24. வண்ண

‘அதேனா’தி (2-108) ஏத்த² அதோதி ரஸ்ஸப்³யத்தினித்³தே³ஸோ வா ஸியா ரஸ்ஸஜாதினித்³தே³ஸோ வா ஸகலனிஸ்ஸயப்³யாபீ அத்த²ஜாதி நித்³தே³ஸோவா, தத்த² ரஸ்ஸப்³யத்தினித்³தே³ஸே ஸதி பு³த்³த⁴ஸித்³தா⁴தீ³ஸு யத்த²கத்த²சி அகாரோ க³ய்ஹதேதி நேட்ட²ப்பஸித்³தி⁴… கேஸஞ்சி அஸிஜ்ஜ²னதோ, ரஸ்ஸ ஜாதினித்³தே³ஸே பன பு³த்³த⁴ஸித்³தா⁴தி³ஸப்³பா³காரந்தானம் லக்க²ணிகக³வாத்³யகா ரந்தானஞ்சாகாரோ க³ய்ஹதீதி ஸப்³ப³தா² இட்ட²ப்பஸித்³தி⁴, நாஞ்ஞோ தீ³கோ⁴ ப்³யத்தந்தரத்தாதி நானிட்ட²ப்பத்தி ஆகாரதோ நாஸ்ஸேனாபா⁴வா, தஸ்மா அதோதி ரஸ்ஸஜாதினித்³தே³ஸே நிஸ்ஸிதே ஸப்³ப³மித³மிட்ட²ம் நிப்ப²ஜ்ஜதீதி நாத்த²ஜாதி நிஸ்ஸீயதே, ந ரஸ்ஸப்³யத்திச, ‘‘யுவண்ணானமே ஓலுத்தா’’தி (1-29) ஆதீ³ஸு பன ரஸ்ஸப்³யத்தியா ரஸ்ஸஜாதியா வா நித்³தே³ஸே ‘தஸ்ஸேத³ம் நோபேதி’ச்சாதீ³ஸு ஏஓஆதி³கமிட்ட²ம் கத்த²சி ப⁴வேய்ய, ந ஸப்³ப³த்த², ஸப்³ப³த்த² வா ப⁴வேய்ய ‘வாதேரிதம் ஸமோனா’திஆதீ³ஸு ப்³யத்தந்த ரத்தா, தஸ்மா ஸப்³ப³தா² இட்ட²ப்பஸித்³தி⁴யா இத்தஜாத்யாதி³ நிஸ்ஸீயதே, அத²வா வண்ணுச்சாரணம்பதி கேஸஞ்சி வண்ணுப்பத்திட்டா²னானம் உச்சனீசதது³ப⁴ய ஸம்ஹாரவஸேன வண்ணவிஸேஸுப்பத்தி த³ஸ்ஸனதோ தேஸம் வஸேன ரஸ்ஸ ப்³யத்தினித்³தே³ஸே ரஸ்ஸஜாதினித்³தே³ஸே வா வுத்தனயேன இட்டா²னிட்ட²ப்பத்தியம் ஸப்³ப³தா² ஸப்³ப³தா² இட்ட²ப்பஸித்³தி⁴யா இத்தஜாத்யாதி³ நிஸ்ஸீயதே, தத்த² வண்ண பரேன ஸவண்ணக்³க³ஹணம் நியமிதும் வசனமித³மாரத்³த⁴ந்தி ‘ஸப்³ப³த்தே²வா’திஆதி³னா வசனாரம்ப⁴ப²லமாஹ, ஸப்³ப³த்தே²வாதி ஸப்³ப³ஸ்மிம்யேவ ஸுத்தப்பதே³ஸே. நனு ஸயஞ்சாதி வுத்தேபி பரியத்தம், ந ஹ்யஞ்ஞம் ரூபா ஸயமத்தி², அஞ்ஞம் வா (ஸய)தோ ரூபந்தி ஸித்³தே⁴ப்யேவம் ஸதி அத்தே²த்த² பரோ கோசி விஸேஸோதி ஞாபேதும் ஸஞ்ச ரூப’ந்தி வுத்திகாரோ ஆஹாதி ஸம்ப³ந்தோ⁴, ரூபஸ்ஸ விஸேஸிதப்³ப³த்தா ‘ஸஞ்ச ரூப’ந்தி வுத்தியம் நித்³தி³ஸீயமானத்தா ச ரூபந்தி விஞ்ஞாயதீதி ‘ஸஞ்ச க³ய்ஹதீ’தி வுத்தம், ஸம்ரூபக்³க³ஹணாயாபிஸத்³த³ம் கரோதோ-தி⁴ப்பாயோ-யந்தி வத்துமாஹ-‘அஞ்ஞதே²’ச்சாதி³, அஞ்ஞதா²தி அஞ்ஞேனப்பகாரேன ஸம்ரூபக்³க³ஹணாய அபிஸத்³தா³பா⁴வேதி அதி⁴ப்பாயோ, அஞ்ஞபத³த்தே²தி அஞ்ஞபத³த்த² ஸமாஸவிஸயே, கு³ணீபூ⁴தஸ்ஸாதி அப்பதா⁴னபூ⁴தஸ்ஸாகாரே காராதி³னோ, ஸமாஸேன வுத்தத்தா பதா⁴னதூ தத்தேபி கு³ணோ ப⁴வதி அஞ்ஞபத³த்தோ²-காரேகாராதி³ விதா⁴ய கத்தா, விதீ⁴யமானோ ஸவண்ணோவ பதா⁴னம்… இத³மத்தி²தாய தப்பவத்தியாதி. நனு வுத்தியமபிஸத்³த³ஸ்ஸாத்த²ம் வத³தா ஸயஞ்சேதி வத்தப்³ப³ம், ‘‘ததா² ஸயமத்தனீ’’தி நிக⁴ண்டு³தோ ஸயஞ்ச-த்தாகாரேகாராதி³ஞ்ச க³ய்ஹதீத்யமத்தோ² ஸம்பா⁴வீயதீதி சோத³னம்பனஸி நிதா⁴ய ‘ஸஞ்ச ரூப’ந்தி வத³ந்தோ ஸாதி⁴ப்பாயாருள்ஹம் கிஞ்சி அத்த²விஸேஸம் பகாஸேதும் ததே²வாஹாதி த³ஸ்ஸேதும் வுத்தம்-‘ஸயஞ்சே’த்யாதி³, ‘‘த⁴னஞ்ஞாதீஸு ஸம்ஸத்³தோ³, ததா²த்தத்தனியேஸுபீ’’தி நிக⁴ண்டு³வசனதோ ‘ஸ’ந்தி அத்தாபி க³ய்ஹதி, கோ ஸோ ஸத்³த³ரூபம் ஸாதா⁴ரணம், ‘ஸ’ந்தி அத்தனியம்பி, கிந்தம் ஸத்³தா³ன மஸாதா⁴ரணம் ஸத்³த³ரூபம், ததா² ஸதி அத்தனியம் ரூபம் நாமாத்தஸங்கா²தஸத்³த³ஸம்ப³ந்தீ⁴தி ஆஹ-‘ஸம்ரூபம் ஸத்³தா³னமஸாதா⁴ரணம் ரூப’ந்தி, ஏதஞ்ச இத³ந்தீமினா ஸம்ப³ந்தி⁴தப்³ப³ம், அஸாதா⁴ரணந்தி அஸாதா⁴ரணம் ஸத்³த³ரூபம், ஸதி ஸம்ப⁴வே ப்³யபி⁴சாரே ச விஸேஸனஸ்ஸ ஸாத்த²கதாய அஸாதா⁴ரணந்தி ரூபம் விஸேஸதா ஸாதா⁴ரணஸ்ஸாபி ஸம்ப⁴வோ வுத்தோயேவ நாமாதி ஆஹ-‘து³வித⁴ம் ஹி’ச்சாதி³, கிந்தம் ஸாதா⁴ரணமஸாதா⁴ரணஞ்சரூபந்தி ஸாமஞ்ஞேன ரூபம் நித்³தி³ஸிதுமாஹ-‘தத்தா²’திஆதி³, தத்தா²தி நித்³தா⁴ரணே ஸத்தமீ, ஸத்³தா³னந்தி ஸாத்த²கனிரத்த²கானம் யேஸம்கேஸஞ்சி ஸத்³தா³னம், தம்தம் ஸத்³த³த்தாதீ³ஹி தேஸம்தேஸம் பு³த்³த⁴ அஇஆதீ³னம் ஸத்³தா³னம் ஸத்³த³த்தாதி³, உப⁴யத்த² ஆதி³ஸத்³தே³ன அத்தோ² ஸங்க³ஹிதோ, தேன ஸாதா⁴ரணம் ஸத்³த³ரூபமத்த²ரூபம் ததா²-ஸாதா⁴ரணந்தி சதுப்³பி³த⁴ம் ஸம்ரூபந்தி த³ஸ்ஸேதி, சதூஸுபி சேதேஸ்வஸாதா⁴ரணஸ்ஸ ஸத்³த³ரூபஸ்ஸேவோபானம் த³ஸ்ஸேதுமாஹ-‘தத்தா²’திஆதி³, ஸாதா⁴ரணரூபப்³யுதா³ஸேனாதி ஸாதா⁴ரணரூபஸ்ஸ பரிச்சாகே³ன, உபாதி³யந்தோ ரூபமேவ ஸத்³த³ஸ்ஸஸம், நாத்தோ²தி ச த³ஸ்ஸேதீதி ஸம்ப³ந்தோ⁴, ச ஸத்³தோ³ பனேத்த² ‘இத³ம் த³ஸ்ஸேதீ’தி ஹேட்டா² வுத்தம் ஸமுச்சினோதி, அஸாதா⁴ரணஸ்ஸேவோபாதி³யனே காரணமாஹ-‘தந்த’மிச்சாதி³, இதரந்தி யே ஸம்கேஸஞ்சி ஸத்³தா³னம் ஸத்³த³த்தாதி³, பரஸ்ஸாபீதி அஞ்ஞஸ்ஸ யஸ்ஸகஸ்ஸசி ஸத்³த³ஸ்ஸாபி, இதி இத³ம், பதிதம் பஸித்³த⁴ம், ஏத்த² பன இதிஸத்³தோ³ ஹேதும்ஹி, யஸ்மா இத³ம் யதா²வுத்தம் பஸித்³த⁴ம் தஸ்மா புப்³பா³சரியபரம்பராயாக³தோ பதே³ஸதோ உபாதி³யந்தோதி பகதம், ஸம்ஸத்³த³விஸேஸனஸாமத்தி²யேன அஸாதா⁴ரணரூபோபாதி³யனேபி அஸாதா⁴ரணம் ஸத்³த³ரூபமேவோபாதீ³யதி நாஸாதா⁴ரணமத்த²ரூபம்… இமினா வக்க²மானகாரணதா [தாய (போத்த²கே)] வஸேனாதி ஆஹ-‘ஸத்³த³ஸ்ஸே’ச்சாதி³, ஆஸன்னம்…ஸத்³த³தோ ஸத்³த³பா⁴வஸா நஞ்ஞத்தா, விபரியயதோதி விபரியாஸேன அனாஸன்ன பா⁴வேனாதி அத்தோ², சக்கு²விஸயோபி ஹி அத்தோ² கத²ம் ஸோதவிஸயஸத்³த³ஸ்ஸ ந ஆஸன்னோ ஸம்ரூபம்ப⁴விதுமரஹதீதி, காரணந்தரமாஹ-‘அஹேய்யத்தாசா’திஆதி³, அஹேய்யத்தாதி அபரிச்சஜனீயத்தா, இத³ம்பி நிச்சஸம்ப³ந்தி⁴த்தே காரணவசனம், தம் ஸத்³த³ரூபம், நிச்சஸம்ப³ந்தீ⁴தி நிரந்தரஸம்யோகீ³, விபரியயதோதி ஹேய்யத்தா, ததா²ஹிச்சாதி³னா அத்த²ஸ்ஸ ஹேய்யத்தம் போ³தே⁴தி, அபரம் காரணமாஹ-‘அஸாதா⁴ரணஞ்ச ரூபம்’த்யாதி³னா, ஸாதா⁴ரணோ பரியாய ஸத்³தா³னம், பச்சேதப்³ப³த்தாதி விஞ்ஞாதப்³ப³த்தா, இதா³னி காரணத்தயம் ஸமோதா⁴னேத்வா இமேஹி காரணேஹி ரூபமேவ ஸத்³த³ஸ்ஸ ஸம்னாம, நாத்தோ²தி நியமேத்வா த³ஸ்ஸேதும் ‘ததே³வ’ந்திஆதி³ ஆரத்³த⁴ம், ததே³வந்தி யஸ்மா ஏவம், தம் தஸ்மாதி அத்தோ², ஸரூபப்பதா⁴னேதி ‘‘கோ³ஸ்ஸா வங’’ (1-32) த்யாதோ³ கோ³ஸ்ஸாத்யாதி³கே ஸரூபப்பதா⁴னே.