14. ஸத்த

கிந்தம் ஆதி⁴க்யமிச்சாஹ- ‘அதி⁴காதி⁴கீஸம்ப³ந்தோ⁴’தி, அதி⁴கோ அஸ்ஸ அத்தீ²தி அதி⁴கீ=கா²ரீ, அதா²தி⁴கீவினிமுத்தே அதி⁴காதி⁴கிஸம்ப³ந்தோ⁴ கத²மவஸீயதே நஹ்யத்ராதி⁴கீ கோசி ஸூயதிச்சாஹ-‘நவினே’ச்சாதி³, இதி ஸத்³தோ³ ஹேதும்ஹி யதா²வுத்தஸம்ப³ந்த⁴ஸாத⁴னோ, ததோ³பஸத்³தே³னயோகோ³தி ததா³ உபஸத்³தே³னாதி⁴கினோயோகோ³தி அத்தோ². த்³விட்ட²த்தா ஸம்ப³ந்த⁴ஸ்ஸ அதி⁴கஸ்ஸாப்யுபஸத்³தே³ன யோகா³ ததோபி கஸ்மா ந ஸத்தமீத்யாஹ-‘அதி⁴கம்ஹாத்வி’ச்சாதி³, யதா² ஏகாயேவ விப⁴த்தியா உப⁴யக³தஸ்ஸாபி ஸம்ப³ந்த⁴ஸ்ஸ ஜோதிதத்தா விஜ்ஜுஸங்கா²தலக்கி²யா ஸத்தம்யபா⁴வோ, ஏவமிதா⁴ பீதி புப்³பே³ வுத்தஸமாதி⁴மதிதி³ஸந்தோ ஆஹ-‘லக்கி²தா விய ஸத்தம்ய பா⁴வோ’தி, ‘‘மாணிகா சதுரோதோ³ணா, கா²ரித்தீ² சதுமாணிகா’’.