞூனம் ஸத்தமீவிதி⁴ச்சி²தோதிவுத்திகாரேன யம் வுத்தம், தம் தா³னி வத்துமாஹ- ‘பேஸனே பி’ச்சாதி³. ஸமூலதந்தி கேஸஞ்சி ஸத்³தி³கானம் ஸத்தமீவிதி⁴விதா⁴னமூலேன ஸமூலதம். ‘‘அனுமதிபரிகப்பத்தே²ஸு ஸத்தமீ’’தி (3-1-11) கச்சானஸுத்தம். கத்துமிச்ச²தோ பரஸ்ஸ அனுஜானனம் அனுமதி, பரிகப்பனம் ஸல்லக்க²ணம் நிரூபனம் பரிகப்போ ஹேதுப²லகிரியா ஸம்ப⁴வோ ச, தஸ்மிம் அனுமத்யத்தே² ச பரிகப்பத்தே² ச ஸத்தமீவிப⁴த்தி ஹோதீதி அத்தோ². அத்த²க்³க³ஹணேன விதி⁴னிமந்தணாமந்தணாஜ்ஜே²ஸன பத்த²னாபத்தகாலேஸு ச.