5. அன

அஞ்ஞபத³த்த²வுத்தியாதி வுத்தமஞ்ஞபத³த்த²ம் த³ஸ்ஸேதி ‘வக்க²மானலக்க²ணோ’ச்சாதி³னா. வக்க²மானலக்க²ணோதிவுத்திகாரேன ‘‘ஆஞாய்யா’’ச்சாதி³னா வக்க²மானலக்க²ணோ. அந்தோகத்வாதி இமினா ஆஸத்³த³ஸ்ஸாபி⁴விதி⁴ம்ஹி பவத்திமாஹ. அஹருப⁴யதட்³ட⁴ரத்தம் வாதி ஏத்த² வாஸத்³தோ³ பக்க²ந்தரே. அட்³ட⁴ரத்தஸத்³தே³ன ரத்தியா சதுத்தோ² பா⁴கோ³-த்ர வத்துமிட்டோ², அஹோ ச தஸ்ஸ அட்³ட⁴ரத்தஞ்சாதி அத்தோ². இமஸ்ஸாதி⁴ப்பாயத்த²மாஹ- ‘அதீதேச்சாதி³. உப⁴யத்த² அதி⁴ப்பாயம் விவரதி‘அய’மிச்சாதி³னா. பஞ்சயாமோதி அதீதாய ரத்தியா பச்சி²மபஞ்சசத்தாலீஸவினாடி³காதி⁴கக⁴டிகாத்தயம் அனாக³தாய புரிமபஞ்சசத்தாலீஸவினாடி³காதி⁴கக⁴டிகத்த²யஞ்சேதி அட்³டா⁴தி⁴கஸத்தக⁴டிகாபரிமாணோ ஏகோ யாமோ அஹஸ்ஸ சத்தாரோதி பஞ்ச யாமா பஹாரா அஸ்ஸாதி பஞ்சயாமோ.

க³தாயபச்சி²மோ யாமோ, பச்சி²மத்³த⁴மிமஸ்ஸ வா;

பஹாரோ-நாக³தாயாதீ³, தத³த்³த⁴மபி வா ததா².

வுத்தகாலாவதி⁴ மஜ்ஜோ², காலோ ஸோ-ஜ்ஜதனோ மதோ;

தன்னிஸேதே⁴ன யோத்வஞ்ஞோ, ஸோ-நஜ்ஜதனோ மதோ.

அக³மத்தா²திஆதீ³ஸு அஈஸ்ஸஆதீ³னம் ஸம்ப³ந்தி⁴ப்³யஞ்ஜனஸ்ஸாபா⁴வா ந இஞ. ப்³யாமிஸ்ஸேபீதி அஜ்ஜதனமிஸ்ஸேபி பூ⁴தே. நஞ்ஸமாஸனிஸ்ஸயே ப்³யாமிஸ்ஸே யதா² பப்போதீதி த³ஸ்ஸேந்தோ ஆஹ- ‘பரியுதா³ஸேதாவே’ச்சாதி³.

அஜ்ஜதனனிஸ்ஸயோதி ப்³யாமிஸ்ஸே அஜ்ஜதனபா⁴கீ³னிஸ்ஸயோ. அத்து²தி பஞ்ஹே து தத³ஞ்ஞனிஸ்ஸயோதி ப்³யாமிஸ்ஸேயேவ ததோ அஜ்ஜதனதோ இதரானஜ்ஜதன நிஸ்ஸயோ அஞ்ஞத்ராதி ப்³யாமிஸ்ஸதோ அஞ்ஞத்ர பூ⁴தகாலே. பஸங்கோ³தி ஆ ஞுஆதீ³னம் பஸங்கோ³. அஜ்ஜஹிய்யோவாதி ப்³யாமிஸ்ஸதாத³ஸ்ஸனத்த²ம் வுத்தம்.