85. நதே

புச்சீ²யித்தா²தி விக்³க³ய்ஹ த்தோ, தஸ்ஸ ‘‘புச்சா²தி³தோ’’தி (5-143) டோ². ஸேஸம் வுத்தனயமேவ. ஏ ஓனம்படிஸேத⁴முகே²னாதி ஏஓனம்படிஸேத⁴ஸ்ஸ பகதத்தா வுத்தம். சினிதப்³ப³ந்திஆதீ³ஸு சீயித்த² சீயதி வாதிஆதி³னா விக்³க³ஹோ. சினிதுந்திஆதீ³ஸு சினனா யாதி(ஆதி³னா). நனு ச (ஞிஆக³)மோ, ந பச்சயோதி கத²ம்பச்சயே ‘‘லஹுஸ்ஸுபந்தஸ்ஸா’’தி (5-83) ஏஓ பப்போந்தி கத²ஞ்சே ஸம்படிஸேதோ⁴ச்சாஸங்கியாஹ- ‘ஞிஸ்ஸே’ச்சாதி³. நனுசாதி³ம்ஹி ந யுவண்ணாபி⁴ கத²மேத்த²ப்பஸங்கோ³தி ஆஹ- ‘ஸகாபானம் குக்கூணேதி’ச்சாதி³.

பத்தோகாரஸ்ஸாதி து⁴ஸத்³தே³ உகாரஸ்ஸ பத்தோகாரஸ்ஸ. யுவண்ணேச்சாதி³னாபத்தஸ்ஸாதி (தப்³ப³) தும் பச்சயேஸு ச ணினோ பத்தஸ்ஸ. வா விதா⁴னா ந ஞி. து⁴னாபேதப்³ப³ந்திஆதி³பாடே² ஞிம்ஹி அகதே ‘‘அஞ்ஞத்ராபீ’’தி (5-87) படிஸேதா⁴பா⁴வோ. து⁴னாபேதீதி பாடே²திம்ஹி லே ச ‘‘க்வசி விகரணான’’ந்தி (5-161) விகரணலோபே ச ஏகாரோ. அஸதி நாக³மே ‘‘யுவண்ணே’’ச்சாதி³னா ஏத்தம் ஸியா தம்பினாக³மே உபந்தத்தா நேத்யதி⁴ப்பாயேனாஹ- ‘ததா²பி’ச்சாதி³. பக்க²ந்தரமாஹ- ‘நாக³மே’ச்சாதி³.