11. ணரா

ஸாமஞ்ஞேன ரத்தஸத்³த³ஸ்ஸாத்த²மாஹ- ‘குங்குமாதி³னா’தி. அஞ்ஞதா² ‘ராகோ³ குஸும்பா⁴தீ³’தி வுத்தத்தா குஸும்பா⁴தி³னாதி (வுத்தம்) ஸியா, ரஞ்ஜி அய மத்தி² அபி⁴ஸங்கே³‘போ⁴ஜனே ரத்தோ’தி. அத்தி² வண்ணவிஸேஸே ‘ரத்தோகோ³’தி, லோஹிதோத்யத்தோ², அத்தி² ஸுக்கஸஜ வண்ணந்தராபாத³னே‘ரத்தோ படோ’தி. இஹ து ததியே-த்தே² வத்தமானோ க³ய்ஹதீதி வுத்தம்- ‘வண்ணந்தரமாபாதி³த’ந்தி. ராகா³தி.

அத்த²க்³க³ஹணந்தி அத்த²ப்பதா⁴னத்தா நித்³தே³ஸஸ்ஸ வுத்தம். தஞ்சாசரியான முபதே³ஸதோ அவிச்சி²ன்னா (சரிய) பாரம்பரியாவக³ம்யதே, ராகா³தி கஸாவ ஸங்கா²தஅத்த²னித்³தே³ஸோ. தேனாதி படஸ்ஸ ரத்தபா⁴வே ராக³ஸ்ஸ கரணனித்³தே³ஸோ, ரத்தந்தி பச்சயத்த²னித்³தே³ஸோ, பச்சயோ சாயம் கஸா வத்த²தோ ப⁴வத்யஸம்ப⁴வா, தேன ஸுத்தே ராகா³தி வுத்தேபி தப்³பா³சகா கஸாவஸத்³தா³தி விஞ்ஞாயதி, ராகா³தி பன தேனாதி ராக³ஸ்ஸேவ நித்³தி³ட்டே²பி தப்³பா⁴வேனா [தப்³பா³வகபா⁴வேனா-தி ப⁴விதப்³ப³ம்] த்தோ² நித்³தி³ட்டோ², தப்³பா³சகா ச ஹோந்தோ‘தேன ரத்த’ந்தி அத்தே² ஹோதீதி கஸாவேன ரத்தந்தி விஞ்ஞாயதீதி ராக³வாசினோ ததியந்தத்தம் ஸம்பஜ்ஜதி, தேன ‘ண ராகா³ தேன ரத்த’ந்தி வுத்தேபி லப்³ப⁴மானத்த²வஸேன வுத்தம்- ‘ராக³வாசிததியந்ததோ’தி. ஸுத்தே பன ராகே³ன ரத்தந்தேதஸ்மிம் அத்தே² ராகா³ ராக³வாசீஸத்³தா³ ததியந்தா ணப்பச்சயோ ஹோதீதி அத்தோ². அபி⁴தா⁴னதோதி உபசாரவஸேன கத²னதோ. வினாபி தேனாதி தம்பச்சயம் வினாபி.