26. ஸரோ

ஆதா⁴ரவிஸேஸாபஸ்ஸயனந்தி ஓபஸிலேஸிகாதா⁴ரவிஸேஸஸ்ஸ நிஸ்ஸயனம், ஓபஸிலேஸிகாதா⁴ரம் வினா ஆதா⁴ரந்தரே க³ஹிதே ஸதி வசனந்தரம் ஸுத்தந்தரம் வினா ப்³யவஹிதனிவத்தி காதும் ந ச ஸக்காதி ஸம்ப³ந்தோ⁴, கேசீதி பு³த்³த⁴ப்பியாசரியாத³யோ த³ஸ்ஸேதி, தே ஹி யதி³ வண்ணேன காலேன வா ப்³யவதா⁴னேபி ஸந்தி⁴ ப⁴வேய்ய ததா³ ஸரேதி நிமித்தஸ்ஸோ பாதா³னம் நிரத்த²கம் ப⁴வேய்யாதி ஸரேதி நிமித்தோபாதா³னஸாமத்தி²யேனானேன வண்ணாதி³ப்³யவதா⁴னே நோ ஸந்தீ⁴தி மஞ்ஞமானா ‘நிமித்தோ’ச்சாதி³கம் வாக்யமாஹு, தத³யுத்தந்தி தேஹி’நிமித்தோ’ச்சாதி³னா யம் வுத்தம், தம் அயுத்தந்தி அத்தோ², அயுத்தத்தே காரணம் ப்³யபி⁴சாரஸப்³பா⁴வேன ஸாமத்தி²யாபா⁴வோயேவாதி ப்³யபி⁴சாரந்த³ஸ்ஸேத்வா ஸாமத்தி²யாபா⁴வந்த³ஸ்ஸேதுமாஹ-‘அவஸானே,ச்சாதி³, காரியாபா⁴வேபீதி ஏத்த² ந கேவலம் ‘இத³மேவ ஸச்சம், ஸுமனா ப⁴வந்து அதோ²பி’த்யாதோ³ வண்ணகாலப்³யவதா⁴னேயேவ, அத² கோ² ‘ஏதே ந ஸச்சேன ஸுவத்தி² ஹோதூ’த்யாதோ³ அவஸானே ‘பமாதோ³ மச்சுனோ பத³ம்’ த்யாதோ³ அந்த பி³ந்து³ ஸங்கா²தனிமித்தந்தரே வா காரியாபா⁴வேபி நிமித்தோ பாதா³னஸ்ஸ ஸாத்த²கதோதி அபிஸத்³த³ஸ்ஸத்தோ², ஸாத்த²கதோதி பா⁴வப்பச்சயலோபேன பா⁴வப்பதா⁴னவஸேன வா வுத்தம், ஸாத்த²கத்ததோதி வுத்தம் ஹோதி, அஞ்ஞதா² நிமித்தோபாதா³னமேவ ஸாத்த²கம் நாமாதி ‘நிமித்தோ பாதா³னஸ்ஸ ஸாத்த²கதோ’தி ந யுஜ்ஜதி, அயமேத்தா²தி⁴ப்பாயோ ‘அவஸானே நிமிந்தரே வா காரியாபா⁴வேன ப்³யபி⁴சாரஸப்³பா⁴வா அஞ்ஞதா²னுபபத்திலக்க²ணம் ஸாமத்தி²யம் நத்தி², நிமித்தந்துப்³யவதா⁴னேபி சத்தி², யதா²’தா³ருனிமித்தம் வனோபஸங்கமன’ந்தி தஸ்மா வண்ணகாலப்³யவதா⁴னேபி ஸரேதி நிமித்தே ஸதி லோபகாரியம் பப்போதே வா’தி. லுப்பதீதி ‘தத்ரிமே’ச்சாதி³னா கத²னகாலே ந தி³ஸ்ஸதீதி அத்தோ², அத³ஸ்ஸனமத்தமேவ ஹி லோபோ, அஞ்ஞதா² ‘தத்ரா’தி³ஸத்³த³ரூபாபா⁴வப்பத்தியா அத்த²ப்பதீதி காரித்தமேஸம் ந ஸியாதி, பட²மாய நித்³தி³ட்டோ²… வுத்தத்தா கம்மஸ்ஸ, ஸரஸ்ஸாதி வதே³ய்ய… பா⁴வே கா²தி³ப்பச்சயேன அவுத்தகம்மத்தா, இஹாதி இமினா ஸத்த²ந்தரே பா⁴வஸாத⁴னவஸேன க³ஹணம் விபா⁴வேதி, க³ந்த² லாக⁴வோ… ஸரஸ்ஸ லோபோதி வா லோபம் பப்போதீதி வா அவத்தப்³ப³த்தா, ஸரோதி பட²மாய நித்³தி³ட்ட²த்தா ஸரோ லோபோ நாம ஹோதீதி ஸங்காபி ஸியாதி ஆஹ-‘ந சே’ச்சாதி³, இஹாதி இமஸ்மிம் ஸுத்தே, ஹோந்திச்சாதோ³பி புப்³ப³ஸரலோபே ஹந்திச்சாதி³கம்பி ஸியாத்யாஸங்கியாஹ-‘ஸோசே’ச்சாதி³, உஸ்ஸக்³க³தோ ஆக³தோ ஸம்பூ⁴தோ தஸ்ஸ வா அயம்தி ஓஸ்ஸக்³கி³கோ புப்³ப³லோபோ, தஸ்ஸ பா⁴வோ ஓஸ்ஸக்³கி³கத்தம், ஓஸ்ஸக்³கி³கத்தா புப்³ப³லோபஸ்ஸ காரியந்தரேஹி பரலோபாதீ³ஹி அபவாத³விதீ⁴ஹி ஆபா³தி⁴தோ ஏவ, ஸோ ச புப்³ப³லோபோ ஹோதீதி ஸம்ப³ந்தோ⁴, ‘‘பரோ க்வசீ’’தி (91-27) க்வசிக்³க³ஹணேன புப்³ப³பரலோபானம் துல்யப³லத்தாபா⁴வா யதா² க³மப்பத்திதோ பரலோபஸ்ஸாபவாத³ரூபத்தம், அஜ்ஜா²ஸிதேதி பவிட்டே², ந ஹோதி… பரலோபாபவாதே³ன பா³தி⁴தத்தா, தேஹீதி பரலோபாதீ³ஹி, ஸப்³ப³தா² முத்தவிஸயோ ஸத்³தி⁴ந்த்³ரியந்தி, விகப்பேன முத்தவிஸயோ லதே வாதி.