18. வானு

‘‘ச²ட்டி²யந்தஸ்ஸே’’த்யனேனேவாவிஸேஸேன வானுப³ந்த⁴காரியேப்யந்தஸ்ஸ ஸித்³தே⁴ கிமத்தோ²யமாரம்போ⁴த்யாஸங்கிய டானுப³ந்தா⁴த்யாதி³னா வசனப²லமுபத³ஸ்ஸேந்தோ ‘பா³த⁴கபா³த⁴னத்தோ²-யமாரம்போ⁴’தி-வத³தி, ததா²ஹி ‘‘ச²ட்டி²யந்தஸ்ஸே’’த்யஸ்ஸ பா³த⁴கோ ‘‘டானுப³ந்தா⁴னேகவண்ணா ஸப்³ப³ஸ்ஸே’’தி, தஸ்ஸ ச ‘‘வானுப³ந்தோ⁴’’த்யயம் யோகோ³ பா³த⁴கோதி பா³த⁴கபா³த⁴னத்தோ² ஸம்பஜ்ஜதே, அபஇச்சயமுபஸக்³கோ³ வஜ்ஜனே நீவாரணே, பனயனே வா வத்ததேதி அபோத்³யந்தே உஸ்ஸக்³க³லக்க²ணானி வஜ்ஜீயந்தே நீவாரீயந்தே அபனீயந்தே நேனேத்யபவாதோ³, ஸுத்தேகதே³ஸேன ஸுத்தமேவோபலக்கி²தந்தி அந்தஸ்ஸ‘ச²ட்டி²யந்தஸ்ஸா’தி ஸுத்தஸ்ஸ அபவாதோ³ அந்தாபவாதோ³, உஸ்ஸஜ்ஜதே நிவத்தீயத்யபவாதே³னேத்யுஸ்ஸக்³கோ³, உஸ்ஸக்³கா³பவாத³க்கமோ பனேத்த² ஏவம் வேதி³தப்³போ³ ‘‘ச²ட்டி²யந்தஸ்ஸே’’த்யுஸ்ஸக்³கோ³, தத³பவாதா³ ‘‘டானுப³ந்தா⁴னேகவண்ணா ஸப்³ப³ஸ்ஸ’’ ‘‘உகானுப³ந்தா⁴த்³யந்தா’’ ‘‘மானுப³ந்தோ⁴ ஸரா நமந்தா பரோ’’தி, ‘‘டானுப³ந்தா⁴னேகவண்ணா ஸப்³ப³ஸ்ஸே’’த்யுஸ்ஸக்³கோ³, தத³ பவாதா³ ‘‘வானுப³ந்தோ⁴’’ ‘‘மானுப³ந்தோ⁴ ஸரானமந்தா பரோ’’தி.