64. ந்தோ

யோ ஸாத⁴யிதுமாரத்³தோ⁴ நச நிட்ட²முபக³தோதி யோ கடாதி³ஸாத⁴யிதும் நிப்³ப³த்தயிதும் ஆரத்³தோ⁴ நிட்ட²ம் பரிஸமத்திம் ந சோபக³தோ நப்பத்தோ. பவத்தோ-நுபரதோவாதி யோ பப்³ப³தாதி³ நிச்சப்பவதோ-அவிரதோ தேனேவ நிட்ட²ம் நோபக³தோஸோவத்தமானோதி வுச்சதேதி யோஜனா. தப்³பி³ ஸயகிரியாத்³வாரேனாதி யதா²வுத்தகடாதி³விஸய கிரியாமுகே²ன, இத³ம் வுத்தம் ஹோதி ‘‘யதா²வுத்தகடாதீ³னம் வத்தமானத்தா தப்³பி³ஸயா கிரியாபி வத்தமானா ஏவாதி தம்த்³வாரேன க்ரியத்த²விஸேஸன’’ந்தி.

பு⁴ஞ்ஜதி தே³வத³த்தோதி ஏத்த² யஜ்ஜபி பு⁴ஞ்ஜமானோ ஹஸதி க²ஜ்ஜதி [வத³தி] பானியம் பிவதி, ததா²பி யுத்தா வத்தமானதா கத்துமிச்சி²தஸ்ஸாரம்போ⁴ ந பரிஸமத்தோதி வுத்தம்- ‘ஸாத⁴யிதுமாரத்³தோ⁴ ந ச நிட்ட²முபக³தோ’தி. திட்ட²ந்தி பப்³ப³தாதிஆதீ³ஸு நிச்சேஸு பப்³ப³தாதீ³ஸு பூ⁴தானாக³தானமஸம்ப⁴வா தன்னிஸேதி⁴னோ வத்தமானஸ்ஸாப்யஸம்ப⁴வா யதீ³பி காலவிபா⁴கோ³ ந விஞ்ஞாயதே, ததா²பி ஆரத்³த⁴ஸ்ஸ டா²னஸ்ஸாபரிஸமத்தியா வத்தமானா ஏவாதி வுத்தம்- ‘பவத்தோ-நுபரதோ வா’தி. கத்துவிஸேஸனே ஸதி கோ தோ³ஸோச்சாஹ- ‘கத்து விஸேஸனே’ச்சாதி³. இஹாபி ஸியா கத்துனோ வத்தமானத்தா, வத்தமானத்த மேவாஸ்ஸ பகாஸேதுமயந்தி வுத்தம். ‘‘அபட²மா ஸமானாதி⁴கரணே’’த்யாதீ³ஹி (3-2-124) அனேகேஹி ஸுத்தேஹிந்தப்பச்சயோ பாணினியேஹி விஹிதோ.

இத⁴ பன ஸாமஞ்ஞேன விஹிதத்தா ஆஹ- ‘ஸாமஞ்ஞேனா’திஆதி³. ஸந்தோ ‘அஸ-பு⁴வி’ந்தப்பச்சயோ. ‘‘கத்தரி லோ’’ (5-18) ‘‘ந்தமானாந்தி யியும்ஸ்வாதி³லோபோ’’தி (5-130) அகாரஸ்ஸ லோபோ. தபந்தோ ‘தப-ஸந்தாபே’. ஜப்பந்தோ ‘ஜப்ப=வசனே’. பட²ந்தோ ‘பட²=உச்சாரணே’ பசந்தோ ‘பச=பாகே’தா⁴ரயந்தோ ‘த⁴ர=தா⁴ரணே’. பயோஜகப்³யாபாரே ணி, த⁴ரிதும் பயுஞ்ஜமானோ தா⁴ரயந்தோ. தி³ஸ்ஸந்தோ தி³ஸ து³ஸ=அப்பிதியம்’’ தி³வாதீ³ஹி யக’’ (5-12) யஜந்தோ ‘யஜ-தே³வபூஜாயம்’. அரஹந்தோ ‘அரஹ-பூஜாயம். யதா²சாதிஆதி³னா அபட²மாஸமானாதி⁴கரணாதீ³ஸு ‘ஸம்விஜ்ஜமானோ விரோசமானம் ஜப்பமானோ’ச்சாதீ³ஸு மானோ ந்தோ விய த³ட்ட²ப்³போ³தி வத³தி.